Канон за архангел Михаил от Йосиф Песнописец

ꙁау(т)рии ка҃(н). гла(с) .д҃. пѣ҃(с) .а. їрмѡ(с).           

Наставльшаго древле, іс҃лѣ бѣжѧща. ѿ работы фараѡнѧ. спь҃(с)шаго вь мори, и вь пѹстыни питавⸯшаго. вьспоемъ иꙁба҃(в).

Начѧлⸯника, анⸯг҃ломь, вьсесвѣтлое сльнⸯце. просвѣщаѫще ꙁемлѫ. люди свѣтлостьми. и мѫгл(ѫ) ѿгонѧ. и вь(сѫ)дѹ напасти. радостно. и пѣ҃(с)но славословимъ.

Иже агл҃ьі сътвори пламенныѫ г҃ь. исплънѣѫща силⸯно. твои прѣстолъ. и посрѣ҃(д) тѣхь сиꙗѫща, покаꙁаль ѥси. ꙗкоже ꙃвѣꙁ(д)ѧ михаила арⸯх҃гла.

Пѣсьно славо(сло)вимь, въси блгаго ба даровавⸯшаго на҃(м), стѣнѫ. врагомь непобѣдимѫ. и недвижимо, ѡснованїе, вьсег(д)а ѿ бѣдь сп(с)аѫща на҃(с) михаила ст҃го.

б(о) Недораꙁѹмное чюдо. како сь ꙁемными сьедини сѧ. непостыжⸯны б҃ь. ѿ тебѣ пльтиѫ, по сѫставѹ. роди сѧ бракѹнеискѹснаа. сп҃(с)аѫ погыбⸯшаго тлеѫ. ѡградение ꙁемⸯнымъ.

пѣ҃(с) .г҃. їрмѡ(с).

Оутврьж(д)аѫ грома, и ꙁиж(д)ѫи дх҃а. ѹтврьди мене г҃и. да тѧ поѫ цѣломѫдрьно. творѧ волѫ твоѫ, ꙗко нѣ҃(с) ст҃а ꙗко бь҃ нш҃ъ, и нѣ҃(с) праведнаа.

Прѣстоѫ прѣстолѹ, троичьскомѹ причѧстиемⸯ же ѡб҃ими. ѿтѫдѹ, сиꙗѫщеимь поѫщѫ тѧ просвѣти. б҃и арⸯхистратиже.

Їс҃ь ꙗже тѧ видѧ. ѡрѫжие въ рѫцѣ крѣпⸯко дрьжѫща. страшⸯнаго твоего ѹжасѣ сѧ видѣниꙗ. вьпиꙗше чⸯто нн҃ѣ велиши ми г҃и. творїти рабѹ твоемѹ, г҃и.

Иꙁвелъ еси ѿ ѫꙁыка, иноплем(е)на. приключишѫ сѧ. и порабощенꙗ лѣ҃(т). иꙁведи въ скорѣ, млѧ-с вышⸯнем(ꙋ). бж҃іи. архⸯистратиже.

б(о) Данилⸯ тѧ горѫ пишеть великѫѫ. амбакѹм же прѣчт҃(с)аа горѫ присѣннѫѫ. добродѣтели. дв҃дь же ѹсыреннѫ. ѿ неѫже бь҃ въпльти сѧ, мира иꙁⸯбавлѣѫ.

пѣ҃(с) .д҃. їрмѡ(с).

Оуслышавь, приходь. пр҃рокь. твои҃(х) г҃и. и ѹбоꙗхⸯ сѧ. раꙁѹмѣвь дѣла твоꙗ. и дивихⸯ сѧ, сла҃(в) х҃(с)е силѣ твоеи.

Сѣде на херѹвимѣ. ꙗкоже древле, люди многьї побѣди. бж҃иѥмь велѣниемь. тако и агарѣны ськрꙋши. и борѫщѫѫ сѧ сь мноѫ. и нападаѫщѫѫ. на люди смѣрениѫ архистратиже.

Ꙗко страшень видь твои. ꙗко чюдⸯна доброта, твоꙗ. михаиле великы, вь истинѫ. ꙗко прѣсвѣтла слава твоꙗ. ꙗже ꙗвлѣеши вьсѣмь, любѧщимⸯ тѧ. сьдѣловаѫ, и сьврьша(ѫ) бесчисльнаа чюдеса.

Стльпь ѡгнень видѣ тѧ. арⸯхипь бг҃омѫдрыи. и ег(д)а беспльтⸯныи народъ. беꙁаконны(х), тьщаше сѧ погрѫꙁити. водами храмь твои. начѧлⸯниче вышнимь силамь.

б(o) Гаврилⸯ ти ра(д)уи сѧ, ѿ вышⸯнихь приде присно прѣч҃(с)таа сь нимⸯ же вьпием ти. ра(д)уи сѧ двери. еѧ(же) единь проиде, х҃(с)ь бь҃. сп҃(с)аѫ чл҃чьство.

пѣ҃(с) .е҃. їрмо(с). Вьсиꙗи ми ги҃ свѣ҃(т) повелѣниꙗ твоего. ꙗко к тебѣ х҃(с)е. дх҃ь мои. ꙋтрънюѫ поеть, ты бо еси б҃ь мои, и кⸯ тебѣ прибѣго(х) цр҃ю м(и)рⸯн(ы).

Проꙗвлѣѧщи чюдеса. ꙗкоже хотѣше прьвы агл҃ъ. съвръшити вь црк҃ви твоеи. и проповѣдⸯници словеси. вьсемь провъꙁвѣстишѫ. ихⸯже и мы сьбы(т)е видимъ, ꙗвленно

Бж҃естьстьвⸯнимⸯ (!) ти ходатаиствомь арⸯхагеле. ставиль еси домⸯ ти дивно. водоѫ текѫщѫѫ. блг҃овидѣвь, исцѣление ѿроковици. иже древле похѹливь твоѫ дарьіи.

Пристѫпите и приимѣте. блг҃(д)тъ, кѹпⸯно, и милость, цѣлⸯбамⸯ бо приснотекѫщимъ. источⸯникь прѣ҃(д)лежить вьсѣмь. егоже арⸯхїстратигь. бж҃естьвⸯнымъ, маниемъ. ꙗвиль ѥ(с) намъ.

б(о). Анⸯгл҃ьскьыѫ силы. дв҃ице прѣимѫщи. ꙗко рож҃(д)ъшимь бг҃а и ц҃рѣ. ст҃аа мл҃и сѧ. непрѣстано вл҃(д)цѣ и бѹ.

пѣ҃(с) .ꙅ҃. їрм҃(с). 

Бѹрѣ мѧ помышлениꙗ, постигше. вь глѫбинѫ свѣ(д)ниꙗ. бесчисльны(х) грѣ(х). нѫ ты крьмⸯчи бл҃гы. постигнѫв сп҃(с)и.

Иже дрѣвⸯле свѣщавⸯшѫѫ. погѹбы(т) рѣчными стрѹꙗми. вь водѫ бл(с)вениꙗ. еже дароваль еси арⸯхаг҃ле. вѣрⸯнымь, покаꙁаль еси и беꙁⸯдны. прѣдъстанием(ъ) ти страшⸯнымь, арⸯхаг҃ле.

Древле моиси, ѹдарї вь камень. и потекошѫ воды. нн҃ѣже проражьшомѹ камень тебѣ. погнаны бышѫ, бистрыни рѣчныѫ. и до нн҃ѣ свѣ҃(д)тельствѹѫща. чюдесьі бж҃и арⸯхан҃гле.

Бж҃ество вл҃(д)чное мл҃(с)рде. ѡ вьсемь простираеши, смѣренымь рѫкѫ. исцѣлѣеши ськрѹшеныѫ ср҃(д)цемь и дш҃амь. и ѹставлѣеши болѣꙁⸯни и притѣкаѫщимь, к тебѣ прѣславне.

б(о). Свитокь тѧ провидѣвⸯше пр҃ркъ. вь немⸯже слово написа сѧ. прьстомь ѡч҃емъ, написа сѧ дв҃це егоже мл҃и вь книгы животныѫ, и на(с) написати. блг҃очьстⸯно хвалѧщихⸯ тѧ.

пѣ҃(с) .ꙁ҃. їрмо(с). Тѣлѹ ꙋбо ꙁлатомѹ. не поклонишѫ сѧ аурамьсти ѡтроци искѹшени бывⸯше. ꙗко ꙁлато вь грьнили. въ пещи ѡгньнеи. ꙗко вь чрьтоꙁѣ свѣтле. ликовахѫ поѫще. бл҃(с)нь, б҃ь. ѡц҃ь нш҃ихъ.

Стоѫще древле даниль, ꙗкоже видѣ. ѹжасомъ ѡдръжимь ꙋбоꙗ сѧ. и и (!) к ногама твоима припадь. ѹраꙁѹмѣ сѧ ꙗвлено. таиньсⸯтвѹ неꙗвленѹ. скаꙁание вьпиѫ. бл҃(с)нь б҃ь. ѡц҃ь нш҃и(х).

Ѫꙁычнимь нашествиемъ. пленены ѫꙁыкы. въ м(ѣ)сто ꙃѣло далече ꙁаве(д)ныѫ. тебѣже ꙁастѫпника прїꙁовемь. ар(х)істратиже бж҃еи. вьꙁведи радо(с). вьпиѫ(щ). бл҃(с)нъ.

б(о) Сп҃(с)а иꙁⸯбавителѣ вл҃(д)ко и б҃а. пльтиѫ рож(д)ьши прѣч҃(с)таа вл҃(д)чце. того прїлежⸯно ѹмл҃и. ꙗко да раꙁ(д)рѣшенїе, лют(их) и мъ (!). многыихь грѣ(х). прощение пріимемъ вьпиѫще. бл҃(с)нь б҃ь ѡ(ц).

пѣ҃(с) .и. їрмо(с).

Таинѫ прѣславⸯнѫѫ. вавилонⸯскаа (пока)ꙁа пещъ. источьши хладъ ꙗко и стрѹѫ. х(о)тѣше прикосновени ѡгьнь. ерⸯданьстѣи тръпѣти. плътиѫ кр(с)тима, ꙃиж(д)ителѣ. ѥгоже бл҃(с)веть лю(д)ѥ и прѣ.

Ꙃемѧ прѣходиши ꙗко и мльни. хотѣние ст҃ы(х). исплънѣѫ. живеши на нб҃(с)ехь. старѣишиньствѹѫ агл҃ом(ъ), слава твоꙗ велиꙗ паче ѹма. и бесчисльнаа же чюдеса ꙗже по вⸯсеи твари. страшⸯно съврьшаеши. бл҃(с)вите.

Самовидⸯци же на(с) ради. пльтиѫ ꙗвльшаго сѧ на ꙁеми. филипе прѣславⸯне. великы б҃ословець вьдьхновениемъ, бж҃естьвⸯнимъ. приснотѣкѫще блг(д)ть. прьвы агл҃е. твоимъ исцѣленїемь. прїгла(ш)ѫ ꙗвлено, бл(с).

б(о). Ѡгьнь родила еси. никакоже ѡпалѣѫщихь. твои(х) ложеснь дв҃це. слово родила еси ѡч҃е. иꙁымаѫщъ бесловесиꙗ. словеси льстиваго послѹшавⸯше. и прѣѡслѹвⸯшаго. створⸯшаго бг҃а члк҃олюбⸯца.

пѣ҃(с) .ѳ҃. їрмѡ(с).

Створи дрьжавѫ, мыщⸯцеѫ (!) (с)воеѫ. ниꙁложи силⸯны(х). съ прѣстола. въꙁне(с) смѣреныѫ б҃ь, їс҃левь. вь нихже посѣти на(с) въстокь сьвыше. направи (н҃)[1] на пѫ(т) миренъ.

Ꙗкоже ꙗви сѧ чл҃комь. бл҃госрьдиꙗ щедрѡ(т). присталь еси сь агл҃ы. тѣми словеси сьхранѣѫ ихь, ѿ врѣда, вражиꙗ. сь нимиже михаиль чюдны. того ради мл҃имⸯ ти сѧ, вьсѣмь намь дарѹи. грѣхѡмь. ѿпоу(с).

Демоньскаа, нашествиꙗ. погѹблѣеши ꙗвленно варьварьскыѫ плькы ѹставлѣеши. и ѡчищаеши, страсти ꙁемнымь. ѿ вьсѣкоѫ напасти. хромымъ исправлѣеши. и дарѹеши свѣть невидѫщимь. начѧлⸯниче слѹгамь нб҃(с)нымь.

Ост҃ыль еси честⸯны храмь и прославиль еси того. источникь чюдесемь. вь немъже стоѫще кѹпно вьпиемь ти вѣроѫ. арⸯхан҃гле. испроси намь раꙁ(д)рѣшение грѣхомь. и напастемь иꙁⸯбавленїе. и многоѫ тишиноѫ. те҃(б) вели(ч)е҃м(ъ).

б(о). Ꙗвлеи сѧ вл҃(д)цѣ, ширⸯши нб҃(с)ь. въмѣстила еси б҃а, нескаꙁанна. егоже нб҃(с)ны лици вьспѣваѫть, таино. того ѹмл҃и ч҃(с)таа, вьсѧ сп҃(с)и(т). тебѣ величаѫще. сь гласы немлъчними.