Служба на св. Йоаким Осоговски

ве(ч). стхо(л). бл͠жен мѫ(ж). на г͠и в'зва(х). ѡ(с). ѳ͠. стр(х) ѹбрѹ(с) гл(с). в͠. ...

а се ѡ͠цѹ стр(х)ы гл(с). и͠.

Прпо(д)бне ѡ͠че Иѡакиме. ти вь истинѧ ꙗви се постникомь похва(л). правовѣрию крѣпо(с) вселенѣи свѣтло незаходащее. льстиваго бо врага не убоꙗ сѧ. и прѣстрашениꙗ безбожна ꙋжасе сѧ. ѡ бл(д)ти бл͠жене еѧже прѣмѫдрьно попраль ѥ(с) безб͠жиѧѫ ѿ неѧже избави ны.

Прп(д)бне ѡ͠че Иѡакиме ты вьзыска б͠а. ни того свѣтомь свѣтлыми сиꙗн'ми.б(л)гочестиꙗ желаѧ величие всѣкоѧ свѣтлости цр(с)киѧ д'воры ѡставивь. и бесьмр'тноѥ наслѣдие приѧть тѣмь сь х͠омь вьдварѣеши сѧ б͠гобл͠жене.

Ѡ͠че б͠͠гомѧдре Иѡакиме. стрѹꙗми сльзнами просвѣтивь свои ꙋмь и кь б͠ѹ бѣседова прѣсвѣтлыми ч(с)тотами. свьтѣниемь стл'па всесвѣтлаго. б͠лгочестиꙗ  свѣтомь сиꙗѧ ꙗви сѧ б͠жне мнихомь похвала. н͠нѣ всѧ ны сьхрани мл͠твми си.

праз. гл(с). в͠. ...

Иже всѣка правдѧ вь жити ѡставивь ѡ͠че Iѡакиме. ꙗко ино житиѥ вьзлюбивь б͠гатство вьзненавидѣ пищѧ негодовавь вьсприемь вьздрьжание бѣдѧ ѿврьгь постиже правда.

тѣм'же ѡ͠че прѣпо(д)бне поминаи на(с). вь прѣпо(д)бны(х) си м͠литвахь кь б͠͠ѹ⁖

сла(в). гла(с) ѕ͠͠.:

Гора нб(с)и по(д)блѣше сѧ приемлѧще свѣтилника. пѹстын'аго ѡ͠ца Иѡакима. ꙗко и м͠ти и младен'ца старостиѧ ѡ͠чеѧ ты же прѣпо(д)бне ѡ͠че ꙗко ѡрель ст͠ымь д͠хомь. прѣлѣтаѧ горы и врьтпы ѡ(с)ѡ(г)вьскиѧ вь испрь ѡ краснод͠͠шне просвѣщаѧ вѣрныѧ притѣкаѧшѧ кь чест'номѹ ти гробѹ. да весело вьспѣваѫ. сь б͠цеѧ м͠͠ли сѧ спт(с) сѧ д͠͠шамь н͠шимь⁘

и н(н) б͠ци гл(с). в͠. ...

тро(п) гл(с). в͠. ...

дрѹ(г) тро(п) ѡ͠цѹ гл(с) тьж(д)е

Житие си ѹстроивь своем си б͠гат'ствѣ. д͠ши си стѧжавь бл͠жене ѡ͠че Иѡакиме б͠гомѫдре.

сна бо ѡчи твои николиже неприѧсте. беспрѣстаниꙗ м͠лбы б͠ѹ приносѧ. мы же ти сѧ м͠лимь. м͠ли сѧ непрѣстан'но за д͠шѧ н͠шѧ:

на агрипни(н)и ка(н) б͠ци иже и в наве(ч)рие прѣ(д) праз гл(с) а͠. ...

на у(т) б͠ь г͠ь ... починаеть припѣ(л). вь гла(с) е͠.

Бл͠жим тѧ прѣп(д)бне ѡ͠че и почитаемь че(с)ныи ѡбразь ти. ꙗко по(д)биемь бж(с)вныѧ ти красоты⁖⁖

на вторѣи славѣ: 

Тебе блажене ѡ͠че Иѡакиме м͠лимь раби твои. м͠ли за ны х͠а б͠а н͠͠шго:

на третееи славѣ: ...

по(т) ѥпакѹи гла(с). ѕ͠.

Пѹстын'но вьзлюбивь жи(т)е. и аг͠лское вьсприемь слѹжение. и мира вьзненавидѣль(с) житеискѧѧ ꙗви сѧ людемь свѣтило всесвѣтлое. а͠гломь сьретение и пѹстыннымь б͠жиꙗ красота печалнымь ѹтѣшение и болѣщимь исцѣление. вѣр'нымь сп͠сение. припа(д)ѧщимь кь рацѣ мощеи твои(х). прп(д)бне ѡ͠че испроси ѹ х͠а б͠а мирь и велиѧ мл(с)ь д͠шамь н͠шимь.

по(т) чте(н) по(т) сте(п) гл(с) д͠. про(к) гл(с) д͠. праведн(к)

с(х) насаж(д)ено вь. и все дыха(н) ѥу(г) ѿ Лѹ(к) ...

по п(с)лм н͠. припѣ(л) гла(с) .ѕ͠.

Прп(д)бне ѡче Иѡакиме. вь всѧ землѧ изыде житие исправлениꙗ твоего. тѣмже на нб(с)ехь ѡбрѣте мьз(д)ѧ противѧ трѹдомь си демоньское раз(д)рѹши кьзньство. ан͠глскомѹ спо(д)би сѧ чинѹ. житием ти (...) х(с)ѹ м͠ли сѧ повѣдѧти х(с)олюбцѹ ц͠рю и д͠шамь н͠шимь велиа мл(с)ь.

канон за Йоаким  гл(с) и͠.

първа песен ірм(с):

Вьѡрѧнна фараѡна погрѧжь. чю(д)о творѧ древле моисеиски жезль кр(с)та ѡбразно п͠роражь. и раздѣли же море Из͠лѣ бѣжѧща и пѣша ходѧща пѣ(с) б͠ѹ вьп(и):

Свѣтило. дан'но пѹстын'нымь. красно бл͠жене ѡ͠че Иѡакиме. ѡмраченное ми ср͠це съ д͠шеѧ просвѣти м͠лѧ ти сѧ. твоими мл͠твми, мракь ѿгнавь ми. и причѧстие свѣта испроси:

Вь ч(с)тѣ и непорочнѣ жити добродѣ(т)ли с͠те. постникомь бы(с) свѣтило б͠гогласе ꙗкоже древле Самоиль прозрѧ бѧ(д)щаꙗ. по ѡбѣтованию бывь сьсѧдь прѣч(с)ень д͠хови прѣс͠томѹ:

Ꙗсномь житиемь прѣбл͠жене сиꙗѧ ꙗко ан͠гль. измла(д) бывь ѹбо сьсѧдь прѣ(ч)ень выше житиꙗ вьше(д). чл͠вчѣ б͠гомѧдре. добродѣ(т)льми дꙋщѧ пр(с)но вѣнчѣваѧ ѡ͠че Иѡакиме:

Тебе б͠жиѧ м͠терь грѣшни помощницѧ имѧще. не ѹбоим сѧ вражиꙗ шѧтаниꙗ. вьзбраника имѧще ѿ тебе прошед'ша словесѥ безначѧлна. егоже м͠ли сп(с)ти ны⁖

пѣ(с). г͠. инь ірм(с) .н͠.

Ѹтврьж(д)е нб(с)а вь начѧтца(х) разѹмомь. и землѧ на вода(х) ѡснова. на камени мѧ хе(с) цр͠квнѣмь ѹтврьди нѣ(с) бо прѣс͠таа:

Пощениемь процьвьте цвѣть. б͠горазѹмень. неплодна ложесна разврьзаѧ. ꙗкоже древле Самои(л)

пр(д)чѣ с͠ты кр(с)тль. с нимиже б͠гогласе за ны с͠те п(о)м͠ли сѧ.

Ѹтврьж(д)ение ꙗви тѧ всѣ(х) вл(д)ка цаломѧдриемь ѹкрасивь. пѹстын'нымь сладость. и ѹдрьжание похотемь. тобоѫ прообразѧ ѡ͠че Иѡакиме.

Сладости д͠ховнѧѧ пѹстынѧѧ ѡ(с)ѡ(г)вьскиѧ испльнивь. ꙗко источникь кипѧ. бл(д)тиѧ сиꙗѧ. демоньскиѧ льсти разорѧ всѧ ис коренѧ. тѣмже вьсприѧть вѣнець побѣдныи ѡ͠че Иѡакиме:—

Словеси сьмотрениꙗ. свѣтлаꙗ д͠во м͠ти. древле познан'на бы(с). ты бо на(с) вьзведе вь разѹмнѧѧ зарѧ. прѣбж(с)вна ѡ б͠жиꙗ ꙗви сѧ намь.

сѣ(д). гл(с). д͠.

ѡ͠цѹ сѣ(д). гл(с) тьж(д)е:

Ѹдиви сѧ вь мирѣ твое житие прѣб͠лжене едино чѧдѹ бо словѹ ꙋпо(д)би сѧ. слѹжитель бл͠жене волеѧ страстьми его разкинаѧ сѧ мирѹ прѣзрѣвь земльныѧ сласти. и славѧ всѧ ѡ͠ца и матерь и сьврьсты си прѣзрѣ (...) вѣнець ѿ х͠а б͠а. егоже н͠нѣ м͠ли грѣхомь ѡставление подати творѧщимꙗ свѣтоносно всечт(с)нѧѧ ти памѧтъ:

сла(в) и н(н) праз.

пѣ(с) .д͠. ірм(с) инь гла(с) .и͠.

Ты ми х(с) г͠ь тыже ми сила ты ми б͠ь ты ми радование. не ѡ(с)вль ꙗдрꙗ ѡ͠чѣ на мл(с)тиѧ си н͠ша нищетѧ посѣтивь тѣмь сь прр(о)кмь Аввакѹмомь ди(в) сѧ.

Ты мирѹ порѧгав сѧ ѡ͠че Иѡакиме. весь самь б͠ь приврьже сѧ чт(с)тоѧ сѧ ѡбложь. еѧже вьзыде на ѡно с͠тое житие идеже веселѧ сѧ сь ан͠глы бл͠жене за ны с͠те пом͠ли сѧ:

Источника ты бл͠гостынѧ прѣпо(д)бне вьзлюбивь жѧдныѧ всѧ възвеселѣѧ бѣсовьскиѧ пльки разгонѧ врьтьпы горы ѡ(с)ѡ(г)вьскиѧ б͠горазѹмиꙗ испльни. тѣмже сьше(д)ше сѧ памѧ(т) ти бл͠жне ѡ(ч)е Иѡакиме прославлѣемь:

Новорасль плодоноснаꙗ прозѧбова. из неплодна корене вьсиꙗвь. постомь точѧ бл͠жене рѣки исцалениꙗ ꙗкоже древле Моисии лю(д)емь вь пѹстыни. б͠жиꙗ дарованиꙗ имже процвьте бл͠жне ѡ͠че Иѡакиме:—

Новорасль бесьмр'тнаꙗ раи красень вь истинѧ ꙗви сѧ дрѣво животное насаж(д)ен'но б͠гозачѧлнаго рож(д)ьши приживѧща всѣческаꙗ. м͠лѧщи живоносноѧ надеж(д)еѧ. вѣроѧ б͠жиѧ тѧ м͠терь вѣдѧщимь.

пѣ(с) .е͠. ірм(с). гл(с). и͠.

Вьскѧѧ мѧ ѿринѧ ѿринѧ (sic!) ѿ лицѧ твоего свѣте незаходѧи покрыла мѧ ѥ(с) тѹж(д)а тма ѡкаꙗн'наго нѧ ѡбрати мѧ кь свѣтѹ заповѣдеи те. пѧти моѧ на:

Постникомь бл͠говѣрно на нб(с)а пѧть ѿврьзе ѡ͠че Иѡакиме. вьсхаж(д)аѧ ѹмом пр(с)но кь нб(с)нымь. на высотѧ вьсѧ вьзносѧ. ꙗко ѡгнень стльпь. ѡблаки ѡсѣнѣѧ бл͠тиѧ:—

Врачѣ болѧщимь да(с) тѧ х(с)ь. ѡ͠че Иѡакиме. стр(с)ти ѿгонѧща и крьмителѣ ал'чѧщимь безѹмнымь казателѣ цѣломѧдрьна. сирымь же и нищим' застѧпникь:

Лѹчами бж(с)вными всѧ свѣтѧ ѡ͠че Иѡакиме вражиꙗ опльчениꙗ разорѧ б͠гогласе. б͠лгѡстиѧ всѧ ѹпасы ꙗкоже х(с)ь славие вьзводѧ кь нб(с)нымь:—

б͠(о):

Вѣрнымь помощь. стѣна неразарима. хвалѧщим' тѧ. всемѹ родѹ чл͠вчю. ꙗвлен'на на сп(с)ение.

ꙗко б͠а рож(д)ши пл'тскыи ꙗвльшаго сѧ. д͠ш­ н͠ш­ сп(с)и прѣч(с)иꙗ:—

пѣ(с) .ѕ͠. ірм(с). гл(с). и͠.

Ѿцасти мѧ сп(с)е многа бо сѧ безакониꙗ моꙗ. из глѧбины золь вьзведе мѧ м͠лѧ ти сѧ к тебѣ бо вьзва(х) услы(ш):

Вла(с) приемь ѿ б͠а на вѣсы. противныѧ ѡ͠че Иѡакиме. по(с)мь вьѡрѧжи лика б͠гоизбран'на. исцѣлѣѧ вѣроѧ и стр(с)ти ѿгонѧ. твоими м͠литвами б͠гогласе:—

Бл͠жень вь истинѧ бы(с) ты ѡ͠че Иѡакиме нищетоѧ б͠гат'ство и плачь прѣмѣнь веселиемь. стѧжа ськровище неѡскѧдѣемое вь неже настави ны млитвами сии:—

Вышнемѹ житию вьзревнѹѧ. б͠лжне ѡ(ч)е Иѡакиме. пл'тска ѹгодиꙗ всѣ вьзьненавидѣ. врага низложиль ѥ(с) его поправь. тѣм'же вьсприѧть вѣнець неб(с)ны:—

Спа(с) избавителѣ всѣ(х) г͠а порож(д)ьши. на(с) причѧщьша сѧ. прѣч(с)иꙗ. призываѫщи(х) тѧ бѣды избави вл(д)чце:

ко(д) б͠ци. а се ѡ͠цѹ ко(д) гл(с). в͠. по(д) Вь мл͠тва(х) неꙋсыпаи прп(д)бне.

Вьсприѥмь силѧ на противнаго врага. трьпѣнием' бо своимь прп(д)бне ѡ͠че Иѡакиме. вьше(д) на нб(с)а. ꙗко жизнь тлѣниѧ оставивь на земи. а на нетлѣние прѣсели сѧ на нб(с)а. тѣмже тѧ вси хвалами прѣпрославлѣемь.

ико(с)

Гора ѡ(с)ѡ(г)в'скаꙗ тебе исповѣда, ѡ͠ца Иѡакима. пастырѣ д͠шамь н͠шимь. недѧгы исцѣлѧюща чюдесы и помощника сѧща и застѧпника мирѹ. д͠шамь н͠шимь велиꙗ мл͠сть. тѣмже тѧ хвалами вси прѣпрѣславлѣем':

ико(с)

Пѣ(с) изрьцамь лю(д)ие всѣческѧѧ. истин'номѹ ѡ͠цѹ Иѡакимѹ. ибо течение скончѣ по(с)ное. тѣмже добродѣ(д)лнѧ сьвьтит' сѧ. еѧже сь нб(с)и приѧть. ѡграды х(с)вы ѹкраси пѹстынеѧ. ѡ͠ць сирымь бы(с). и хранитель сьблжнѣѧщим' сѧ. егоже хвалами вси прѣпрославимь:

проло(Г)  великаго и страшнаго прѣщениꙗ. и трѧса и ст͠го м(ч)ка Диѡмида. и ѡбразь г(д)а н͠шего и сь(с) х(с)а. ѡ͠че бл(с)ви аминь:—

...

пѣ(с). з͠. инь їрм(с). гл(с). и͠.

Б͠жиꙗ хож(д)ениꙗ огнь ѹстыдѣ сѧ Вавилонѣ древле. сего ра(д)и ѡтроци вь пещи. радован'ноѧ ногоѧ ꙗко вь свѣтѣ ликѹѧще поꙗх.

Постникомь стадие с͠тынеѧ ѡ͠че проꙗви сѧ. сь собоѧ  показа житие зрадно ѹдрьжаниемь. беспрѣстаниꙗ поеши сь аг͠лье вьспѣваѧ бл(с)вен б͠ь ѡ͠ць ншихь:

Ѡрѧжие тѧ бл͠жене ѡбоѧдѹ ѡстро х͠ь ꙗвиль ѥ(с) на враги противныѧ рѹшѧ ѡпльчениꙗ безб͠жна и веселеща д͠шѧ поѧщихь ѡ͠ць н͠шихь:

Вь свѣтѣ неизречен'нмь сь беспл'тными ликы прѣ(д)стоѧ б͠гогласе ѡ͠че Иѡакиме. не прѣзри мене гибнѧща вь лѣности. нѧ твоѧ прѣч(с)тнѧѧ м͠литвѧ за ны сьтвори бл(с)веномѹ б͠ѹ пом͠лѹвати ныи:

Чрьтога прѣсвтаго паче словеси вьпл'щениꙗ прѣстоль и селище. правомѧдрьствѹѧще имен'нѹемь. весело рож(с)во ти поемь бл(с)вен б͠ь:—

пѣ(с) и͠ инь їрм(с) гл(с) .и͠.

Седемь седмицеѧ пещь. халдеискы мч͠тль б͠гочетьцемь лютѣ раж(д)еже. силоѧже лѹчьшеѧ сп(с)ныхь видѣвь твор'цѹ и:—

Б͠гоприѧтень плодь изь неплодны(х) ложесьнь. пѹстыни ѡсоговьскаꙗ прозѧбе нам многоплодьство. врьтпы испльнѣѧща. и горы ѡсоговьскиѧ и пропасти. б͠жиꙗ ꙋчениꙗ. и свѣтлости вышнѧѧ. еѫже ѡзари ны ѡ͠че Иѡакиме. да тѧ прѣвьзнашаем':—

Житие имы беспл'тно вь пл'тиже сы ꙗко аг͠ль пл'ти ѹгодиꙗ испрьва не сьтвори. ис чрѣва с͠те рож(д)ь сѧ выше чл͠вкь поживь. пльки бѣсовьскиѧ и льсти ихь искоренѧ. пѹстынѧ ѹкрасовав сѧ. сь а͠глы вьпиѧ лю(д)ие прѣвьзносит сѧ:—

Възвесели сѧ пѹстыне ѡсоговьскаꙗ. жѧж(д)ѫщи пр(с)но прозѧбаниꙗ. им'же х(с)ь свѣтло ѹкраси тѧ прозѧбь ꙗкоже древле Самоиль пр(д)чѣ. из неплодна чрѣва правдѣ садителѣ. им'же процвьтошѧ врьтьпы и горы ѡсоговьскыѧ. ѡтроци бл͠вите:—

Бракѹ неискѹсна роди д͠во ѧже прѣбы(с). стран'но рож(с)вом ти разна всѧ ѹда(л)жен'ныѧ брани. тѣлостра(д)ниꙗ дльго. рож(д)ши х͠а  мирѹдателѣ. егоже понесьши вь ложеснѣ ѡтроци бл(с)вите:

пѣ(с) ѳ͠ инь їрм(с) гл(с) .и͠.

Ѹдиви сѧ ѹбо ѡ семь н͠бо и земли ужасошѧ сѧ кон'ци. ꙗко б͠ь ꙗви сѧ чл͠вѣкомь пльтиѧ чрѣво же твое бы(с) простран'нѣи нб(с)ь. тѣм тѧ б͠цѧ анг͠лъ и чл͠вкъ чиноначѧлиꙗ величѣѥмь:—

Крилома ка высотѧ пр(с)но вь испрь вьспарѧ. пѹстынѧ всѧ и горы ѡсоговьскиѧ прѣлѣтаѧ. врьтьпы же испльни и пропасти. свѣтомь б͠горазѹмиꙗ бл͠жене ѡ͠че Иѡакиме. тѣмже творѧще памѧ(т) ти свѣтлѧѧ очищениꙗ просимь ѿ всѣ(х) грѣхь:—

Лоза златозарнаꙗ вьзрасте ты грады испльни и врьтпы. ѡсоговьскиѧ ан͠гльска пѣниꙗ. им'же вьзвесели сѧ пѹстыне ѡсоговскаꙗ. бещѧдно ако и кринь процьв'таѧ. тѣмже прѣ(д)стоѧ сь ан͠глы вь славѣ непрѣстан'но за ны с͠те пом͠ли сѧ:—

Изрѧдными лѹчѣми просиꙗвь ꙗко сл͠нце трьбл͠жене житиемь ст͠мь. пѹстынѧ ѡсоговьскиѧ грады сьтвори. тѣмже вь лица аг͠льстѣи н͠нѣ прѣ(д)стоѫ. сь прр(о)ки кѹпно и патриар'хи. блажене сь ап(с)лы: за ны с͠те пом(л):—

М͠ли рож(д)ен'наго прѣж(д)е вѣкь изь ѡ͠ца без м͠тере. ис тебе безь ѡ͠ца на земли д͠во. сѹгѹба ѥ(с)ствомь б͠а вькѹпѣ и чл͠вка имѧщи ꙗко м͠ти дрьзновение кь немѹ. избавити ны мѧ(к) и страшнаго ѡсѧж(д)ени:

свѣ(т) праз͠

Ра(д)уи сѧ горо пѹстын'наа. веселите сѧ вси роди земни припа(д)ѧще кь мощемь пѹстын'наго ѡ͠ца Иѡакима. ѹм͠ли же ѡ на(с) ѡ͠че вл(д)кѧ сь б͠цеѧ. просвѣти на(с) поѧщих' тѧ:

на хва(л). ст(х)р. ꙋбрѹ(с). гл(с). в͠. ...

ѡ͠цꙋ. гл(с). и͠.

Ѡ͠че бл͠жене Иѡакиме. ты ис чрѣва ѿ ан͠гла наре(ч) сѧ. из неплодве проше(д). ꙗко же древле Иѡань Кр(с)тль. пѹстыннымь ꙗви сѧ звѣзда незаходѧщи. мракь грѣховны всѧдѹ проганѣѧ. помѣни бл͠жене творѧщи ти памѧть кь г͠ѹ. просѧ ѿпѹста прѣж(д)е исхода житеискааго:—

Пощениемь прѣпо(д)бне и бдѣниемь ѹмь си ѡчистивь. вьзыде на высотѧ нб(с)нѧѧ и вь славѣ х(с)вѣ сь ан͠глы прѣ(д)стоиши. м͠ли сѧ вѣчномꙋ ц͠рю х(с)ѹ б͠ѹ. даровати сь нб(с)ь побѣдѧ. и цр(к)ви вѣрномѹ на сѧ постаты. и всѧ ны сп(с)и ѡ͠че Иѡакиме:—

Пѹстыне ѡсоговскаа весели сѧ. прием'ше х(с)во незаходещее сл͠нце. трьсвѣтлами зарѣми весь мирь просвѣщаѧща чюдесь (же) люди кь х(с)ѹ приводѧщѧ. исцалениꙗ ѡбычно токи изливаѧщѧ. и болѣзни всѧ исцѣлѣѧщѧ. тѣмь х(с)ѹ м͠ли сѧ бл͠жене ѡ͠че Иѡакиме за д͠шѧ н͠шѧ.

сла(в) и н(н) гл(с) д͠ сам(о)гл(с):

Веселите сѧ с нами нб(с)ныѧ силы свѣтло вьзносѧще м͠терь б͠жиѧ н͠нѣ Адаме ликьствои радо(с) приемь. се бо внѹка твоꙗ на н͠бо вьсходѧщи двери прьвыѧ жизни паки ѿврьзѧщи. роди сь

веселите сѧ и вси патриар'си дне(с) причѧще сѧ вь вышныхь видѧщи кь ликь апл(с)ьски на ѡблацахь сьбираѧщь сѧ. чюдꙋ страшомѹ сѧще сам(о)видьцы. прѣч(с)таꙗ бо вл(д)чца ѿ мира вь жизнь прѣходидить (sic!) еѥже сь Гавриломъ вьси пѣ(с)ми вьзопиемь. ра(д)уи сѧ прѣрадованнаꙗ д͠во г͠ь с тобоѧ имѣѧ пр(с)но велиѧ мл(с)ь჻

на сти(х) сты(х). гл(с). д͠. сам(о):—

Тѧ вышешѧ херѹвимь и серафимь. како прославимь с͠тѧѧ. ꙗко вь рож(с)вѣ ти не погибе дв(с)о твое. ни вь гробѣ же твоемь не истлѣ тѣло твое. вьпл͠щен' бо сѧ ис тебе г͠ь. не ѡстави тебе на земли. нѧ вь нб(с)ныи животь прѣсели тѧ. того м͠ли да пом͠луеть д͠шѧ н͠шѧ჻

с(х) Величи(т) д͠ша моꙗ:—

Тебе страшнѧѧ херувимꙋ и серафимѹ. како прославимь прѣч(с)тѧѧ ибо бе-сѣме вь чрѣвѣ приѧть б͠а неизре(ч)н'но. и безь истлꙗниꙗ паче ѥ(с)тва прѣбывь пл͠щеи бо сѧ ис тебе г͠ь. прѣс͠тое ти тѣло на нб(с)ныи прѣстоль ѹстрои. того м͠ли да пом͠͠͠лѹеть д͠шѧ н͠шѧ჻

с(х) ꙗко призрѣ

Прѣч(с)тое ти ѹспение прѣс͠таꙗ д͠во чт(с)аа. агл(с)ское множ(с)во на нб(с)ехь. и члов͠чь родь на земли бл͠жимь. ꙗко м͠ти бы(с) творцѹ вселеныѧ х(с)ѹ б͠ѹ. того м͠лѧщи непрѣстаи за ны м͠лим тѧ тебѣ бо надѣꙗние сь б͠гомь вьзлагаемь. б͠це всепѣтаꙗ неискѹснаꙗ бракѹ:—

сла(в) гла(с) .е͠. по(д) ра(д)уи сѧ пѹ(с):—

Ра(д)уи сѧ пѹстын'наꙗ крѣпости. бл͠гоѧ вселенѧѧ врьтпыи и горы испльнѣѧ пѣниꙗ и цр͠кви всѧ вѣнчѣвь с͠те. бы(с) аг͠ломь сьжитель. пльки бѣсовьскиѧ и тмѧ еретичьскѧѧ разарѣѧ и всѣкѧ ль(с) искорене потрѣблѣѧ тѣмь вь вышне житие весели сѧ. ѹгож(д)ению пл͠ти ѿврьгь. прп(д)бне ѡ͠че Иѡакиме. х(с)ѹ пом͠ли сѧ даровати д͠шамь н͠шимь велиѧ мл(с):—

и н͠нѣ .б͠. гл(с) тьж(д)е:

Поемь лю(д)ѥ м͠терь б͠а н͠шего дне(с) всесвѣтлѧѧ д͠шѧ своѧ вь прѣч(с)тѣи рѧца прѣда(с).

изнсѧ (sic!) вьпл͠щешѹ сѧ бе-сѣмене. егоже м͠ли непрѣстан'но. даровати д͠шамь н͠шимь велиѧ м͠л(с)ь჻

на ли(т) ѿ ка(н). ѹбрѹ(с) пѣ(с) .г͠. и б͠ци прѣпо(д)бномѹ пѣ(с) .г͠. тро(п) и ко(д)

при(ч) хвалите г(д)а и памѧ и чѣ(ш) сп:—