Вие сте тук

Молитва към Богородица

мл҃тва съ оумилѥнїе(м) къ прѣстеи вл(д)це нашеи госпожи бц҃и. и малою похвалою, творенїе димитрїа кантакоузина по стыхомь, сладчаишаи съта

Въсѣхь ц҃ра и бг҃а, мати благаа.
Въсѣ(х) съдѣтелꙗ рож(д)шїи едїна.
Въсѣ(х) живот же, свѣ(т) и бл҃гостиню.
Въсѣ(х) желаемы и добры краи.

Ѿ коудꙋ начнꙋ плакати се, ѡ дв҃о?
Ѿ коудꙋ начнꙋ молити се, блг҃аа
Ѿ  кыхь гл҃ь наи вещанїи, ч(с)тнаа?
Ѿ какова срца, ѿ коего ѥзыка?

Въ скврьннь и нечисть есмь окаанїи.
Въ смраднь и въ грѣсѣ есмь, оувы мнѣ
Въ ѿрыновень, понѥже и хбезаконннь.
Въ въсегда грѣхꙋ хработавь и до нн҃ꙗ.

Съ исповѣданѥмь прихож(д)ꙋ нн҃ꙗ
съ срамомь и смѣреною съвѣстїю.
Съ слъзами и стенꙗнми и въз(д)иханми.
Съ твоею тъчїю надеждею.

Въсѣхь въ законѣ же и бл҃годѣти.
Въсѣ(х) прѣидодохь прꙗоумноженѥмъ.
Въсаческы(м) оухыщренїе(м) бѣсовьскыи(м).
Въсачьскыми  безакон ми, оувы мнѣ.
……….
Дарꙋи дар, ꙗже хощеши и волиши.
Дарꙋи дарь, доннь твоее бл҃гости.
Дарꙋи ми б҃а моего мл(с)ти.
Дарꙋи  злы(х) свобод, и бл҃гы(х) сладость.

Ра(д)уи се да радостно зовꙋ ти пр(с)но.
Ра(д)уи се вышнимь и нижнимь радости.
Ра(д)уи се, прѣрадованнаа ч(с)таа.
Ра(д)уи се, ꙗко с тобою есть г҃ь. Амин.

Препис: 

Новосадски препис в ръкопис РР 158 от края на XVI в. (Библиотека на Матица  Сръбска, Нови Сад), л. 51б–51а; л. 59б.

Термини: 
Транскрипция: 
Елена Томова