Беше гра(д)ь именемь ласиꙗ. и вь немь црь именемь силїꙗнь. погань ꙁело и беше ꙁелѡ блиꙁѹ. гра(д)а того еꙁерѡ имаше во(д)ꙋ многѹ и ꙁмаи живеше ва немѹ великь ꙁелѡ. иꙁиеⷣаше скоти и(х). и при(д)оше вси люди кь црѹ гра(д)а того и рекокше (!) цре сьбраниѥ нше благо и добро на ꙁли животь вь нась не можемѡ трьпети ꙁмаꙗ сего повеле намь црь да се раꙁи(д)емѡ. црь ре(ч) не расхо(д)ите се. сьтворимѡ редь мею собою. да даемо че(д)а своꙗ по ре(д)ѹ ꙁмаеви на брашно. ег(д)а при(д)еть на ме ре(д)ь да(м) и аꙁь е(д)инѹ ро(д)нѹ дащерь мою ꙁмаеви на брашно. и начинахѹ ѿ кнеꙁь дон(д)еже давахѹ че(д)а своꙗ ꙁмаеви на брашно. иꙁ(д)аше вси лю(д)ие и при(д)е редь на цра и ре(ч) црь не во(д)ите дащери мое ꙁмаю на брашно вьꙁите ѿ црста моѥго ꙁлато и сребро ѡни же рекоше не пеж(д)е (!) ли ти рекохь да ѡти(д)е(м)ѡ ѿ гра(д)а сего црь же ѹбоꙗ се лю(д)и и веле дащерь свою ѹкрасити ꙁлатомь и сребромь и бисеромь и ѹ брачинь ѡблачити ю прьстень на рѹце и сапоги на ноги. и плакаше се гле ѡваи ме че(д)о моѥ ꙁмаеви ли те ѹсхранихь ꙁмаи ли би ꙁеть мои че(д)о мое на лѹтѹ самрть такои плака(с)е и повеле на колесницѹ ѹса(д)ити и ре(ч) и(д)и чедо на самрть и на иꙁедение ꙁмаю и пове(д)оше ю на еꙁерѡ и на краи еꙁера ѡставише ю и повелениѥмь бжиемь вь тои време беше сти гѡ(р)ие вь вои(х) гре(д)еше ѡдаваси (!) кападокиемь пѹтемь и пристѹпи кь еꙁерꙋ хотеше напоити конь свои и ви(д)е девицѹ на краи еꙁера стоѥщѹ. и ре(ч) кь неи сти гѡрие що стоиши и ꙁриши двице ѡна же плачѹщи се ре(ч) кь немѹ ѿти(д)и ѿ мене юноша да ꙁлою самртию не ѹмрешь и ре(ч) еи сти геѡргїе а ти що ищешь девице и не ѡтидешь ег(д)а члвци раꙁбоиници сѹть ре(ч) девица гне многоѥ ѡ томь речи глати ꙁмаи великь ѹг(н)еꙁ(д)иль се ѥ (с) вь еꙁеремь семь да ѿти(д)и ѿ мене ꙗко лице твое добро есть. е(д)а како при(д)е ꙁмаи и тебе самь похватить ре(ч) кь неи сти геѡрїе гле девице не бои се тако ми великаго х(с)а ꙗко не ѡвлѣю (!) те ꙁ(д)е тог(д)а девица трепещѹще ре(ч) гне видиш ли гра(д)ь ѡнь доборь ѥ(с) не хощеть ѡць мои ѡтити ѿ градь ѡного ꙁмаи великь и лють ѥ(с)ть вь еꙁерѹ семь и лю(д)и гра(д)а ꙗдеше а дрѹгие хваташе и давлаше вь еꙁеремь семь и сьтвори сьветь ѡць мои сь лю(д)ми своими даю че(д)а своꙗ ꙁмаеви на брашно по редѹ да ѥг(д)а приде ре(д)ь ѡца моего. даде мене аꙁь е(д)инородна дащерь и тог(д)а вси лю(д)ие ѿдаше че(д)а своꙗ на сь при(д)е ре(д)ь на ѡца моего и мене имаше единорѡднѹ дщерь и повеле ме дати ꙁмаѥви на брашно ꙗко все ти и си вїдехь бежи ѿ мене ег(д)а при(д)е ꙁмаи и тебе сь мною пожретьлю(д)иѥ града того стоꙗхѹ ꙁреще и ре(ч) кь неи сти гѡ(р)гїе що би даль ѡць твои кто би вась иꙁбавиѡ ѿ прѣлѹтаго ꙁмаꙗ ѡна же ви(д)е добротѹ лица его ре(ч) кь немѹ. дал би мене емѹ тко би тои могаѡ сьтворити. потомь сти гѡ(р)гие створи млтвѹ кь гѹ гле ги бе їс х(с)е мои помилѹи ме раба твоѥго и сьтвори ꙁнамение твоѥ и да видить ꙗко ти ме посла покорити лѹтаго ꙁмаꙗ по(д) ноги конѹ моѥмѹ да ви(д)еть вси лю(д)ие да верѹють ꙗко ти еси їсь х(с)ь са истини бь нашь.
Тумански сборник (ХАЗУ ІІІ.а.10), л. 24а-26б