Габаревски летопис от ХVІ в.

Въ лѣ(т) ѕ҃тѯ [6360=852] написаше(с) наша слове(с)а ст҃ымь Курилѡ(м) филодоф(м) и ѹчителѥмь словенскымъ.

Въ лѣ(т) ѕ҃тчд [6394=884] бы(с) ꙁ҃ сьбѡрь ст҃ы(х) ць на Полинарꙗ и инѣхь еретикы.

Въ лѣ(т) ѕфн҃в [6552=1044] ѿтлѹчише(с) латины ѿ православніе вѣри кь аꙁмитьчьствꙋ.

Въ лѣ(т) ѕхм҃ꙁ [6647=1139] наꙁва се Неманꙗ г(с)ндь срьблѥмь и цр(с)твова м҃в. [42] лѣ(т).

Въ лѣ(т) ѕѱ҃кꙁ [6727=1219] постави се ст҃ы Сава архѥп(с)кѡпо(м).

Въ лѣ(т) ѕ҃хч [6690=1182] прѣе начелство срьбско сн҃ь Стефана Неманѥ втори Стефань жꙋпань.

Въ лѣ(т) ѕѱ҃кѳ [6729=1221] прѣстави се Стефань жꙋпань вторы, сн҃ь Неманинь, и цр(с)твова и ть м҃в. [42] лѣ(т).

Въ лѣ(т) ѕѱлв [6732=1224] прѥ кралѥвство сн҃ь его Радославъ краль цр(с)твова а҃і. [11] лѣ(т).

Въ лѣ(т) ѕѱ҃мг [6743=1235] прѥ начелство анеѱен Радославь храпави краль и цр(с)твова лѣ(т) л҃е. [35].

Въ лѣ(т) сѱ҃ои. [6778=1270] въкрали се Милѹтинь краль Банскы и цр(с)твова м҃ꙁ. [47] лѣ(т) и прѣстави се м(с)ца ѡ(к) к҃е. [25].

Въ лѣ(т) ѕѡ҃ке. [6825=1317] вькрали се Стефань краль Дечанскы и цр(с)твова ѳ҃і. [19] лѣ(т), и прѣстави се м(с)ца ное(м). а҃і. [11].

Въ лѣ(т) ѕѡ҃ли. [6838=1330] ѹбы краль Дечанскы Михаила цр҃а бльгарскаго на Вельбꙋж(д)ꙋ.

Въ лѣ(т) ѕѡ҃к. [6820=1312] роди се Стефа(н) же цр҃ь.

Въ лѣ(т) ѕѡ҃мд. [6844=1336] постави се Стефань цр҃ь цр҃емь.

Въ лѣ(т) ѕѡ҃ѯд. [6864=1356] прѣстави се Стефань цр҃ь де(к). к҃д. [24], и цр(с)твова к҃д. [24] лѣ(т).

Въ лѣ(т) ѕѡ҃ме. [6845=1337] роди се Оурошь цр҃ь.

Въ лѣ(т) ѕѡ҃ѯе. [6865=1357] постави се цр҃ь Оурошь цр҃ѣмь.

Въ лѣ(т) ѕѡ҃п. [6880=1372] прѣстави се Оурошь де(к). в҃. [2] и цр(с)ствова лѣ(т) ꙁ҃і. [17].

Въ лѣ(т) ѕѡ҃п [6880=1372] ꙋбыше тꙋрци кралꙗ Влькашина на Марицꙗ се(п). к҃ѕ. [26]. И вь тож(д)е лѣ(т) прѣе начелъство срьбско кнеꙁь Лаꙁарь.

Въ лѣ(т) ѕѡ҃ѯꙁ. [6867=1359] прѣидоше тѹрци на Калиполю.

Въ лѣ(т) ѕѡ҃ѯѕ. [6866=1358] бы(с) гладна година, вь второе лѣ(т) цр(с)тва Оурошева.

Въ лѣ(т) ѕѡ҃пв. [6882=1374] расипа кне(з) Лаꙁа(р) Николѹ жꙋпана.

Въ лѣ(т) ѕѡ҃пи. [6888=1380] бы(с) куропа(с)ха.

Въ лѣ(т) ѕѡ҃пѳ. [6889=1381] ѹбы Црепь Витомирь тѹрке на Дꙋбравнице де(к). к҃е. [25] дн҃ь.

Въ лѣ(т) ѕѡ҃ч. [6890=1382] расипа кне(з) Лаꙁарь Радичь Бранковикꙗ.

Вь лѣ(т) ѕѡ҃чд. [6894=1386] исходи цр҃ь Мѹрать на кнеꙁь Лаꙁара и прими Нишь. И въ тож(д)е лѣ(т) помръче сл҃нце ге(н). а҃. [1] дн҃ь.

Вь лѣ(т) ѕѡ҃па. [6881=1373] прѣстави се великы Гюргь Балши(ч).

Въ лѣ(т) ѕѡ҃чꙁ. [6897=1389] погыбе кне(з) Лаꙁаръ на Косѡвѹ м(с)ца ію(н) е҃і. [15] дн҃ь. И црствова лѣ(т) ꙁ҃і. [17]. И вь тож(д)е лѣ(т) прѣе начелство срьбско сн҃ь его великы деспоть Стефань.

Въ лѣ(т) ѕ҃ца [6901=1393] прѣеше тѹрци гра(д) Трьновь.

Въ лѣ(т) ѕ҃цг. [6903=1395] погибе Баꙗꙁи(т) на власе(х) и сь нимь Марко Кралѥвикъ и Костадинь.

Въ лѣ(т) ѕ҃це. [6905=1397] погыбоше тѹрци на Боснѣ.

Вь лѣ(т) ѕ҃цꙁ. [6907=1399] прѣстави се Влькь Бранковикь м(с)ца ѡ(к). ѕ҃. [6].

Вь лѣ(т) ѕ҃ці. [6910=1402] ѹбы цр҃ь Деми(р) Баꙗꙁита по(д) Ꙗнгѹро(м) м(с)ца ію(н). к҃ѳ. [29] дн҃ь. И вь тож(д)е лѣ(т) свеꙁа деспоть Стефань Гюрга Вльковикꙗ ѹ Цр҃ыгра(д)ѹ.

Вь лѣ(т) ѕ҃цаі. [6911=1403] ѹкраде Ро(д)пъ Гюргꙗ Вльковикꙗ ѹ Цр҃ыгра(д)ѹ иꙁь сѹжаньства се(п) .г҃. [3] дн҃ь.

Въ лѣ(т) ѕ҃цві. [6912=1404] бы(с) бои деспотовь на Трыполю ꙁ Гюргѥмь Вльковикѥ(м) и с тѹрци ное(м) .к҃. [20]. И вь тож(д)е лѣ(т) плѣны деспо(т) Стефань Ситницꙋ.

Въ лѣ(т) ѕ҃цеі. [6915=1407] прѣстави се кнегинꙗ Милица м(с)ца ное(м) а҃і. [11].

Въ лѣ(т) ѕ҃цѕі. [6916=1408] прѣстави се Грьгꙋ(р) Влькови(к) ма(р) д҃і. [14]. Ꙁдѣ бы(с) ꙁла ꙁима.

Въ лѣ(т) ѕц҃ꙁі. [6917=1409] плѣнише тѹрци с Влько(м) Срьблѥ.

Въ лѣ(т) ѕ҃циі. [6918=1410] ꙁакла Мѹсꙗ влька и Лаꙁара, с҃на кнежева, Влька и Лаꙁар, с҃нь Бранковикꙗ ꙋ Пловдинѹ ію(н) ѕ҃ [6] дн҃ь.

Въ лѣ(т) ѕ҃цѳі. [6919=1411] ѹдави Мѹсꙗ Челепію ію(н) е҃. [5] дн҃ь.

Въ лѣ(т) ѕ҃цк. [6920=1412] догѥ Мѹсꙗ по(д) гра(д) Новобрьдо.

Въ лѣ(т) ѕ҃цка. [6921=1413] ѹби(ш) Мѹсію цр҃а по(д) Копьꙗнѥ(м) на Искрꙋ м(с)ца ію(н) е҃. [5] дн҃ь. И тож(д)е лѣ(т) догѥ Гюргь иꙁ[ь] Солѹна ѡ(к) к҃г. [23].

Въ лѣ(т) ѕ҃цкв. [6922=1414] ѡжени се Гюргь Влькови(к).

Въ лѣ(т) ѕ҃цкꙁ. [6927=1419] ѹмрꙗ Мирча Воевода.

Въ лѣ(т) ѕ҃цкѳ. [6929=1421] плѣни цр҃ь сꙋлта(н) ꙁемлю влашкꙋ.

Въ лѣ(т) ѕ҃цл.  [6930=1422] ꙋмрѣ цр҃ь сꙋлтань.

Въ лѣ(т) ѕ҃цлг. [6933=1425] престави се госпогꙗ Мара апри(л) д҃і. [14].

Въ лѣ(т) ѕ҃цле. [6935=1427] прѣстави се велики г(д)нь срьблѥмь и вьс(м) страна(м) подꙋнавскымь деспотъ Стефань ію(н) ѳ҃і. [19], въ пе(к) ве(ч) свытающои сѹ(б)тѣ.

Въ лѣ(т) ѕ҃цлѕ. [6936=1428] преѥ начелство срьбско Гюргь Влькови(к).

Въ лѣ(т) ѕ҃цли. [6938=1430] прими цр҃ь Амꙋра(т) Солѹнь ма(р) к҃ѳ. [29].

Въ лѣ(т) ѕ҃цм. [6940=1432] помрьче сл҃нце въ полѹдн҃е, ꙗко(ж) бы(с) ꙗвлѥнно светити ꙁвѣꙁдамь нб(с)ны(м) ꙗко вь полꙋнощи, м(с)ца ію(н) ꙁ҃і. [17] дн҃ь.

Въ лѣ(т) ѕ҃цмд. [6944=1436] пороби цр҃ь Мѹрать ꙁемлю срьбскѹ и раꙁбы гра(д) Борчь и прими Раваницꙋ. И тож(д)е лѣ(т) ꙋмрѣ Жигмꙋнта краль.

Въ лѣ(т) ѕ҃цме. [6945=1437] прѣгѥ Мѹра(т) црь по Сибинь. И то лѣ(т) бы(с) ꙁли поне(д)лни(к).

Вь лѣ(т) ѕ҃цмꙁ. [6947=1439] прими Мѹра(т) Сме(д)рево и Ресавꙋ и ꙋмрѣ Алберта.

Въ лѣ(т) ѕ҃цми. [6948=1440] ходи Мꙋрать по(д) Бельгра(д)ь.

Въ лѣ(т) ѕ҃ѡмѳ. [6949=1441] прими Хад(м) баша Новобрь[до] и инѣ градове.

Вь лѣ(т) ѕ҃цн. [6950=1442] ходи баша по(д) Белгра(д) и сьꙁида Жрьновань. И въ тож(д)е лѣ(т) ѹбы Ꙗнʼкѹль Меꙁить бега на власѣ(х) ма(р) к҃е. [25].

Вь лѣ(т) ѕ҃цна. [6951=1443] раꙁбы Ꙗнкꙋ(л) башꙋ на Ꙗловинце се(п) в҃. [2].

Въ лѣ(т) ѕ҃цнв. [6952=1444] иꙁиде Деспо(т) с кралѥ(м) Владиславо(м) и Ꙗнкꙋл(м) на Ꙁлатицꙋ и вь то лѣ(т) врати се ꙋ Срьблѥ и прими Сме(д)рево ау(г) к҃г. [23].

Въ лѣ(т) ѕ҃цнг. [6953=1445] ꙁагибе краль Владиславь на Варноі м(с)ца ѡ(к) к҃в. [22] дн҃ь.

Въ лѣ(т) ѕ҃цне. [6955=1447] ѡжени се деспотю Лаꙁарь и постави се деспот(м) де(к) и҃і. [18].

Въ лѣ(т) ѕ҃цнꙁ. [6957=1449] раꙁбы Ѳома кралꙗ Ѳомаша се(п) ѕ҃і. [16]. И тож(д)е лѣ(т) раꙁби Мѹра(т) цр҃ь Ꙗнкꙋла на Косовꙋ ѡ(к) и҃і. [18].

Вь лѣ(т) ѕ҃цнѳ. [6959=1451] ꙋмрѣ Амꙋрать цр҃ь фе(р) д҃. [4]. И вь тож(д)е лѣ(т) врати Ме(х)ме(д) цр҃ь Топлицꙋ.

Вь лѣ(т) ѕ҃цѯа. [6961=1453] прими Ме(х)ме(д) цр҃ь Цр҃игра(д) ма [=маі] к҃ѳ. [29]. И вь тож(д)е лѣ(т) ꙋꙁноби слана ꙁемлю.

Въ лѣ(т) ѕ҃цѯв. [6962=1454] ꙋꙁе цр҃ь Ме(х)ме(д) Топли(ц). И тож(д)е лето пороби Срьблѥ и ракипа Ꙍстрьвицꙋ м(с)ца ію(л) л҃. [30].

Вь лѣ(т) ѕ҃цѯг. [6963=1455] ѹхвати Ꙗнкꙋль Фери(з)беговикꙗ ꙋ Крꙋшевцꙋ ѡ(к) в҃. [2]. И тож(д)е лѣто ꙋби Дмитрь Радоеви(м) Петра ковачевикꙗ по(д) Сребрьницо(м) маи(а) е҃. [5].

И тож(д)е лѣто прими Ме(х)ме(д) цр҃ь Новобрьдо м(с)ца ію(н) а҃. [1] дн҃ь и вьсе градове ситничке.

Вь лѣ(т) ѕ҃цѯд. [6964=1456] ѹхвати Силагѥви(к) Михаиль деспота Гюргꙗ ѹ Кꙋпиникꙋ и свеꙁа его ꙋ Белгра(д)у де(к) ꙁ҃і. [17].

И въ тож(д)е лѣ(т) вькрали се краль Владис[л]авь, сн҃ь Алберта кралꙗ ма(р) ꙁ҃. [7].

И вь тож(д)е лѣ(т) раꙁбы Ꙗнкꙋль Ме(х)ме(д) по(д) Белиград(м). Тогда съ Ꙗнькѹл(м) бѣше мнѡжьктво краьсꙋ(ш) [=крьстѹщь] ію(н) к҃в. [22] вь че(к). [=четврьтькъ].

И тѡж(д)е лѣ(т) ѹмрѣ Ꙗнкꙋль ꙋ Бе(л)гра(д)у ау(г) а҃і. [11].

Вѣ лѣ(т) ѕ҃цѯе. [6965=1457] ꙁагꙋбы Силагь Михаиль Ꙍрлеха ꙋ Бельгра(д)у ное(м) ѳ҃. [9], а кралꙗ Албертꙋ и Ласлова Ꙗнкѻловикꙗ свеꙁа.

Въ лѣ(т) ѕ҃цѯе. [6965=1457] прѣстави се г(д)нь деспоть Гюргь м(с)ца де(к) к҃д. [24] дн҃ь вь пе(к) е҃. [5] ча(с) дн҃е.

И вь тож(д)е лѣ(т) ѡслободи се краль ѿ сѹжаньства ѹ гра(д)у Бꙋдимꙋ и ѹбы вьсе невѣрныкы свое ма(р) г҃і. [13].

И тож(д)е лѣ(т) прими г(с)ндь деспоть Лаꙁарь градь Ковинь и ине градове побрежьке апри(л) к҃д. [24].

И тож(д)е лѣ(т) прѣстави се бл҃гоч(с)тіва деспотица Ерина маіа г҃ [3].

И ъ тож(д)е лѣ(т) погибе срьбска воиска на Тамишꙋ.

И въ тож(д)е лето ѹмрѣ краль Владиславъ маіа к҃г. [23].

Вь лѣ(т) ѕ҃цѯѕ. [6966=1458] прѣстави се бл҃гочьстиви г(д)нь деспо(т) Лаꙁаръ гѥ(н) к҃. [20] въ пе(к) ве(ч) вь д҃. [4] ча(с) но(щ). И цр(с)твова а҃. [1] ле(т).

И тож(д)е лѣ(т) прѣе начелство срьбско Михаиль Аг҃глови(к), бывши ѹ деспота Лаꙁара воевода вели(к), фе(р) к҃г. [23]. И црьствова сь госпож(д)ом вькѹпь деспотиц(м) Елен(м) и сь Стефаномь, брат(м) Лаꙁаровемь. И ниꙁложень бы(с) Михаиль ма(р) л҃а. [31].

И тож(д)е лѣ(т) прими Махмѹ(т) баша Ресавꙋ и гра(д) Вишесла(в) и Голꙋбць и Жрьвовань маіа л҃а. [31].

И въ тож(д)е лето вькрали се Маѳеашъ Ꙗнкꙋлови(к) м(с)ца ію(н) к҃г. [23].

Вь лѣ(т) ѕ҃цѯꙁ. [6967=1459] свеꙁа Маѳеашь краль Силагѥвикꙗ Михаила ꙋ Карловце(х).

И въ тож(д)е лѣ(т) прѣе начелство срьбско кне(з) Стехань, сн҃ь кралꙗ Ѳомаша, ма(р) к҃а. [21] вь сре(д) ве(л). Тож(д)е лѣ(т) бы(с) кѵрпа(с).

И тож(д)е лѣ(т) иꙁьгнаше г(д)на Стефана иꙁь ѿтчства родитель свои(х) трьклѣти и ꙁлоч(с)тны невѣрници апри(л) и҃. [8].

И тож(д)е лѣ(т) прими Мехме(д) цр҃ь Смедерево ію(н) к҃. [20] вь срѣ(д) д҃немь.

Вь лѣ(т) ѕ҃цо. [6970=1462] ходи цр҃ь на Синапь и пріе Трапеꙁонть.

Вь лѣ(т) ѕ҃цоа. [6971=1463] ходи цр҃ь Мехме(д) на Боснѹ и прими гра(д) Ꙗице и инѣ градове босньске.

Тож(д)е лѣ(т) ходи на Влахе и раꙁби га Дракꙋла прѣꙁь нощь.

И то лѣ(т) прими ꙁемлю Амꙋрею.

Вь лѣ(т) ѕ҃цов. [6972=1464] ходи цр҃ь Мехме(д) на Боснѹ и раꙁбыше га по(д) Ꙗицемъ.

И тож(д)е лѣ(т) прѣлете ꙗко ѡгнь ѿ вьстога нь ꙁапа(д) се(п) а҃. [1].

И то лѣ(т) ꙁакла цр҃ь господѹ босньскѹ.

Вь лѣ(т) ѕ҃цоѕ. [6976=1468] расипа цр҃ь Арбанасе и сьꙁида Коню(х). И то лѣ(т) ꙋмрѣ Скендербегь.

Вь лѣ(т) ѕ҃цои. [6978=1470] прими цр҃ь Нигрипь ау(г)с ꙁ҃і. [17].

Вь лѣ(т) ѕ҃цпв. [6982=1474] ходи цр҃ь Мехме(д) на Ꙋꙁѹ(н) Хасана и сьтвори бои на Ефратꙋ. И тои лѣ(т) ꙋдави Махмꙋ(т) Башꙋ. И тои лѣ(т) ходи Сꙋлеимань Баша по(д) Скадрь и сьтвори ꙗгмꙋ и не прими га.

Вь лѣ(т) ѕ҃цпг. [6983=1475] ходи Баша на Влахе и раꙁбы га Кара Богда(н).

Вь лѣ(т) ѕ҃цпд. [6984=1476] || иꙁиде краль Маѳеашь и Вѹкь деспотъ и пріеше ꙁаслонь фе(р) е҃і. [15].

Вь лѣ(т) ѕ҃цпѕ. [6986=1478] погꙋби цр҃ь Мехме(д) Ꙗню Катакѹꙁина сь братѥю и сн҃овы.

Вь лѣ(т) ѕ҃цпѳ. [6989=1481] ꙋмрѣ цр҃ь Мехме(д) апри(л) и҃і. [18] че(к).

Вь лѣ(т) ѕ҃цпѳ. [6989=1481] трес(с)е ꙁемлꙗ ѡ(к) к҃и. [28], дрꙋ(г) пꙋ(т) ію(н) к҃ѳ. [29].

И тож(д)е лѣ(т) наче цр(с)твовате Баꙗꙁи(т).

Вь лѣ(т) ѕ҃цч. [6990=1482] ꙁагꙋби цр҃ь Баꙗꙁить Ахма(т) Башꙋ.

И тож(д)е лѣ(т) погибе Ꙗкши(к) на мостꙋ Еꙁавьскомꙋ вь Смедерево.

Вь лѣ(т) ѕ҃цчг. [6993=1485] прими Баꙗꙁи(т) Кѥлѥ и Белигра(д).

Вь лѣ(т) ѕ҃цчд. [6994=1486] раꙁбише татари цр҃еве ꙁетове и свꙋ воискꙋ цр҃вѹ.

Вь лѣ(т) ѕ҃цче. [6995=1487] ꙁгради се Витешка трьпеꙁа камен(м).

Вь лѣ(т) ѕ҃цчѕ. [6996=1488] потре(с)се ꙁемлꙗ се(п) к҃и. [28].

И тож(д)е лѣ(т) прѣстави се госпотꙗ цр҃ца Мара се(п) ....

И тож(д)е лѣ(т) бы(с) трꙋ(с) прѣвели(к) и стра(х) ное(м) к҃г [23] пе(к).

Вь лѣ(т) ѕ҃цчи. [6998=1490] поби снегь рꙋпнике ꙋ ꙁаплан (н)ю.

Вь лѣ(т) ꙁ҃д. [7004=1496] потопи рѣка люди.

Вь лѣ(т) ꙁ҃ꙁ. [7007=1499] погибоше тꙋрци на Рꙋсѣ(х).

Вь лѣ(т) ꙁ҃ві. [7012=1504] ꙋпали се цѣ(х) ꙁапланинскы и помори рꙋпнике ію(л) ѳ҃і. [19].

Вь л[ѣ]то ꙁ҃ов. [7072=1564] плени сꙋлтань Сꙋлимень Карабг(д)на [=Карабогдана] и погꙋби Митрашина.

Вь л[ѣ]то ꙁ҃од. [7074=1566] ходиеть Солимень и прие Сегетварь. И тамо ꙋмрѣ по(д) Сегетваръ.

И тож(д)е ле(т) прими Гюлꙋ Пертатъ Баша.

Въ лѣ(т) ꙁ҃ое. [7075=1567] пꙋсти Селимъ елъꙗꙁачи и продаде цр҃кви и манастири.

Вь леⷮ҇ ꙁ҃ои. [7078=1570] прие Мꙋстафа Баша Кипрь.

Въ леⷮ҇ ꙁ҃оѳ. [7079=1571] раꙁби(ш) фрѣнци Перътатъ Башꙋ и Али Башꙋ ꙋбише, в҃. [2] сина мꙋ поробише.

Въ летѡ ꙁ҃пг. [7083=1575] ходи Сꙗꙋ(ш) паша на Карабогдана и хвати Карабогъданъца, те га раскіда и камиле. И врати воіскꙋ на Софію в҃і. [12] хи(л)да ме(с) авг(с)та г҃. [3].

Тъдꙗ би жито ки(л) ... р҃.   [100], а про(с) ...., еч(м)ъ к҃.  [20] ... рьжь н҃. [50] хле(б) ... дра(м) ... а(с)...

Тъдаи ... на ѡблакꙋ и по Хр҃ꙋ паскꙋ.

Вь ле(т) ꙁ҃пг. [7083=1575] ꙋмрѣ Сели(м) царь и тѡж(д)е ле(т) въꙁцари се Мꙋрать м(с)ца ...

Вь ле(т) ꙁ҃пд. [7084=1576] би(с) гла(д) вели(к) по въсеи Македѡнии и по Власе(х). И много люде помрѣше ѿ гла(д), ѡти беше р҃п. [180] дра(м) хле(б) ꙁа а(с), ки(л) ꙁа р҃п. [180], прѡсо ꙁа р҃и.  [108], рж҃ъ р҃н. [150] ... р҃. а(с). ки(л) три ꙁа н҃е.   [55] а(с), ове(с) н҃. [50] ꙋ Дренополе п҃. [80] дра(м) хле(б) ꙁа а(с), а ꙋ Солꙋнь н҃. [50] дра(м) ꙁа а(с) [=аспра].

В летѡ ꙁ҃пѕ. [7086=1578] ꙗви (с) ꙁвеꙁда ѡпашата, има(ш) ѡпа прил(к)на се лъвні, ши(р)ка і҃. [10] ..., коликою же. И главою беше ниꙁ брдо къ ꙁападꙋ, а ѡпашію кь Ца(р)градꙋ. І на ѡпаши імаше мала ꙁвеꙁда и прѣдь неꙗ г҃. [3] ꙁвеꙁды на(с)порѣдꙋ. И стѡꙗ ѿ м(с)ца ѡ(к)товрꙗ и҃. [8] до м(с)ца декевра д҃і. [14]. Ве ꙁаиде ꙋ ѡбла(к).

Тъда проидоше елчні бе(к)чъ и ве(и)тича(и) съсъ хаꙁъна на Ца(р)град декевра ...

Тъда Кълъ(ч) паша докара ѿ мора гемии ръч(и) съ ... пъръски ... велико іменіе продаде ꙋ Царгра(д) ме(с) декевра.

Тъда трьжеть ꙋ Солꙋнь ... а(с), ѡка хлевъ по е҃. [5] а(с)., а на Софꙗ кілѡт по р҃п. [180] а(с) беше. После стана жітото пѡ ц҃. [900] а(с), хлебъ ѡка ... аспра, на паꙁаръ симіть с҃. [200] драмъ ...

Тъда ходи воиска на Карабогъдна и врати се пакъ.

Тъда паде снегь г҃. [3] лакъти ме(ц) ф҃р. г҃. [3] дн҃ь и іде ꙁа ꙁ҃. [7] дни. Тьда люді погиб[о]ше ѿ снега, кои бехꙋ ходили по брда и по вѡденицахъ. Ꙁли снегь!

Тъда се паки ꙗви ꙁвеꙁда ѡтрадна светъла ф҃ер. г҃і. [13], когда снегь.

Пакі ме(с)ца мр҃тꙗ воіска ходи на Карабогда(н) и ѿтиде татарь-ха(н) и цр҃ꙋ и кл[е]в[е]ти Михаила Ка(т)кꙋꙁна. И цр҃ь га ѡбеси.

И ꙋ мс҃ца мр҃тиꙗ к҃и. [28] вели(к) петкъ иꙁг[о]ре Софиꙗ, кꙋки а҃х. [1600], ѡсвнъ сіромашкі.

Пакі ꙗві [се] ꙁвеꙁда декеврь ꙁ҃і. [17].

Тъ[да] бі вілі(к) боі на късълъ-ба(ш) Мꙋстафа па(ш) ꙗніча(р) в҃і. [12] хілꙗ(д) і Татарь ханъ ... и пѡ(г)нꙋ(ш) [=пѡгнꙋше] сві ꙗнечаре в҃і. [12] хилꙗ(д).