Вьчера бра́триѧ о꙼ нароуцѣ па́схы нѣ́что глаголаахоⷨ.
и҄ понеже бы́сть нѣкаѧ распрѧ на ꙁнаменаахом,
во и́мѧ г҃и на́шего іс҃а х҃а. ꙗко прь́вѣе мнѡ́ꙁѣмъ,
ни распрѧжене не раꙁоумѣхомь, ни наро́ка. и͗ о
тоѭ довольно рече́но есть. аште въ па́мѧть си́
лѫ рече́ныиⷯ и͗мате. о꙼бѣшта́хомь же сѧ решти́ днь́сь,
виноу прѣминова́миѧ. и͗ понеже таково́е съпо
вѣда́ние. иштеть ра́ꙁоумъ всего словесе, хо́штем
ꙗште госпо́дь во́лить въсприѧти винѫ. и͗ ели́ко си́ла
е́сть. и҄ꙁдрешти раꙁоумѣ́ниѧ таи́ны.
и͗ понеже мнѡ́го наи́тие противьныи́хь бываеть. не
раꙁоумѣѭштиихъ сѫ́тьство (!) и͗стины.
и͗ ёрети́ци о꙼тъско́чьше ѧ꙼влѧ́ѭть сѧ. и͗ жи́дове крѣпѧ́ть
сѧ пасхоу твори́ти. крьстиѧ́нъ же тъ́чиѭ е꙼сть.
таи́на си и͗ сътворе́ние таи́ны, на́ми съ и҄спыита́
ниемъ състо́итъ сѧ. хоштѫ всѣ́хь же тѣхъ по
мѧнѫти въ кра́тцѣ, и͗ о꙼бнажи́ти мѧтежь, на
шеѭ таи́ноѭ. и͗ тако когождо̀ вре́мени решти ра
ꙁоумъ. ꙗ҄коже подасть единочѧ́дыи сы́нъ бо́жїи.
мно́гышьди бо видѣхомъ, етерыимъ глаголѭштем,
ка́ко рождьство съпа́саво. ꙗ҄коже вьси съвѣ́мъ
прѣжде. и каландъ, и͗а͗ноуриа̀ по роу́момъ быва
еть. епифа́ниѧ же та́кожде. и та́ко бо̀ быва́ѭ
ть въ нарече́нъ днь. въ третїи на десѧте четве́ртааго||
(209v) мѣ́сѧца по а꙼сиа́номъ, и͗ мѫ́ченикѡⷨ та́кожде па́мѧⷮ,
о꙼ па́сцѣ же не та́ко е꙼сть сло́во. ꙗ͗ко не е꙼ди́номоу
ни про́сто сълоучѧ́ѭштѫ сѧ дьни́ е꙼сть па́мѧть.
нъ мнѡ́гыиⷯ ви́нъ съоу͗момъ събра́ние. въ то мѣ
сто прие́млемъ. ꙁа раꙁгнове́ниѧ ра́ꙁоума. блѭ
демъ бо̀ и͗ прь́выи мѣсѧць.
семоу҄ оу͗бо прь́вѹоумѫ мѣсѧцоу, бы́вьшѹ начѧткѹ
по и͗стинѣ, прь́воуѹмоу врѣмени и҄же о꙼тъ ве
сньныи́хъ равьнинъ ꙁнаемъ е꙼сть. блѭдоуштѹ
оумоу бо прь́ваа́го мѣсѧца. достои́ть видѣ
ти врѣмѧ. е҄го же дѣ́льма и͗ прь́выи мѣ́сѧць
нари́четь сѧ. па́кы же прие́млѧѝ прьваа́го врѣ
мене не и͗н́ъ никыи же, нъ равьнины весньныѧ.
ꙗ͗коⷤ пошедъ ѹⷤкажѫ. поне́же оу̀бо и͗ прьваа́го
врѣмѧ. е͗ди́номѫ о꙼тъ сиⷯ недостаѭ́штѫ, па́сцѣ бы́ти.
того дѣльма̀ не мо́жемъ, въ е꙼ди́нъ днь оу͗ставьнъ, па
сха твори́ти, нъ всѧ сиѧ наро́кы събираѭште. съ
строѧе͗мъ. стра́сти госпо́днѧ. хоштоу оу҄бо да́
же нерекоу винѫ равьнины, раꙁоумнѫ сѫ́штѫ. и҄
четвертъѝ на десѧ́те лоу́ньскꙑи, и҄ тъ̀ прилага́
е꙼мъ к раꙁоумоу. и҄ па́кы, ви́нѫ три̏и дн҃ии. прилоу́
чае́моу къ раꙁоумѹ прь́вѣе решти. вънѣшь́нъѝ
о꙼бы́чѧи жидо́въскъѝ. и҄ повлачѧ́штииⷯ сквръноу.||
(210r) потоⷨ раꙁлага́ти црьковьныѧ таи́ны чтⷭотѫ. небо̀нъ
и҄ е͗рети́ци а҄ште и҄ събла́ꙁньно прикаса́ѭть сѧ пасцѣ.
и҄ жи́дове а҄ште и҄ грѫбѣ, нъ о꙼баче и҄ꙁмълѧть сѧ, ни
жи́дове бо е͗ди́нъ днь нарече́нъ блѭдѫть на съвръ
шение таи́ны. нъ и҄ прь́вааго мѣсѧцѧ слъньчьнааго и҄ че
твертъи на десѧте лоуньскъѝми въ
паде́ть. не оу҄наста́влъшѫ прь́воуоу҄мѹ мѣсѧцѹ о꙼тъ
лагаѭть сь̀ че́твертꙑѝ на десѧте. и҄ приложи́мъ
третїи на де́сѧть нъ по лоунѣ творѧште. иноѧ
лоу́ны четврътыи на десѧте. ꙁа слъньчьнаа́го
прьваа́го мѣ̀сѧца прие́млѭть. да сътѣка́ниѭ
бы́вшѫ. прьваа́го же врѣмене. и҄ четврътоумѹ
на десѧте по лѹнѣ. тъгда̀ хотѣ́ние съврьша́ѭть.
Тѣ́мже оу҄бо бра́те. ви́диши ли, ꙗ҄ко и҄ жидове о то
мъ сѧ тьштѧ́ть. и҄ то и҄мѫ́ть с на́ми о꙼бьште,
е҄же не е꙼ди́нѡ̏ дне и҄ска́ти на съврьше́ние. нъ мно
га врѣмена. Четврьто на десѧ́тници же
е͗ресь е꙼сть, съ жидъми творѧ́ште па́схѫ. и҄ т и҄
тожде е҄же о꙼ни подъꙗ́шѧ. на уа꙼тиа꙼ни же. мнѧ́
ть и҄нако нѣкако. влъ́ны подража́ти. дрьжать
бо сѧ и҄ти҄ жидо́вьсцѣе꙼мъ наро́цѣ. мнѧ́ть же и҄ти
прьваа́го мѣсѧца. и҄ четв́рьтыѝ на десѧ́те лоу
ньскыи погонѧ́ште. нъ не до сегож стоѧть. нъ е͗
гда въ сиⷯ бѫ́дѫть. и҄ къ тридневнѹ оу҄моу грѧ
дѫть. а͗ште и҄ не пои́стинѣ, ни по прѣмиѭ
црькьвьноуѹ͗мѫ. ꙗ҄коже оу͗каꙁано бѫ́деть.||
(210v) Ес꙼ть и҄на е͗рес, монтани́стѣнъ. ꙗ҄же ре́къши нетво
рити съ жи́дъми. о꙼тъстои́ть же и͗ о꙼тъ црькъ
вьнаа́го насвоѭ бѣдѫ. четврь́таа́го бо на десѧте
прь́ваа́го мѣсѧца блѭ́доуть. си҄рѣчь седмаа́го
мѣсѧца по а꙼сиа́нѡⷨ. не четврь́таа́го на десѧте
лоуньскааго, невѣ́мъ сего съвѫ́ꙁа о꙼кѹдоу (!) прии́
мъши: . Е͗ди́ночѧ́ды бо сн҃ъ бо́жии. въ па́схѫ
жидо́вьскѫ пострада́лъ. па́сха же жидо́вьска.
четврътъи на десѧте настоѧ꙼шть и҄мать лоу́
ньскъѝ, въ прьвыи мѣсѧць. Въ четврь́тьи на де
сѧте въ жидовьскѫѭ пасхѫ пострада́лъ х҃с.
О꙼тъкѫдоу оу͗бо ꙁлои҄мени́таѧ си҄ е꙼ресь. четврь́тъи
на десѧте о꙼тъ слъньчьнаа́го мѣ́сѧцѧ. не о꙼тъ
лоуньскаа́го приѧ꙼тъ. не ꙗ͗вѣ ли, ꙗ҄ко о꙼тъ прѣ
льстившаа́го бѣса́. о꙼баче и͗ си, а҄ште и͗ о꙼тъ
паде о꙼тъ црькъвьнаа́го чѝсла. нъ о꙼ба́че тѣ́мъ
къ тридневноуоу͗мѹ прии́де. во́ле поврь́же на си҄
боу́ди. Понеже оу҄каꙁахъ ꙗ҄ко всѧ̀ е꙼реси, тъ
штѧть сѧ наро́кы събира́ти. и҄ли мь́ньшемъ,
и҄ли вѧ҄штьшемъ. хоштѫ оу͗же прь́вѣе о꙼бли
чи́ти жиды. пото́мъ вины съньма крьстиꙗ́
ньскаа́го и҄ꙁдрешти: Стои́ть въ црь́къви
наро́къ сь̀ стра́стии. равьнины весньныа̀. четве
ртъи на десѧте лѹньскыи, тридневьныи, пѧ
тъкъ соубѡ́та, недѣ́лѧ. сихъ въ то мѣ́сто
трѣбѫѐмъ. и͗ та́ко по и͗с́тинѣ бѹ́деть. не
по творенїемъ. нъ по прѣда́нию самоⷢ мѡѵ̈сеа̀.
(211r) четврътоуоумѹ на десѧте лѫ́ньскѹ͗моу. храни́мѹ
по ра́вьнинахъ. и͗м́амъ свѣдѣтелѧ. прѣ
мѫ́дры жиды. Недосто́ить бо ны́нѣшнее беꙁоу
мие жидо́вьское ꙁрѣ́ти. Всѫ бо пра́вьдѫ ꙁаконъ
нѫѭ си и͗скаꙁишѧ. Нъ прѣмѫ́дрыихъ жидо́въ.
написа́ѭштии́хь, досто́ить послѫшати. Тѣⷯ
нѫ́жда е꙼сть чисмѧ дрь́жати. си́х же о꙼тъме
тати ꙗ͗коⷤ прѣстоу́пникы. съставлѧ́тиⷤ
на́ше сло́во. и͗ о꙼тъ тѣхъ велми свѣдѣ́тельствѹ
е́мо. Жи́дове бо̀, всаѧ благаѧ о꙼тъврьго́
шѧ́. е҄ште же, и͗ кни́гы седмидесѧтъ и͗ дво
ѭ мѫ́жѫ прѣмѫ́дрыиⷯ прѣло́жьшииⷯ о꙼тъме
ташѧ. толи́ко бо жи́дове, въ тоу и͗сто́риѭ
оу҄праꙁниша сѧ. дрьвлъниѝ прь́вѣе пришествїа
спасова добро́тьно. и͗ли до́брыи́ми и͗ꙁбра́ни,
на прѣложение кни́гъ. Е͗диначе и͗ тъгда въ жи
до́въсцѣхъ о꙼браꙁѣхъ сѫ́штамъ благово́лно,
и͗ и꙼скѫше́но быⷭ скаꙁа́ние. и͗ клѧ́твы всѣ́ми жи
дъми положе́ни бышѧ. а͗ште кто̀ скаꙁа́ние потво
рить. Того оу҄бо дѣ́лъма мы́ блѭдемъ,
слышѧ́ште мѡсеа̀ глаголѭшта. въ оу҄стѣхъ
двоѭ и͗лѝ трии҄ съвѣдѣ́телъ, ста́неть вса́ко
сло́во. оу͗же бо̀ не двоѭ, нъ седмидесѧ́тъ и͗ двою.
съвѣдѣтелѭ прѣ́ложение с радостиѭ прии́мъ
ше. нъ до́ндеже прѣмѫдрьци бы́шѧ жидо́въсци
и. прѣложе́ниемъ дръжимо бѣа́ше. бывъшоу
же оуже, ꙁако́нопрѣстѫпле́ниѭ на съпа́са,
(211v) оу́гасо́шѧ сѧ̀ всѧ̀ добро́ты жидо́вскыѧ. проро́къ
е͗сть проповѣдаѧѝ. Е͗се҄ г҃ь саваѡ꙼ѳовъ.
о꙼тъи́меть о꙼тъ и͗лима. и͗ отъ и͗оу͗деа̀, крѣ́пка и крѣ
пкѫ, крѣ́пость хлѣ́ба, и͗ крѣ́пость воды, споли
на, и͗ крѣпка, и͗ члкаборца, и͗ сѫдиѭ, и͗ проро́ка, и͗
гатаньника и͗ ста́рца. и прѣмѫ́дра дрѣводѣ
лѭ, и͗ раꙁоуми́чьна послоу́шника. и͗ приставлѭ
ю҄ношѧ старѣиши́ны и͗мъ. и͗ рѫгателе обладаю(т)
и͗ми. Се проро́чьское сло́во пости́же жидовьска
аго наро́да. и͗ ꙁапѫстѣ́ние ра́ꙁоума. и͗ ꙁапоустѣ́нїе
проро́ка. покаꙁа́ѭщта спасе́ние. и͗ своихъ прѣмѫ́дрь
ць преда́ниѧ погѫбишѧ. и͗ о꙼ клѧ́твѣ́ небрѣгошѧ
и͗ правда ꙁако́ннаѧ въ бѣдоу оу҄же въпаде.
Ꙗ́коже бо̀ и кни́гы прѣдви́гоушѧ. и͗ скаꙁание тѣхъ
прѣмѫ́дрьць о꙼тъврьго́шѧ еди́ноумѹ нѣчиемоу прише
лцѹ и͗мъше вѣ́роу, прѣложе́ниа̀, на о꙼тъврь́жение толи
ко мѫжь и͗ клѧ́твъ. та́кожде и͗ наро́къ, па́схы раска
ꙁиша. Имамъ свѣдѣ́телѧ, прѣмѫ́дра жидовина.
ꙗ͗коже се филѡна. и͗ і͗ѡсиппа. и͗ и͗ны ньѣ͗кыа̀ и͗же и͗ въ
свои́хъ съписа́ниихъ, иꙁвѣствова́ѭть. ꙗ͗ко не може(т)
по и͗стинѣ, и͗нако пасха бы́ти. нъ по ве́сниьныиⷯ
равьни́нъ. и͗ оу҄ставлѧѭть ти҄, и͗ꙁда́вна таковоу
оумѹ обы́чѧѭ съблѭдае́мѹ. по четвьртѣмь на
десеѧ́те лоу́ньсцѣе́мъ, ꙗкоⷤ мнѡ́гышьди рече́но еⷭ.
сиѧ́ же ꙗ͗вѣ е꙼сть. ꙗ͗коⷤ и͗ вси жидо́ве съвѣдѧ̀ть.
по страсти съпа́совѣ бы́ста, мно́га пото́мъ лѣта
жи́вша, тѣ́мже о͗ба́ѫвено е͗сть. ꙗ͗ко и͗ съпасъ||
(212r) въ жидо́вьскѫ пасхѫ пострадалъ по равни́нахъ.
имаши оу҄бо и͗ ны́нѣ. и о꙼тъ съвѣдѣ́тельства прѣмѫ́дрѹ
ѭ жиды о꙼тъврьженыѧ ны́нѣ. и͗спрь́ва по равьнинаⷯ,
вь четвьртьѝ на десѧ́те лѫны, пасхѫ о꙼вьчѫ сътво́
рьше. о꙼ба́че се́ ми ны́нѣ досто́ить. да о꙼тъ сего оу͗ка́
жеть сѧ прѣдълежа́штее. то҄ оу҄же жи́дове тво
рѧть па́схѫ. многышди прѣжде равни́нъ. ра́ꙁвѣ
а͗ште неприложи́мыи͗ мѣсѧць наста́неть. нево́ле
ѭ по равьнинѣхъ продлъжать сѧ. се же нѣ́сть съ
мотре́ниемъ, нъ про́сто прилоуча́имъ, во́ле же ны
нѣ въ настоѧ́штее прѣжде равьни́нъ творѧть.
и͗ хоулими сѫ́ть прѣмѫдрꙑи́ми жи́дъми прѣстѫ
пьници ро́ка. и͗мамъ же мы́, си́лѫ таи꙼ны, не
крадомоу, врѣмѧ бо въ не же пострада́лъ спа́съ нѣ
сть невѣдо́мо памѧть кы бо сътвореныѧ при пи
латѣ. и͗ наро́къ имѫть па́схы. напса́но бо е҄сть, ꙗ͗ко
прѣжде о꙼сми каландъ а͗прилѧ пострадалъ спⷭъ. тъ̀
оу͗бо наро́къ по равьнинаⷯ съставлѧе꙼ть сѧ. и͗ пыта́ѭ
штии́мъ постигнове́нъ есть. и͗мѣи́ же пра́вило
се. да вѣдѣти въ́чнеши ꙗ҄ко х҃с въ томъ нароцѣ
пострадалъ. и҄ да вѣды съблѭдеши при́сно по равь
нинаⷯ твори́ти пасхѫ. х҃а подражаеѧ и͗ оу͗бѣжиши
беꙁако́ниѧ е꙼ретикъ. и͗штеши же вины врѣменъ.
Покѫшоу же сѧ и͗счисти ѧ̀ по мѣ́стомъ. да оу҄кажѹ
чи́нъ таи́ны. къ древьнѭоумѹ оустрое́ниѭ. постра
далъ бо х҃с по равьни́нахъ. въ пѧтъ́къ же пострада
лъ. ꙗ͗ко же съвѣ́мъ. и͗ ꙗ͗ко же кни́гы повѣдаѭть.||
(212v) четвь́ртоуоу҄моу на десѧте по лоу́нѣ пѧткоу събыва
ѭштоу сѧ. въ жидо́вьскоуѭ бо пасхѹ пострада́лъ
пасха же жидо́вьскаѧ. тогда вса̀ врѣмена. въстра
сти събралъ. и͗ ра́внины варѧ́ѭштѧ. и͗ четврьтꙑи
на десѧте настоѧшть. и͗ пѧтка и͗ сѫбо́тоу и͗ недѣ
лѭ сълѫчѧ́ѭштѫ сѧ.
Препис от сбирката на М. Погодин, No. 968, Руска национална библиотека, Санкт Петербург, 15 в., 209а – 222б