Разумник

(1) вьпро(с) .а҃.  что ѥ(с) вис(о)та нб(с)наа и гльбина морскаа. ѿвѣ(т). ѿц҃ь и с҃нь и с҃ти д҃хь сила і раꙁꙋмь.

(2) вьпро(с). что ѥ(с) двѣ мора и е҃ ꙁемльныи. ѿвѣ(т). двѣ рибѣ ѿ мора и е҃ хлѣбь ѿ ꙁемлю.

(3) вьпро(с). что ѥ(с) гра(д) стои(т) и поу(т) къ немꙋ маль ѥ(с). ѿвѣ(т). гра(д) ѥ(с) раи а поу(т) праве(д)ни(и).

(4) вьпро(с). что е(с) д҃ роѕы. ѿвѣ(т). лоука на вьстоце чл҃чимь ѡбраꙁо(м). марко на ꙁападѣ львовѣмь ѡбраꙁомь. ма(т)ѳеи на юꙁѣ телчимь ѡбраꙁомь. іѡа(н) на севере ѡрлимь ѡбраꙁомь. вьси бо бѣхꙋ крилати.

(5) вьпро(с). что ѥ(с) д҃. роѕы. ѿвѣ(т). вьсто(к), ꙁапа(д), югь северь.

(6) вьпро(с). что ѥ(с) ꙁаець побѣже. а ловець нь погибѣ. ѿвѣ(т). ꙁаець бы(с) моѵсїи а лове(ц) фараѡнь. мѡѵсїи прѣиде а фараѡ(н) погїбѣ.

(7) вьпро(с). кто наꙋчи на вьстокь кланꙗти се. ѿвѣ(т). моѵси на горѣ сїнаистѣи.

(8) вьпро(с). кто не ро(д)и се і ꙋмрѣ. і кто ро(д)и се і не ꙋмрѣ. ѿвѣ(т). адамь се не оубо роди оумрѣть. а илїа роди се и не оумрѣ.

(9) вьпро(с). кто не роди се и роди сн҃ве. и сн҃ве его родише емꙋ м҃терь и м҃ти роди емꙋ ѡ҃ца. ѿвѣ(т). адамь се не роди и роди с҃нве. и ѿ сн҃овь его роди се прѣч(с)таа. и ѿ прѣч(с)тꙋ роди се х҃с иже сьꙁда адама.

(10) кто вьꙁврати се вь чрѣво м҃тре свое. ѿвѣ(т). адамь вь ꙁемлю ѿ неюже вьꙁеть бы(с).

(11) вьпро(с). кои пр(о)ркь вь гробь вьсели се. гробь его ходе, а мрьтви вь немь поꙗше. ѿвѣ(т). іѡна вь чрѣвѣ кѵтове.

(12) вьпро(с). что ѥ(с) мл(с)ть и истина сретоста се и прав(д)а и мирь ѡблобиꙁаста се. ѿвѣ(т). ег(д)а срѣтоста се прѣч(с)таа і елисаве(ѳ). и ѡблобиꙁахꙋ се. и мл(д)нци вь оутробахь и(х)ⷯ вьꙁиграхꙋ се.

(13) вьпро(с). кто не роди се и не ходивь. небо не виде а б҃ꙋ поклони се. ѿвѣ(т), іѡань ис чрѣва елисавеѳина.

(14) вьпро(с). како сьтавише име адамꙋ. ѿвѣ(т). посла б҃ь аг҃гла своего и вьꙁеть аꙁь на вьстоцѣ, добро на ꙁападь. мислите, на юѕѣ. ерь на северѣ. и сьставише име емꙋ адамь.

(15) вьпро(с). колико лѣжить(sic) адамь на зе(м)лю. ѿвѣ(т). ц҃л. лѣ(т).

(16) впро(с). кто единꙋщь роди се а дващь оумрѣ. ѿвѣ(т). лаꙁарь.

(17) вьпро(с). кого наи много пожалꙋва б҃ь, ѿвѣ(т). арїа іоудꙋ.

(18) вьпро(с). комꙋ даде б҃ь .ꙁ҃. чести. ѿвѣⷮ. кротость дв(д)ꙋ. а прѣмꙋдрос(с) соломонꙋ. а лѣпотꙋ іѡсифꙋ. а крѣпость самѱонꙋ. а гостолюбство аврамꙋ. а косїи авеселамꙋ. а богатьство іѡвꙋ. на .ꙁ҃. чести раꙁдели б҃ь добротꙋ іаковлю.

(19) вьпро(с). коимь ѡбраꙁомь б҃ь хощеть соудити. ѿвѣ(т). ѡбраꙁомь и лѣпотою прѣкраснаго іѡсифа.

(20) вьпро(с). а коимь еꙁикомь б҃ь хощеть соудити, ѿвѣ(т). сїрїанскыимь еꙁико(м).

(21) вьпро(с). аще чл҃къ не исповѣсть грѣхи свое попꙋ. е ли попꙋ грѣхь. ѿвѣ(т). пр(о)ркъ р(ч)е. слѣпѣць слѣпца водеи ѡба вь ꙗмꙋ вьпадета се. и пакы тьж(д)е пр(о)ркъ реⷱ҇. аще оукраднеⷮ с҃нь не свежꙋт ли ѡ҃ца. и начноуть ѡба плакати се вькоупе, да грѣхь емꙋ ѥ(с).

(22) вьпро(с). аще жена сьгрѣшить при мꙋжи своемь сь инѣмь моужемь. ели мꙋжꙋ грѣхь. ѿвѣ(т). како иꙁвѣ(д) евва адама иꙁ раа.

(23) вьпро(с). где седѣше адамь егда иꙁгнаше его иꙁ раꙗ. ѿвѣ(т). прѣмо раю вь едѣме.

(24) вьпро(с). что ѥ(с) два стоꙗста и г҃ласта, а в҃і. дивлꙗхꙋ се. ѿвѣ(т). г҃ла і҃с и самаранина. а в҃і. ап(с)ли дивлꙗхꙋ се.

(25) вьпро(с). что ѥ(с) два борита се а два сь любовїю раꙁлоучаета се. ѿвѣ(т). све борите(с) сьмрьть сь животомь. и не борит се д҃нь и нощь.

(26) вьпро(с). что ти ѡскоудеше ѡвце ѿ пище и не боу(д)ть воловь прї ꙗслехь. ѿвѣ(т). ѡвце соуть жидове а волове иⷯ попове а ꙗсли соуть раискаа пища. ꙗко хотехꙋ ѡскоудети ѿ раꙗ.

(27) вьпро(с). кто сѣде више г҃а. ѿвѣ(т). адамь егда вьꙁв(д)иже его б҃ь. и вьдаде емꙋ д҃шꙋ.

(28) вьпро(с). кою рѣчь прьво р(ч)е адамь. ѿвѣ(т). фалите г҃а сь нб(с)ь.(29) впро(с). ѿкоудꙋ громь ꙁаче се. иꙁь исхо(д) прѣстола х҃ва.

(29) впро(с). кто бы(с) прьви шевець на ꙁемли. ѿвѣ(т). адамь сьши листїе смоковное и сьтвори прѣпоꙗсꙗнїе.

(30) впро(с). что ѥ(с) два се ѡрла ꙗста а ѡсли ꙁиꙗють. ѿвѣ(т). два се брата карають а людїе радоуют се.

(31) впро(с). высоко лїе н҃бо ѿ ꙁемлю. ѿвѣ(т). колико ѿ ꙁемли до м(с)ца. толико ѿ м(с)ца да нб(с)ь.

(32) впро(с). дебела лїе ꙁемлꙗ. ѿвѣ(т). елико ѿ ꙁемлю до нб(с)ь толико ѥ(с) дебела ꙁемлꙗ.

(33) впро(с). на чимь ꙁемлꙗ стоить. ѿвѣ(т). на водѣ а вода на ѡгню.

(34) впро(с). почто силнїи ветра вьꙁ(д)вижꙋт (с)е. ѿвѣ(т). ег(д)а къинь плачет се тогда силнїи вѣтри вьꙁ(д)вижꙋт се.

(35) впро(с). почто постави б҃ь къина сь лоуною. ѿвѣ(т). да ꙁрить елико ꙁла ѿ него ꙁачехꙋ се.

(36) впро(с). велико лїе сл҃нце. ѿвѣ(т). по велико ѿ вьсеи ꙁемле. а ѕвѣꙁ(д)ы , е҃і д҃ни хода. ѕвѣꙁди оутврьждены соуть вь небеси. а м(с)ць и две деници плавають по аерꙋ.

(37) впро(с). како сьтвори б҃ь слн҃це. ѿвѣ(т). егда сьтвори б҃ь н҃бо и ꙁемлю и помисли како да сьтворить чл҃ка и како распе(т) боудеть ѿ него. да егда помисли б҃ь ѿ сьмрьти своемь. тогда падѣ иꙁ очїи сльꙁа и тою сльꙁꙋ нареⷱ҇ б҃ь слн҃це. а м(с)ць ѿ петрахилꙗ г(с)нꙗ ѥ(с).

(38) впро(с). како сътвори б҃ъ дїавола. ѿвѣ(т). видѣ б҃ь сѣнь свою вь водѣ. и реⷱ҇. иꙁиди брате и бꙋди сьмною. иꙁиде чл҃къ и нареⷱ҇ име емꙋ сатанаиль.

(39) впро(с). кои грѣхь непрощень ѥ(с) прѣ(д) б҃гомь. ѿвѣ(т). иже не исповесть попꙋ.

(40) впро(с). кто бы(с) прьви мрьтвець на ꙁемли. ѿвѣ(т). авель.

(41) впро(с). колико лѣ(т) лежа авель непогребень. ѿвѣ(т). ц҃л. лѣ(т) дон(д)ѣже погрѣбоше ѿца его адама.

(42) впро(с). како не вьсмрьде се или ни сьгни се. ѿвѣ(т). още не бѣ реⷱ҇нно чрьвїе и мꙋха(м) ꙗсти.

(43) впро(с). кто наоучи прѣж(д)е нивꙋ ѡрати. авель.

(44) впро(с). кто иꙁнесе грьчьскꙋю книгꙋ. ѿвеⷮ. меркꙋрїе. а бльгрьскꙋю кѵриль философь.

(45) впро(с). кто би(с) прьвїи попь на ꙁемли ѿве(т). мелхиседѣкь.

(46) вьпро(с). коа би(с) прьва чр҃ква на ꙁемли. ѿвѣ(т). ст҃ыи петрь вь риме.

(47) впро(с). кто ѿбрѣте латинскїѥ книги. іѡиль.

(48) впро(с). кто не г҃ла ѳ҃. м(с)ци. .г҃. д҃ни. ѿвѣ(т). ꙁахарїа.

(49) впро(с). что ѥ(с) дваа стоꙗста и два течаста и два минꙋета се. ѿвѣ(т). небо и ꙁемлꙗ стоить сл҃нце и м(с)ць течеть. д҃нь и нощь миноуеть се.