Тьь прѣпѣ(д)бныи ѿ͠ць н͠шь Гавриль бѣаше блгороднѹ и богатѹ родителю с͠нь. и вьдань бы(с) на ѹчению книжномѹ. и б͠иѥмь изволениѥмь. поспѣшень бы(с). пришедшѹ вьзрастѹ ѥго. и ѡбрѫчишѫ ѥмѹ невѣстѫ добра рода. ѡномѹ же не хотѧщѹ. и б͠иѥмь изволениѥмь ѹмрѣть подрѹжиѥ ѥго. ѡномѹ же не примѣшьшѹ сѧ ѥи. и шедь вь монастырь и бы(с) мнихь. и вьземь бгт(с)во много и ѡтиде и проꙗвлениѥмь великааго ар(х)истратига Михаила. вьше(д) в горѫ Лѣсновьскѫѩ. и сьз(д)а храмь вь имѧ ар(х)стратига. и игѹмена постави и мнихы сьбра. и тѹ ѡстави все иманиѥ своѥ. и ѡшедь вь горѫ и мльчаше вь бдѣни и м͠лтвѣ безь сна прѣбываѩ д͠нь и нощь и много томлениꙗ приѥмь ѿ бѣсовь. и сьтвори .л͠. лѣ(т). и пришедь вь монастырь и прѣстави сѧ. и сьтвори тѣло ѥго вь земи. дрѹгыхь .л͠. лѣ(т). и проꙗви сѧ ѥтерѹ рѹсинѹ вь градѣ срѣдечьстѣмь. и прише(д) и изѧть и. и сьтвори ковчегь. и тѹ положи мощи ѥго. сьтворьшѹ же чюдесь много. слѣпи прозрѣшѫ. и хроми исцѣлѣшѫ. поражени ѿ д͠хь нечистыхь вси исцѣлениѥ ѹлѹчишѫ. прикосновениѥмь с͠ты(х) мощеи. и по много врѣмени прѣнесены бышѫ моще ѥго вь гра(д) Трьновь бльгарскы. и положены бышѫ. вь Трапезици ѹ с͠ты(х) ап(с)ль. иде же и до ннѣ лежѫть. точѧщи исцѣлениꙗ до сего дне⁘
Препис в Лесновския пролог от 1330 г. (САНУ 53), л. 115а