на г҃и въꙁва(х). ѡ(с). с(х). . ѕ͠⁘
и пое(м): сти(х) г. по два(ш). гла(с). ѕ͠⁘
Живѫщи по см҃рти Пѧ(т)ко бл҃жнаа. посѣщаеши всѣ(х) вѣроѫ притѣкаѫщи(х) кь рацѣ твоеи.
ѿ люты(х) покрываеши. и стр(с)ти всегда и ѿ бѣдъ иꙁбавлѣѫщи. тишинѫ жи(т)ꙗ.
мирно съставление. подаѥши м(л)твами си. ѿ бѣсовьска нахождениꙗ. сп҃саеши чтѫщѫѫ.
бл҃говѣрно памѧ(т) твоѫ ст҃ѫ. и ѿ б҃а прощение даеши съгрѣшаѫщимъ⁘
Аг҃глъ ꙁемныи на ꙁеми ꙗви сѧ. житие бесплътно въ ꙁемнѣ тѣлѣ ꙗвила еси.
ѿ ѡ҃ца и м҃тре дале(ч) иꙁбѣгши. причта сѫ женихѹ своемѹ х҃ѹ. въ чрътоꙁѣ нб҃снѣмъ
б҃гоневѣсто. живѫщи въ Каликрати. имаши селенїе крѣпко. идеже исцѣленїе подаваеши.
прибѣгаѫщѫѫ вѣрно. чюдесемъ бл(д)ти всѣмⸯ истачаѫщи⁘
Древле ѹбо истачааше. иꙁлъ҃тѣнномъ маннѫ. и въ д҃нъ паче еже иматъ ч(с)таꙗ твое имѧ.
и сѹгѹбо бывⸯше пⸯшеници раꙁдаанїе. числомъ въꙁимаѫщимъ н҃нѣ нб҃снааго хлѣба.
въ твое памѧти приемлемъ. Параскевии славнаа. просѧще бл(д)ти. бл҃годарениꙗ чюдесъ.
подь кровь ти ч҃стаа. и сладости д҃ши имамы. сп(с)ниꙗ. ѹлꙋчение⁘
сла(в). и н(н). б(о): на сти(х). с(х). и ст҃ѣи. гла(с). и҃.:
Бг҃атьство иꙁъѡбрѣте неиждивѫще. цр(с)твѹѫщии градъ н҃нѣ.
ст҃ыѫ мощи скровище многоб҃гатно мирѹ ковчегъ неисчръпаемъ.
воды ицѣленїю всѣмъ истачаѫщи. и. чюдесемъ бл(д)тъ нескѫднѫ.
тако прослави пр(д)побноѫѫ б҃ъ. тако ꙁемѧ то благодарение. дастъ. въ ѡбрѣтениꙗ еѫ⁘
Грѧдѣте вси б҃гомѫдрии. ѿ ꙁемѧ далечнѫѫ. къ раце. прикоснѫвши сѧ прп(д)оныѫ.
и прошениꙗ своꙗ ѿ д҃шѫ своѫ носѧще. ѡвъ бо ꙁдравиꙗ ѿ страстии. раꙁличныихъ.
дрѹгыи же грѣховъ прощениꙗ. ин же къ б҃ѹ приѡбрѣтениа мл(с)ти.
всѣкои вещи на полѕѫ нашемꙋ спсениꙋ⁘
тро(п). гл(с). и҃. ⁘
Тобоѫ м҃ти въ истинѫ. сп҃сено бы еже по ѡбраꙁѹ.
приемши бо крт(с)ть послѣдова х҃ѹ. и творѧ ѹчаше плъти. прѣходит бо попещи сѧ.
ѡ д҃ши и вещи бесъмртнѣи. тѣмже и. съ аг҃гы рау(д)ет сѧ дꙋхъ твои⁘
Кано(н). гла(с) ѕ҃. пѣ(с) а⁘ ірмо(с) Ꙗко по сохꙋ (sic!) ходївъ⁘
Параскевии пр(д)побнаа. въ н҃нѣшнее .врѣмѧ дѣланиѹ начѧтъ.
и творѧщии добраа. въꙁданїа ѡбрѣте бл҃гаа. сѫботѫ приемъ свѣтлѫ на бѫдѫщее⁘
Жива бл҃годатемъ трѣвнии Параскевии. раꙁꙋмьнааго порода ѡбрѣтьше тѧ ч(с)таа.
плоды приемемъ ѿ тебе и чюдесемъ радости. ст҃аа испльнѣем сѧ⁘
Нескѫдныимъ даромъ б҃атное. вл(д)кы промышление. ст҃ѫѫ и ч҃стѫѫ
скровище покаꙁа намъ исцѣлению. даръ всѣмъ подаждъ⁘
Испръва ꙁемѣ прѣбабы плода на на(м) тръновнаа проѕѧбова клѧтвна ꙗда же б҃це ч҃стаа.
ис тебе прошедъ жиꙁнии цвѣтѹ приноситъ радостъ⁘
пѣ(с). г҃. їрмо(с) Нѣ(с) ст҃а ꙗкоже ты г҃и б҃ь мои⁘
Ѹꙗꙁви д҃шѫ любови. вънити вь вышнии чрьтогъ.
и неꙁре(ч)нныѫ радости насладити сѧ ꙗвѣ. ѹневѣсти сѧ всекрасномѹ хрїстѹ⁘
Очисти сѧ д҃шеѫ. бренныѫ стр(с)ти. жилище еже створи.
добрыѫ. дѣтели Параскевии. и храмъ и селище до(с)ино. д҃шевнѫ⁘
Ꙗкоже ѕвѣꙁда всиꙗ на ꙁеми. дѣтѣлми свѣтлыими.
и просвѣти всѣмъ д҃шѫ бл҃говѣрныимъ. ꙁрѧще свѣтоꙁарныѫ твоѫ блг(д)ти⁘
Ис тебе всиꙗ х҃с прѣс҃таа д҃вце. праведное сл҃нце свѣтомъ просвѣщаѫ древле.
сѫщѫѫ. въ тⸯмѣ. вѣроѫ и бл(д)тиѫ⁘
сѣ(д). гла(с) а҃. ⁘
Непорочнаа агница и честна г҃ви. съчета сѧ таино въ чстѣ жи(т) добро(т)ѫ бгмⸯ данⸯнѫѫ ти.
себе ѹкрасивши. тѣмже и приѫтъ ицѣление. бл(д)тъ.
ѹврачюѫщи стр(с)ти и притѣкаѫщи ти силоѫ д҃хвноѫ⁘
Същанием (sic!) си ꙁвание створи именованⸯнои. тъꙁноименитнѫѫ славѫ твоѫ вⸯ въселенїе.
наре(ч) сѧ Параскевии. прп(д)обнаа. тѣмже точиши ицѣленїꙗ и м҃ли сѧ ꙁа д҃шѫ нашѫ⁘
пѣ(с) д҃. їрмо(с) Хс҃ мнѣ сила б҃ъ и г҃ь честна бо⁘
Жиꙁнъ въжделѣвши прѣмирнѫѫ. ѿ жиꙁни ѿлѹчи сѧ пл(т)ьскыѫ.
живѫщи б҃иемъ д҃хмъ. не бестр(с)тие рекѫ. ꙗко беспльтна поживе⁘
Обрѣте сиꙗѫщѫ. прч(с)тѫѫ ти д҃шѫ. дꙋхѡвнаа бл(д)ть всѣ въ тѧ всели сѧ
ч҃стаа. и тобоѫ чюдо творитъ. и ицѣленїꙗ всѣмъ истачѣетъ⁘
Ниꙁложи все ѡплъчение. бѣсовское. прп(д)обнаа. и побѣдѫ на нихъ подвиже.
и фараѡна ѹмнаго потопила еси въ водахъ⁘
Красень проѕѧбова ѿ д҃вцѫ пло(д). горⸯкыи. древле въкѹсъ прѣдѣднїи. волныи.
въ сладостъ веселиꙗ. и въ жиꙁни прѣтварѣетъ ихъ⁘
пѣ(с). е҃. їрмо(с) б҃иемъ свѣтом блаже⁘
Искорени прилежно плѣвелъ трьннꙗ. д҃ше тлѣѥма проѕѧбениа.
въꙁрасти сѣмѧ бестр(с)тиꙗ. вь стократы класъ въꙁращьши⁘
Крѣпостъ вражиꙗ раꙁори сѧ. постныим ти въꙁдръжаниемъ
и твръдѡстиемъ б҃иє ѡбличениє ѹѡрѫжи сѧ. и. ꙁмиа старааго ꙁлодѣа ѹмрътви⁘
Бѫди хода(т)ица ꙁа ны. и мирно наше жїтие. къ б҃ѹ дръꙁновением си.
испроси ст҃аа сп҃сение. д҃ши и ѡставение грѣховъ и иꙁбавение⁘
Рыторомъ ѫꙁыкъ не доѹмѣеть. тѧ похвалити д҃вце г҃же цр҃це.
прѣстолъ бо бы(с) б҃жию словѹ чїстаа. единого. ѿ тр҃цѫ порождьши⁘
пѣ(с). ѕ҃. їрмо(с) Житеискааго морѣ въꙁдви⁘
Напои. славнаа д҃шѫ вѣрныимъ. каплѣми словесъ ти. и поѹчениꙗ. глѧ͠щи спснаа.
жѫж(д)ѫща ср҃ца прохлади. вѣроѫ приходѧщим ти⁘
Не въꙁможе желаниемъ тебе. врѣменны(х) ꙋдръжати. въ ѿч҃ьствие ти пр҃чстаа.
нѫ любовъ б҃иꙗ приѫть тѧ. странити сѧ сътвори. да постигнеши въ градъ нб҃сныи⁘
Ѹдали сѧ бѣгаѫ и прииде въ Сиѡнъ. и вⸯ Виѳлеѡмѣ и въ врътⸯпѣ и вь водах
Иѡрданьскы(х). пр(с)тоє ти тѣло ѡс҃ти. мироположенїа съдѣла. бл(д)тъ истачаѫ⁘
Тебѣ послѣдова б҃ци мт҃ри. и б҃ию. словѹ пр҃чстаа. Параскевии чсстнаа.
и ѡбогати чюдесемъ бл(д)ти. и цѣлбы подаетъ прїтѣкаѫщимъ⁘
ко(д). гла(с) г҃. по(д) Дв҃а дн(с)е прѣ⁘
Ст҃ѫѫ. вси ꙁастѫпницѫ. сѫщѫѫ. въ бѣдахъ. бл҃гочестно въспоимъ. Параскевии ст҃ѫѫ.
та бо жїтие ѡставльши. нетлѣемо приѫтъ ова вь вѣкы.
сего ради славѫ ѡбрѣте чюдесемъ бл(д)тъ. б҃иемъ велѣниемъ⁘
ико(с)⁘
Чюдесемъ источникъ ѿвръꙁе сѧ. прїдѣте почръпѣмь н҃нѣ воды. точѧщи ицѣление.
ибо ст҃аа точїтъ цѣлⸯбы. едина бо ꙗвишѫ сѧ сиѫ чюдеса прѣславнаа всѣмъ.
б҃ъ бо сиѫ славы спо(д)би. ꙗко приснѫ емꙋ рабѫ сѫщѫ. ѡбрѣте чюдесемъ бл(д)тъ.
лю(д). á҃иемь велѣниемъ⁘
Мц(с)а. того д҃ї. ст҃хь м(ч)къ Наꙁариа. и Протасиꙗ. и Келсиꙗ⁘ ....
пѣ(с). з҃. їрмо(с). Хладодавї(цѹ)
Аще и ѿ ꙁемѧ на нб҃снаа села прѣиде добраа д҃вце. иѫ намъ пр҃стоє ти тѣло ч(с)таа.
многоцѣнⸯно положи скровище. ѡба҃щаѫ ны цѣлⸯбами⁘
Аще и дале(че) иꙁбѣже ѡч҃ьства си. бѣгаѫ житиескыѫ красоты. и приде въ пѹстынѧ
Иѡрдановѫ ч҃стаа. нѫ абие. тѧ б҃гъ дарова намъ. покровъ цѣльбы творѧща⁘
Погаси слъꙁами пещъ б҃гоневѣсто. пльтных сластеи. въ прохлаждениє.
и въ пищї раистѣи. н҃нѣ прѣ(д)стоиши х҃ѹ поѫщи. бл(с)вень⁘
Ѻцѣщениє тѧ имамы прѣпѣтаа д҃вце и прибѣжище и помощь. и тврьдое ꙁастѫпение.
вѣрнии. просимъ раꙁдрѣшениє. многымъ грѣхомъ сп(с)ениє д҃шмъ нашимъ⁘
пѣ(с). и҃. їрмо(с). Ис пламене ѿ ...
Епиватъ ѡч҃ьство ти д҃вце б҃гоневѣсто. Каликратїа всѣ имыи. тѧ ꙁабрало.
всѣ же ꙁемѣ исплъни сѧ. величиемъ твоимъ чюдесъ⁘
Бъ҃ тебе прослави до(с)ино чт(с)аа. см҃рти тѧ абиє ꙗко живѧ съблюде. всѣмⸯ бо
на ꙁеми живѫщимъ. ст҃о съврьшаеши. всѣмъ м҃лтвы вѣроѫ. приємеши⁘
Всѣчьскаа съмотрениємъ прѣмѫдрънымъ б҃ъ. съставлѣѫ и съдрьжѫ.
всѣмъ плаваѫщимъ дастъ чистаа. тѧ прїстанїще сп҃сноє. ѿ бѹрѧ и бѣды иꙁбивлѣѫща ихъ⁘
б(о)
Съблюде тѧ ч҃стѫѫ по рождьствѣ. прѣбж(с)твноє слово ис тебе роди сѧ.
г҃ъ сыи єдинъ въ двою хотѣнию и дѣиствии. б҃гъ въплъщенъ⁘
пѣ(с). ѳ҃. їрмо(с). Ба ч҃лкомъ не ѹдобъ видѣти⁘
Давыи ѡбластъ на ꙁмиѫ настѫпати ꙁмїа. иногда движѫща и мрьщвѣѫща.
ꙁмииномъ грыꙁениемъ ѹмрьщвениа даѫити. крѣпостъ б҃гомѫдраа.
горѣ бо въдрѫжи дрѣво. въ ꙁнамениѥ крт(с)а. ѿнѫдѹ исхождааше⁘
Мѡусии великыи б҃ѹ повѣлѣвⸯшомꙋ. ꙁмиѫ инѡгда мѣднѫ пѹстыни створи.
ѹмръщвѣѫ иногда ꙁмиѫ хапаѫщѫѩ. гръꙁениꙗ съмрьтоносна.
тако ты пр(с)таа дрѣвомъ кр(с)тныимъ ꙗдовитаго ꙁмиꙗ ѹмрътви⁘
Единоѫ ногоѫ ч҃лкъ къ тебѣ прибѣгъ. ємѹже деснаа нога сѹха ѿ рож(д)ениꙗ бы(с).
цр(с)твѹѫща града бѣше. дрѣвѣнѫ ногѫ имѣѫи. не лишенъ бы(с) нѫ ицѣлениꙗ ѹлꙋчи.
ѹ твоѫ ракы прѣхвалнаа⁘
гла(с). (sic!)
Рабъ твоихъ въпиѫщих ти. м҃ти б҃жиꙗ. исплъни. сп҃си ꙗко мл(с)рдь помагаѫщи намъ.
на ѡпльчениє. врагомъ ѡборѫженымъ. гонѧщи и. гꙋбѧщи сѫпостаты. ѿ лица нашего⁘
св(ѣ)⁖
Ѻставлъши мира и рѡдителѣ своа б҃омѫдраа. н҃бсноє д҃вствѹѫщи пощенємъ.
Параскевии равна аг҃глмъ. и прп(д)обнаа красоты же доиде ст҃хь.
м҃лѧщи сѧ даровати иꙁбавлениє грѣхомъ рабом си⁘
на г҃а с н҃бсъ. сти(х)ры. гла(с). в҃. ⁘
Пощению пѫтъ въсприємши. житеискѫѫ любⸯве иꙁбѣже. Параскевии прѣславнаа.
ѡво бо съ мѫдрыми д҃вами. свѣтоносна въниде въ дворъ г҃а б҃а своего.
ѡво же х҃ѹ ѹневѣсти сѧ. истачаєши ицѣлениꙗ. бл҃говѣрно притѣкаѫщимъ.
нѫ и. на(с) поѫщих тѧ. ѿ д҃шевныихъ недѫгъ иꙁбави. Къ б҃ѹ м҃лтвами си⁘
Надеждеѫ х҃воѫ. вѣроѫ въꙁьмогши. стѧжаниꙗ родителⸯна иꙁбѣгⸯши.
съ беꙁъплътныими ликѹєши. пр(д)обнаа Параскевї. тѣмже ицѣлениꙗ точиши по см҃рти.
и твоѫ мощи покаꙁа съ всѣкомъ бл҃гоѫханиємъ. и вѡнѣми исплънены. х҃с тебѣ дарова.
єгоже въꙁьлюби. єгоже въжделѣ тои. тѧ ꙗви тѣмже е и молим сѧ.
стадѹ своємѹ испрѡси. ѿ х҃а б҃а велиѫ мло(с)⁘
Въсплещате нов праꙁнолюбци. ве(с)ло ликованїмъ. Параскевии прѣхвалнаа.
и бо҃невѣстнаа пр(д)побнаа. дне(с) ꙗви сѧ ꙗкоже прѣжде скрьвена.
ꙗкоже древо ѿ ꙁемѧ кр(с)ть живоносныи. въ ꙁеми потаемъ ѡбличи сѧ.
тѣмже е є по длъгѹ чѣѫще тои. въꙁъпиємъ. покрыи на(с) ѿ всѣкоѫ бѣды.
Сп҃саи. стадо свое всегда⁘
на л(т)рги
про(к). гла(с). д҃. Діве(н) б҃ь⁘
с(х). Въ ц҃рквахъ бл(с)те⁘
ап(с)ъ. ищи .д҃. декѧ(б).
алу(г). Тръпѧ потръпѣхъ г҃а.
еуа(г) .д҃. декѧ(б).
при(ч). ра(д)уте сѧ пра⁘
Служба за св. Петка Търновска от Драганов миней от края на ХІІІ – началото на ХІV в.