Всѧ кьнигы ветхыа и новыа вьнѣшьныѧ и ѫтрьныа благовѣрныи цѣ(са)рь сѵмеѡнь божьствьнааго писаниа испытавь и вьсѣ(х) оучитель. Нравы и ѡбычаѧ и м(д)рость раꙁоумѣвь сего бл͠женааго иѡана ꙁлатооустааго почоудивь сѧ. Словеснѣи м(д)рости. И благодѣти ст͠го д͠ха. иꙁвыкь емꙋ чист[и] всѧ кьнигы. И иꙁбравь вьсѧ словеса. ѿ всѣ(х) его кьнигь. Вь сиѧ едины сьложи кьнигы. Ѧже проꙁь[ва] ꙁлатострꙋѧѧ. Аште бо иного по семꙋ имени ꙁлатостроуꙗаго проꙁвашѧ. То и мы нѣсмь Сѧ мьнѫ никакоже сьблаꙁнили. Сїа кьнигы ꙁлатострꙋѧѧ нарекьше. Ельмаже д͠ха с͠тааго ꙋчениꙗ. Акы ꙁлатыми стрꙋами ч͠лкы сладкыими рѣчьми. Сьпасеныимь покаѧниемь. Ѿ всѧкого грѣха ѿмываа. Кь б͠оу приводи(т). акы ослоѫ гла(д)кыими словесы вьсѧ скврьны дꙋшьныѧ ѡчиштаѧ. Испльнити жадить вьсѣмь кр(с)тьанѡ(м). бл͠гонравїа дѣлы прѣмногыѧ божїа обитѣли. Се же оуспѣха дѣлѣ и подвига многыи(х) да не ѡслабѣѫть ни раꙁлѣнѧт сѧ. На дльꙁѣ почитающе многа [его] словеса. Мало ѿ многа иꙁбавьше(м). [акы вьсѣмь] око положихѡмь. Да вьꙁьпочитаѧи ѧ прилѣжьнѣ сь (ра)ꙁоумомь. Аште сѧ не лѣнить тьчїѫ многоу польꙁоу вь нихъ д͠ши и тѣлоу ѡбрѧштеть.
