Сарандапорски летопис

Адамь роди Сиѳа.

Сиѳь роди Енѡса.

Енѡсь Каинана.

Каинань Малелеила.

Малелеиль Іареда.

Іаредь Еноха.

Енохь Маѳѹсала.

Маѳасаль Ламеха.

Ламехъ Нѡа.

Нѡе Сима. Въ дни же Нѡоевы бысть потопь.

И сѹть ѹбѡ ѿ Адама до потопа лѣть ҂всмв.

Симь сынь Нѡевь роди Арфаѯада.        

Арфаѯадь Каинана.

Каинань Саалꙋ.

Саала Евера.

Еверь Фалека.

Фалек Рагава. Вь дни Фалековы раꙁдѣли се ꙁемлꙗ. При семь и стльпотноренїе сьтвори се.

По Фалецѣ Рагавь роди Серꙋха.

Серꙋхь Нахѡра.

Нахѡрь Ѳарꙋ.

Ѳара Аврама.

Въ кѹпѣ бывають лѣта ѿ Адама до Аврама ҂гсоꙁ.

Авраамь роди Іссака.

Іссаакь Їакѡва.

Їакѡвь Левїа.

Левї Кааѳа.

Кааѳь Авраама.

Авраамь Мѡѵсеа пророка. Съ иꙁведе люди ѿ Егѵипта.

Сѹть ѹбо ѿ Авраамова прѣсел.нїа вь ꙁемлю Ханаа(н)скꙋ до исхода Исраилѥва ѿ Егѵпта лѣть .ѵл., а ѿ скончанїа Їсꙋса Навїнна .ѵòе. ѿ Адама же лѣть ҂гѱод.

По Їсѹсѣ же Навїне сѹдїамь б҃ь сп҃саше людїи оскрьблꙗемыи ѿ окр(с)тныхь иноплѣменикь, вь нихь же прьвѣе начьнь ꙋѹда, сѹдїи люде(м) .ꙁ. лѣть.

По Їѹдѣ же бы(с) сѹдїа Гоѳониль .н. лѣть. 

По Готонилѣ же Авѡдь .п. лѣть.

По Авѡдѣ же Сама(га)рь .ꙁ. лѣть.

По Самегарѣ же Варакь и Девора пр(о)рчца, жена Лафїдѡнова .м.

По Варацѣ же Гедеѡнь .м. лѣть

По Гедеѡнѣ же Авимеле(х), с҃нь его, лѣта .г.

По Авимелесѣ же Ѳѡла лѣть .кг.

По Ѳѡлѣ же Иа(и)рь .кв. лѣть.

По Иаирь же Ефѳае лѣть .ѕ.

По Ефѳае же Евсевѡнь лѣть .ꙁ.

По Евсевѡнѣ же Еглѡмь лѣть .ї.

По Еглѡмѣ же Лавдѡнь лѣть .и.

По Лавдонѣ Самѱѡ(н) лѣть .к.

По Самѱѡонѣ же облада людми Саманїи лѣто едно.

И по сихь бысть беꙁвластїе вь Евреехь .м. лѣть.

По томь же Илїи їереи обла(д) людми лѣ(т) .к.

По Илїи же Самꙋиль прѣемь с҃тльство и власть дрьжавь лѣ(т) .л.

Бывають ѹбо ѿ скончанїа Їсꙋсѡова до Самѹиловы съмрьти лѣ(т) .хї., а ѿ Ноа и ѿ потопа лѣть ҂врк., а ѿ Адама же ҂дтпв.

По Са(м)ѹ(и)лѣ же цр(с)твова Саѹль лѣ(т) .м.

По Саѹлѣ же Дв(д)ь лѣ(т) .м.

По Дв(д)ѣ же Соломонь, с҃нь его, лѣ(т) .м.

Ровоамь, с҃нъ его, лѣ(т) .иї.

Авїа, с҃нь Ровѡамѡвь, лѣ(т) .ѕ.

Асса лѣ(т) .ма.

Іѡсафать лѣ(т) .ке.

Їѡарамь лѣ(т) .и.

Охѡꙁїа лѣ(т) .а.

Гоѳолїа лѣ(т) .и.

Їоась лѣ(т) .м.

Амесїа лѣ(т) .кѳ.

Оꙁїа .нв.

Їѡаѳамь лѣ(т) .ѕї.

Ахаꙁь лѣ(т) .ѕї.

Еꙁекїа лѣ(т) .кѳ.

Манасси лѣ(т) .не. При семь съꙁда се Виꙁантїа.

Амѡсь .в. лѣтѣ.

Їѡсїи лѣ(т) .ла.

Їѡахаꙁь .г. м(с)це.

Їѡакымь лѣ(т) .аї.

Їехѡнїа .г. м(с)це.

Седекїа лѣ(т) .аї. Сего ѡслѣпивь Навѹходоносѡрь ц҃рь плѣнника въ Вавѵлѡнь ꙁаведе, и храмь ѡгнѥмь ꙁажежень бы(с) ѿ Навѹꙁардана. 

Быивають ѹбѡ ѿ Саѹла, прьвааго ц҃ра Евреѡ(м) до плѣнѥнїа Їѹдова Навѹхо(д)носѡрѡ(м) лѣ(т) .ѵѕ., а ѿ скончанїа Їсѹса Навинна ҂ар. лѣть, а ѿ Нѡа и потѡпа лѣ(т) ҂вх., а ѿ Адама лѣ(т) ҂дѡов.

Навѹо(д)носѡрь же, по еже плѣнити емѹ Їер(с)лмь и раꙁорити, цр(с)твова лѣ(т) .ке., а прѣж(д)е того .ѳї., ꙗко быти вьсѣ(х) лѣ(т) цр(с)тва его .мд.

По Навѹхоⷣ҇носѡрѣ царствова Марода(х), с҃нь его, лѣ(т) .вї.

Валтасарь, брать его, лѣ(т) .д.

Дарїе, Асѹирѡвь с҃нь, лѣ(т) .ꙁї.

Курь Персѣнинь лѣ(т) .ла.

Кѡмвись лѣ(т) .и.

Ефендать и Кївердїе, брата и вльхва, Миденина рѡдѡ(м), въставша цр(с)твоваста .и. м(с)ца.

Дарїе Истаспь лѣ(т) .лѕ.

Ѯерѯь, Дарїевь с҃нь, лѣ(т) .к.

Артавань м(с)ць .ꙁ.           

Артаѯерѯь Дльгорѹкыи лѣ(т) .ма.

Ѯерѯь вторы м(с)ца два.

Содїань м(с)ць .ꙁ.

Дарїе Любодѣичищь лѣ(т) .ѳї.

Артаѯерѯь, сынь Дарїевь, .мв. лѣтѣ.

Артаѯерѯь, наре(ч)нныи Ихѡсь, лѣ(т) .кв.

Нарсїе лѣ(т) .д.

Дарїе Асрамь лѣ(т) .ѕ. Сего ѹбивь Алеѯандрь Макѥдѡнскыи, раꙁори цр(с)тво Перское, дьржавше. вьсѣ(х) лѣ(т) .т. И цр(с)твова лѣ(т) .вї. и м(с)ць .ѕ. Сконча се вь Вавѵлѡнѣ, сы лѣ(т) .лв. Покори же варварскыи(х) єꙁыкь .кв., и колѣна єлинскаа .гї.

Въкѹпѣ ѿ Адама до Алеѯандра лѣ(т) ҂ерпи.

По скончанїи же Алеѯандровѣ Егѵптѡ(м) и Алеѯандрїею цр(с)твова Птолѡмѣи Лагоевь лѣ(т) .м.

Птолѡмеи Фїладелфь лѣ(т) .ли. При семь євреискые с҃щеные книгы вь єлинскыи єꙁыкь прѣписаше се.

Птоломеи Евергеть лѣ(т) .кѕ.

Птоломеи Фїлопаторь лѣ(т) .ꙁї.

Птоломеи Епифанїе лѣ(т) .кг.

Дрѹгы Евергеть лѣ(т) .кѳ.

Птолѡмеи Фꙋсконь лѣть .ꙁї. и мѣсец .ѕ.

Птолѡмеи наре(ч)ины Сп҃сь лѣ(т) .и.

Птоломеи наречины Новы Дїѡнїсїе лѣ(т) .л.

Клеопатра, Новаго Дїѡнїсїа дъщи, лѣ(т) .кв.

Въ четврьтое же лѣто се. цр(с)тва прьвѣе єдиноначельствова по ꙁаконѹ Гаїе Їюль, кесарь лѣ(т) .д. и м(с)ць .ꙁ. Ѿ нѥго же и прочїи ц҃рїе римсцїи кесари начеше ꙁвати се.

По Їюлїи же цр(с)твова Авгꙋсть .нѕ. лѣ(т) и м(с)ць .д. Вь четврьто на десетое лѣто цр(с)тва своего Клеѡпатрꙋ ѹбивь и Егѵпть вьсь повинꙋвь прьвѣе ниꙁложи Птолѡмеиское цр(с)тво дрьжавшее.лѣть .сò.

И бывають ѹбѡ ѿ Адама до начела цр(с)тва Авгꙋстова по иꙁвѣстны(х) лѣтописцехь лѣ(т) ҂еѵни.

Въ четири на де(с)тое(ж) лѣто Авгѹстова царства роди се пльтїю г҃ь нашь Ї҃у Х҃с ѿ с҃тые б҃це. Кѵринь же съвѣтѡ(м) велмѹжїи послань бы(с)вь Їѹдею оѡписанїе сътворити имениемь и жителѥ(м).

Ѿ Адама до вчл҃вѣченїа Х҃ва лѣ(т) ҂еф.

По Авгѹстѣ цр(с)твова Ѳиверїе, с҃нь его, лѣ(т) .кв. и м(с)ць .ꙁ.

Въ петнаде(с)тое лѣто цр(с)тва его кр(с)ти се господь наш Ї҃у Х҃с їеѵгельское ѹченїе слово начеть, и вь ѡсмьнадесетое лѣто того(ж)де цр(с)тва єго пострада на(с) ради волнѹюю стр(с)ть.

Сѹть же ѿ Адама до г҃нꙗ вьꙁнесенїа лѣ(т) ҂ефлг.

По Ѳиверїю цр(с)твова Гаїе лѣ(т) .г. и м(с)ць .ї.

Клавдїе лѣ(т) .гї. и м(с)ць .е.

Нерѡнь .гї. лѣ(т) и м(с)це .и., и бѣжавь себѣ погребѣ жива. Съ ѹби врьхѡвные апостоли Петра и Павла въ Римѣ, овѡга ѹбѡ стрьмоглави на кр(с)тѣ распевь, овѡго же мъчемь ѹсѣкнѹвь, и прьвыи гон.нїе хр(с)тїаны подвиже.

Галвась .ѳ. м(с)ць и .еї. д҃ни.

Ѡѳѡнь м(с)це .г. и .и. д҃ни.

Виталїе лѣто єдино.

Оуеспасїань м(с)ць .ї. Вь въторое же лѣто цр(с)тва єго бы(с)плѣн.нїе Їер(с)алимѹ ѿ Римлꙗнь по четыриде(с)тѡ(м) лѣтѣ г҃а нашего Ї҃у Х҃а въꙁнесенїи.

Тїѳь два м(с)ць и .и. м(с)ць

Дометїань .еї. лѣ(т) и м(с)ць .аї.

Нерва лѣто едино и м(с)це .д.

Траиꙗ .ѳї. лѣ(т) и м(с)ць .ѕ.

Андрїань Емїе лѣ(т) .к. лѣть и м(с)ць .аї.

Андѡнинь Бл҃гочьстивїи лѣ(т) .кд.

Марко Андонинь лѣ(т) .ѳї.

Комѡдь лѣ(т) .вї. и м(с)ць .е.

Пертинарѯь .пꙁ. д҃ны.

Їѹлїань Дидїе д҃ни .ѯѕ.

Севирь лѣ(т) .ꙁї. лѣть и м(с)ць .и.

Антонинь, с҃нь Севирѡвь, лѣ(т) .ѕ.

Маркинь лѣ(т) .а. и м(с)ца два.

Авиѳь лѣ(т) .г. и м(с)це .ѳ.

Алекѯандрь Мамеи .гї. лѣ(т) и м(с)ець .и.

Маѯиминь лѣ(т) .ѕ.

Маѯимь и Калвинь лѣ(т) .кв. д҃ни

Гордїань лѣ(т) .ѕ.

Фїлипь .е. лѣ(т).

Декїе .в. лѣ(т) .

Галь и Вѹлꙋсїань .в. лѣ(т) и м(с)ць .и.

Емилїань .д. м(с)це.

Оуалерїань и Галинь, с҃нь его, .еї. лѣ(т).

Клавдые лѣ(т) .а.

Кїндиль, бра(т) Клавдїевь, д҃ни .ꙁ.

Аврїлїань .ѕ. лѣ(т).

Ѳакить .в. лѣ(т).

Прѡвь и Флѡрїань .в. лѣ(т) и м(с)це .в.

Кар и Каринь и Нѹмерїань .в. лѣтѣ.

Дїѡклитїань и Маѯимїань и Еркѹлїе .ка. лѣ(т).

Кѡнстантїе .в. лѣ(т).

Кѡнстантинь Великы .ла. лѣ(т). Съи великыи цр(с)твѹющїи гра(д) вь Вїꙁантїи вь свое име ѿ Рима пришь(д) сьꙁ(д)а вь .ке. лѣто своего цр(с)тва, ѿ сьꙁ(д)анїа же мира въ лѣ(т) ҂еѡлꙁ.

При семь бы(с)и великы вьселѥнскыи съборь, иже вь Никеи .тиї. б҃гоносны(х) ѿць, на Арїа б҃гоборнааго въводеща невътварь с҃на б҃жїа, и расѣцающа въ сьꙁ(д)анна и несьꙁ(д)анна єже по оци и по с҃нѣ и с҃тѣмь д҃сѣ покланꙗемое единобж(с)тво. Сѹть ѹбо ѿ г҃а нашего вьчловѣченїа до прьваго сьбора, иже вь Никеи .тїи. лѣ(т).

И скончав се сыи лѣть .ѯе. и остави тремь сыномь своимь цр(с)тво Консте и Константїнꙋ и Константїю иже и цр(с)твоваше лѣ(т) .кд.

Таже Їѹлиань по ни(х) Прѣстѹпник два лѣтѣ.

Їѹвїань лѣ(т) .а. и м(с)ць .и.

Оулентїнїань .гї. лѣ(т).

Иоуаль брать єго лѣ(т) .г.

Гратїань лѣ(т) .г.

Ѳеѡ(д)сїе Великы лѣ(т) .ѕї.

При н.мь бы(с) вторы сьборь вь Константїнѣ градѣ, .рн. с҃тхь ѿць, на Македонїа д҃хоборца Константина града, вь тварь съводещѹ д҃хь с҃ты и раꙁѣцающꙋ ничимь же мъншее семѹ вь сьꙁданна и не съꙁ(д)анна єдино бж(с)тво. Ѿстоить же вторы съборь ѿ прьвааго лѣ(т) .нв.

По семь Аркадїе .кв. лѣ(т).

Ѳеѡ(д)сїе Малыи .лг. лѣ(т). При семь бы(с)третїи сьборь вь Ефесѣ, .с. с҃ты(х) ѿць, на Несторїа, патрїарха Константина гра(д), єже по сьставѹ сьединенїе ѿмѣтающѹ на Х҃ѣ того бж(с)тва и члв҃чьства, и ю(ж) ꙗщо вь иститꙋ рож(д)шꙋю б҃а, д҃вꙋ б҃цꙋ никако же гл҃ати хотещꙋ. Ѿстоить же ѿ втораго събора третїи .ма. лѣ(т).

Маркїань .аї. лѣ(т) и м(с)ць .є. При семь бы(с)четврьтїи сьборь вь Халкидѡнѣ, .хл. с҃ты(х) ѿць, на Евѳїхїа и Дїоскора, едино естьство на Х҃ѣ прѣдающїи(х) ѕлѣ. Ѿстоить же четврьты сьборь ѿ третиїаго лѣ(т) .л.

Лъвь Великы .иї. лѣ(т).

Лъвь Малы, вънѹк єго, лѣ(т) .а.

Ꙁинѡнь, ѿцъ єго, лѣ(т) .ꙁї.

Анастасїе Дикѡрь лѣ(т) .кꙁ.

Їѹстинь Траѯь лѣ(т) .ѳ.

Їостиниань Великыи лѣ(т) .лѳ. При нѥмьже бы(с) петїи сьборь вь Константинѣ градѣ, .рѯе. с҃ты(х) ѿць, на Ѳеѡ(д)ора нѣкѡего и Дїѡ(д)ора таж(д)е Несторїева мѹдрьствꙋющї(х) и съписанми оноговам ѹтврьж(д)ающї(х), Оригена же и Дидима и Евагрїа нѣкоегѡ вѣтхыи(м) ѹбо сѹщемь баснословнаа же нѣкаа въ б҃жїю ц҃ркѡ(в) привьвести начинающи(х). Ѿстоить же петїи сьборь ѿ четврьтааго лѣ(т) .рв.

Иѹстинь Малыи .гї. лѣ(т).

Ѳиверїе .е. лѣ(т).

Маврикїе .к. лѣ(т).

Фѡка Кападѡкь .и. лѣ(т).

Ираклїе .л. лѣ(т).

Константинь, с҃нь его, лѣ(т) .а.

Ирак(л)ѡна съ м҃терїю си кѹпно съ Марѳїною м(с)це .д.

Кѡнста, с҃нь Константиновь, вънѹкь Ираклїевь .кꙁ. лѣ(т).

При семь ꙗви се срацинскы лъжепр(о)рок Моамедь.

Константіны, с҃нь Констинтиновь .кꙁ. лѣ(т). При семь бы(с) .ѕ. сьборь въ Кѡнстантинѣ градѣ, .ро. с҃ты(х) ѿць, на Сергїа и Пира и Павла, Константинѡ(м) градом начельствѹющї(х) ѿметающї(х) на Х҃ѣ, єже по коемѹж(д)о двѣю е(с)ствꙋ двѣ дѣисвѣ и двѣ хотѣчїи. Ѿстоить же петааго събора шестїи лѣ(т) .рмѳ.

Ꙋститнїань, с҃нь Константїновь, .і҃. лѣ(т).             

Леѡнтїе .г. лѣ(т).

Аѱїмарь .ꙁ. лѣ(т).

Иѹстинїань вторицею .ѕ. лѣть.

Филипикь Варданїе .в. лѣ(т).

Артѳмїе иже и Анастасїе .в. лѣ(т).

Ѳеѡ(д)осїе .в. лѣ(т).

Львь Кѡнонь Иконоборць .кд. лѣ(т). При семь Рим ѿстѹпи ѿ Грькь и о себѣ ѿтолѣ ѹдрьжа се даже и до селѣ.

Кѡнстантинь Гноеименитїи .лд. лѣ(т).

Львь, с҃нь єго, .е. лѣть.

Кѡнстантинь съ православною си м҃терїю Ириною и .еї. лѣ(т). При сихь бы(с).ꙁ. сьборь въ Никеи въторе .тѯꙁ. с҃тхь ѿць, на икѡноборце. Ѿстоить же събор сїи ѿ шестаго лѣть .рк.

Никїфѡрь дѣверь Иринь .и. лѣ(т) и м(с)ць .ѳ.

Ставракїе лѣ(т) .а. и м(с)ца два.

Михаиль Бл҃гочьстивїи два лѣ(т).

Лъвь Армѣнинь .ꙁ. лѣ(т) и мѣсець .е.

Михаиль Аморреи лѣть .и. и м(с)ць .ѳ.

Ѳеѡфїль, с҃нь єго, .вї. лѣ(т).

Михаиль, с҃нь Ѳеофїлѡвь съ матерїю си Ѳеѡ(д)рою лѣ(т) .ке., и съ Василїемь Македоно(м) лѣ(т) .а. и м(с)ць .д. При сихь ѡбнови се православїе, и с҃тые икони вь цркви въставиши се пакы. И словеса словенскаа съставише се ст҃ым Курилѡ(м). Въ лѣ(т) же ҂ѕтѯ. при тѣ(х)ж(д)е и блгарскыи начелникь Болршь вѣрова Х҃ви и кр(с)ти се сь въсѣ(м) єꙁыкѡ(м) бльгарскымь. Како же икоимь ѡбраꙁѡ(м) Бльгаре быше хр(с)тїане, да ре(ч)т се въмалѣ ꙁде. Приключи же се нѣкогда ꙗкоже имѣхѹ честїе меж(д)ѹ собою рати Бльгаре съ Грьци и плѣнише Грьци сестрꙋ начелника бльгарскаго и дрьжеше ю въ Цариградѣ въ полатѣ ѹчеще ю книѕѣ. Послѣж(д)е ю крьстише сїю. Потѡ(м) посла брать .е просити сїю ѹ ц҃ра грь(ч)скаго, и ѿпꙋсти сїю ц҃рь. Ѡна же пришь(д)ши къ братꙋ своемꙋ, и въсегⷣа ѹчеше єго хр(с)тїанствꙋ, и дивлꙗаше се чинꙋ хр(с)тїанскомꙋ. Сь же начелникь бльгарскыи и прьвѣе поѹчаемь вѣ хр(с)тїанствꙋ нѣкымь гл҃ѥмыим Кѹфара. Приключи се тогда недѹгь прокаꙁнь въ Бльгарѣ(х) и о семь ѹбоавше се, кр(с)тише се въси, нь не прѣста ѿ нихь съмртоноснаа болѣꙁнь ѡна, нь мноѕѣ(м) ѹмирающїи(м) не бѣ помощи ни единое, и скрьблꙗше велми о семь начелникыхь. Послѣж(д)е наѹчи єго сестра єго Х҃ви, и прїеть поѹченїе и абїе прѣста съмрьтоносныи недѹгь ѡнь. Оувѣдѣв же начелникь бльгарскыи, ꙗко помощїю божїею исцѣлѣше ѿ ꙗꙁвы, посла молбы въ Константинь гра(д), да пришь(д) архїереи ѿ тѹдꙋ и кр(с)тить сего. Видѣвше же сего Бльгарѣ кр(с)тивша се, пов(д)игоше се на нь ѹбити єго. Ѡн же дрьꙁнꙋвь кр(с)тиыи(м) ꙁнаменїемь, бори се и побѣди ихь, прѣ(д)хождааше бо прѣ(д) нимь крьсть. И семꙋ бывшꙋ въси Бльгарѣ хр(с)тїанство въꙁлюби(в)ше и кр(с)тише се. Иже и по си(х) послаа господинь ихь къ ц҃рци Ѳеѡ(д)ре просити ꙁемлю Бльгаро(м) ѹ Римлꙗнь, понѥже ѹтѣшнꙗахꙋ се, и прошаахꙋ ꙁаедно воинствовати съ Римлꙗни. И испльни прошенїе ихь Ѳеѡ(д)ра цр҃ца, ѿ страны бѡ глѥмые Желѣꙁные даже до Велѳа дарова сим. Влеѳь же е(с) блиꙁъ Одрина гра(д). И сїе въсе наслѣдоваше Бльгарѣ дарованїемь Ѳе(о)доре цр҃це, и именовааше Ꙁагорїе. И ѿ толѣ бы(с)мирно ѹсроенїе на (за)падныхь странах до нѣколико врѣмене съ єꙁыкѡ(м) бльгарскымь.

Василїе Македѡ(н) .ѳї. лѣ(т). При семь кнеѕь рѹшкыи Владимирь вѣрова въ Х҃а и кр(с)ти се съ въсѣмь єꙁыкѡ(м) рѹшкыи(м). Ѡбраꙁѡ(м) же сыковыи(м) Рѹси прѣложише се на хр(с)тїанство. Въ царство прѣ(д)ре(ч)еннаго Василїа Македѡна пов(д)игоше се Рѹси съ начелникѡ(м) свои(м) бранїю окрѹжити Цр҃иградь, иже и придоше съ великою силою до цр(с)твѹщаго гра(д). Ц҃рь же Василїе посла къ нимь и къ кнеѕꙋ ихь мирное ѹстроенїе искатыи сътворити на ними. Кнеѕь же прїемь посланїе ц҃рево, ѹмегчи се прѣмѹдрѣишими єго словеси, ибо мнѡгь бѣше въ таковыи(х) Василїе ц҃рь многые бо ѿ Оудеи приведе къ хр(с)тїанствѹ. И тако прѣста проче. ѿ начинанїа и приложи се къ хр(с)тїанствꙋ съ всѣмь єꙁыкѡ(м) рѹкшыи(м), и обѣщавше се кр(с)тити се просише архїереа. И посла къ нимь ц҃рь архїереа. И вънѥг(д)а ходѣхꙋ кр(с)тити се, пакы ѹныше и ѡлѣнише се, и рѣше кь архїерею: аще не ви(д)м ꙁнаменїе кое любо чюдно ѿ тебѣ, не хощемь быти хр(с)тїане. Архїереи же ѿвѣщавь рекь: простие єже хощете. Они же рѣше: хощемь да въврьжеши въ ѡгнь с҃тое еѵ(г)лїе, иже ѹчить вѣрѣ хр(с)тїанцѣ, и словеса Х҃ва, да аще съхранит се и неврѣдимо бѹдеть ѿ огнꙗ, ѹтврьдим се и мы въ хр(с)тїанство, и єлика наѹчиши на(с), ты архїерею, съхранимь сїа, и не бѹдемь прѣстѹпцици ꙁаповѣди твоеи. И рече архїереи: єлико просите, испльнит се вамь. Повелѣ, и сътворише ѡтнь велеи. Потомь вьꙁдѣвь рѹцѣ свои на нб҃ѡ и ре(ч): Хе҃ Бе҃ прослави еме свое. и абїе постави с҃тое еѵ(г)лїе на ѡгнь, и много врѣмена прѣбив въ нѥмь, не прикоснѹ се ємꙋ ѡгнь на мала. Сїе видѣвше Рѹсы, ѹдивише(с) чюдеще се силѣ Хвѣ, и тако въси кр(с)тише се.

Лъвь Прѣмѹдрыи .ке. лѣ(т) и м(с)ць .и.

Алеѯандрь, бгать его, лѣ(т) едино и м(с)ць.

Константинь, с҃нь Лъвовь .нд. лѣта.

Романь, с҃нь его лѣ(т) .г.

Никѵ̈фѡрь Фока .ѕ. лѣ(т) и м(с)ць .ѕ.

Въ лѣто ҂ѕуѯѳ. Аѳанасїе Аѳонскїе начеть ꙁдати лаврꙋ цр҃ковницꙋ.

Їианнь Цимисхїи .ѕ. лѣ(т) и м(с)ць .ѕ.

Бывають ѹбо ѿ Адама до Цимисхїа лѣ(т) ҂ѕѵпд.

Василїе Порфїрѡгень .и. лѣ(т).

Кѡнстантїнь, брать его Багрорѡⷣнын двѣ лѣтѣ и м(с)ць .аї.

Рѡмань Аргїрѡпѹль .е. лѣ(т) и м(с)ць .е.

Михаиль Пафлаг.нь .ꙁ. лѣть.

Михаиль Калафатинь м(с)це .д. и д҃ни .и.

Кѡнстантїнь Мона(х) .вї. лѣ(т) и .г. м(с)це.

Константїнь Дѹка .ꙁ. лѣ(т) и м(с)ць .ѕ.

Евдоѯїа, жена его, съ с҃нѡви своими м(с)ць .ꙁ. и мало д҃ни.

Романь Дїогень лѣ(т) .г.

Михаиль, с҃нь Константина Дѹке лѣ(т) .ѕ.

Никѵфѡрь Вѡтанїать .г. лѣ(т).

Алеѯїе Комнинь .лѕ. лѣ(т).

Їѡаннь Багрорѡ(д)ни, с҃нь его .ꙁї. лѣть.

Манꙋиль Багрорѡ(д)нїи, с҃нь его .лꙁ. лѣ(т).

Бывають ѹбо ѿ Адама до сего ц҃рства лѣ(т) ҂ѕхпѳ.

Алеѯїе, с҃нь его Багрорѡ(д)нїи .г. лѣ(т).

Андроникь Комнинь двѣ лѣтѣ.

Исакїе Агг(е)ль .ꙁ. лѣ(т).

Алеѯїе Мѹрцꙋфло д҃ни .о. И неѹстроенїю бывшꙋ въ градѣ, вьсташе ѿ въсѹдꙋ на градь, и прїеше Фрѹꙁи жрадь вь лѣ(т) ҂ѕѱї. И побѣже Алеѯїе Мѹрцꙋфло, а Фрѹꙁи градь дрьжаше лѣть немала. И вꙁ(д)ьхнѹше Грьци видѣвше въꙁмѹщѹнїе вь градѣ, и поминахꙋ попꙋ римскаго на прьвы(х) помени г҃и.

Цр(с)твова же Ѳеѡ(д)рь Великы Ласкарь лѣ(т) .иї.

Їѡаннь, ꙁеть его, .лв. лѣ(т).

Ѳеѡ(д)орь Малы Ласкарь, с҃нь его, .д. лѣ(т). Сїи же въкѹпѣ съ Фрѹгы.

Михаиль Палеѡлѡ(г) ѡте градь ѿ Фрѹгь вь лѣ(т) ҂ѕѱнѕ. и даꙗти дань Грькѡ(м) обѣщаше се.

Андрѡникь, с҃нь єго, по сьмрьти ѡц҃а своего цр(с)твова при патрїарсе Їѡсїфѣ лѣ(т) .к.

Михаиль Аꙁимитино, с҃нь єго Палеоѡлогѡвь, .л. лѣ(т).

Катакѹꙁинь ипосиглитинь, въкѹпѣ и Калоїѡаннь, с҃нь Андрѡника Палеѡлога .ле. лѣ(т).

Въкѹпѣ ѿ Адама до ꙁдѣ ҂ѕѡѯѕ. лѣ(т).

Въ таже врѣмена постиже сьмрьть и благочьстинаго господина Срьблѥмь цара Стефана въ лѣ(т) ҂ѕ҃ѡѯд де(к) .к҃. дн҃ь и҄ндїкто .а҃. крꙋ(г) слнц҃ꙋ к҃д лѹ(н) .ѕ҃і. и тремь потомь мимошь(д)шїимь лѣтѡ(м) ѿ съꙁ(д)анїаже мира.

Въ лѣ(т) ҂ѕ҃ѡѯꙁ тѹрци прѣидьше Калиполѥ и прїимиие бродь и прїеше многые страны къ ꙁападꙋ и ѿ то лѣ сътворисе съмѹщенїе и неѹстроенїе велїе и пагѹба по мѣсто(х) хр(с)тїанскыи(х) бышеже и трѹси велици по ꙁемлꙗхь таже двоимь прьшь(д)шїи(м) лѣто(м), ѿнелиже тѹрци прѣидоше Калиполѥ.

Въ лѣ(т) ҂ѕ҃ѡѯѳ погбе Момчило Периторскыи осъмь де(с)томꙋже текꙋщꙋ  съврьхꙋ осмихь стотинь къ шестїи(м) тисѹща(м) лѣ(т) ѹмрѣ цр҃ь Оурѡшъ.

Въ тоже лѣто ѹбише тѹрци кралꙗ Влькашина и Оуглѣшѹ деспота на Марицѣ се(п) .к҃ѕ.

Въ лѣ(т) ҂ѕ҃ѡпв расыпа ст҃ыи кнеѕь Лаꙁара жѹпана Николꙋ и ослѣпи его.

Въ лѣ(т) ҂ѕ҃ѡпи бы(с) ку(р)па(с)ха.

Въ лѣ(т) ҂ѕ҃ѡпѳ бы(с) Чрѣповь бѡи на Дѹбравницѣ.

Въ лѣ(т) ҂ѕ҃ѡòд помрьче сл҃нце и въ то лѣто исходи ц҃рь Мѹрать на Плочникь.

Въ лѣ(т) ҂ѕ҃ѡòꙁ бы(с) бои на Косѡвꙋ кнежи съ Амѹратѡ(м) мц(с)а іюнїа .е҃і. д҃нь. на Мѹрата ѹби и самь бл҃женꙋю кончинꙋ тѹрькь прими.

Въ лѣ(т) ҂ѕ҃ц҃а прїеше тѹрци Трьновь.

Въ лѣ(т) ҂ѕ҃цг воеваше тѹрци на влахе и краль Марко и Костадинь погыбоше.

Въ лѣ(т) ҂ѕ҃цд раꙁбыше тѹрци ѹгрьскога кралꙗ Жигмꙋнда на Никополю.

Въ лѣ(т) ҂ѕ҃це поꙁебоше тѹрци на Боне.

Въ лѣ(т) ҂ѕ҃цаі погыбе Баꙗꙁить амира ѿ Демира по(д) Ꙗнгѹрѡ(м) іюнь .к҃ѳ. д҃нь.

Въ лѣ(т) ҂ѕ҃цѕі бы(с)ꙁла ꙁыма.

Въ лѣ(т) ҂ѕ҃циі ꙁакла Мѹсїа Влька и Лаꙁара іюль .ѕ҃. д҃нь.

Въ лѣ(т) ҂ѕ҃цѳі амира Челепїа ѹбїень бы(с).

Въ лѣ(т) ҂ѕ҃цка Мѹсїа ходи на Ново Брьдо, а после испѹстивь едно лѣто расыпа бльгаре и ѡнь тож(д)е лѣто ꙁаклань бы(с) на рѣцѣ Искрꙋ.

Въ лѣ(т) ҂ѕ҃цк҃ѕ съꙁдана бы(с) Ресава и тож(д)е лѣто прѣстависе великы воевода ѹгровлашкыи ѡаннь Мирчо ге(н) .л҃а.

Въ лѣ(т) ҂ѕ҃цкѳ ѹмрѣ Балша Ꙁетскыи и ц҃рь сѹлтань рекомыи Кришчї .ѕ.

Въ лѣ(т) ҂ѕ҃цлв прѣстависе гж(д)а Мара, м҃ти деспота Гюргꙗ.

Въ лѣ(т) ҂ѕ҃цлд плѣни Амѹрата срьблѥ.

Въ лѣ(т) ҂ѕ҃цле прѣстависе деспоть Стефань господинь срьблѥмь м(с)ца іюлїа .ѳ҃і.

Въ лѣ(т) ҂ѕ҃цли прїеше тѹрци Солꙋнь.

Въ лѣ(т) ҂ѕ҃цма помрьче сльнце и бы(с) тьма и ѕвѣꙁды ꙗако въ нощи іюлїа .ꙁ҃і. вь срѣдꙋ д҃немь.

Въ лѣ(т) ҂ѕ҃цм҃е бы(с) ꙁлы пн(д)лника. И въ то лѣто попалишь ѹрги тѹрска дрѣва по(д) Крѹшевцемь.

Въ лѣ(т) ҂ѕ҃цм҃ѕ пороби Мѹрать срьблѥ и прїими Борачь и Равьницꙋ. И въ то лѣто иꙁгорѣ Скопїе и въ нѥмь много д҃шь съгорѣ.

Въ лѣ(т) ҂ѕ҃цм҃ꙁ прими ц҃рь Мѹрать Смѣдерево авгꙋ(с) .к҃ꙁ. и иꙁведе Грьгꙋра и Ѳѡмꙋ. И въ то лѣто ѹмрѣ краль Алберѳа.

Въ лѣ(т) ҂ѕ҃цми свеꙁа ц҃рь Степана и Грьгѹра и Ѳѡмꙋ на въск҃рсенїе. Тож(д)е лѣто доиде деспоть Гюргь ѿ ѹгрь ѹ Барь и ѹ Ꙁетꙋ.

Въ лѣ(т) ҂ѕ҃цм҃ѳ отиде деспоть пакы иꙁ Дѹбровника на ѹгре и прїими баша Ново Брьдо іюль .к҃ꙁ.

Въ лѣ(т) ҂ѕ҃цна ѹби Ꙗнкꙋль Меꙁить бѣга на власѣхь.

Въ лѣ(т) ҂ѕ҃цна ходи баша по(д) Бѣльградь и съꙁида Жрьновнь. И въ то лѣто раꙁби га анкꙋль на влашкои ꙁемлѥ на Ꙗлѡвице.

Въ лѣ(т) ҂ѕ҃цн҃в иꙁыде деспоть Гюргь съ ѹгри преко Дѹнава на Ꙁлатицꙋ и раꙁби башꙋ по(д) Нишемь и ѡборише тѹрци Ново Брьдо и тож(д)е лѣто плѣни егѡ Ѳаѹть и иꙁсѣче воискꙋ срьбскꙋ на Ситнице. И въ то лѣто прїими Опеть Сме(д)рево деспоть авгꙋ(с) .к҃в.

Въ лѣ(т) ҂ѕ҃цнг погыбе краль Владиславь на Варнѣ.

Въ лѣто ҂ѕ҃цне ожени се деспоть Лаꙁарь и постависе деспотѡ(м) и потресе се ꙁемлꙗ два пѹта.

Въ лѣ(т) ҂ѕ҃цнѕ ходи ц҃рь Мѹть на Мѹрею и раꙁби Ѳѡма кралꙗ Ѳѡмаша босньскога.

Въ лѣ(т) ҂ѕ҃цнꙁ раꙁби ц҃рь Мѹрать Ꙗнкꙋла на Косѡвꙋ ѡ(х) .и҃і.

Въ лѣ(т) ҂ѕ҃цн҃ѳ ѹмрѣ ц҃рь Амѹрать фе(р) .д҃.

Въ лѣ(т) ҂ѕ҃цꙁ ц҃рь Мехме(д) ц҃рьство прїемь и съгради новы градь выше Цр҃играда.

Въ лѣ(т) ҂ѕ҃цꙁа прїими ц҃рь Ме(х)медь бегь Цр҃иградь м(с)дь маїа .к҃ѳ. въ д҃нь вто(к).

Въ лѣ(т) ҂ѕ҃цꙁв пороби Ме(х)медь бегь срьблѥ и расыпа Острьвицꙋ. Тож(д)е лѣто и баша Кислинѣ плѣни искобали к Ꙗнкѡлꙋ ѹхвати.

Въ лѣ(т) ҂ѕ҃цꙁг ѹхвати Ꙗнкꙋль Фериꙁь бѣговикꙗ ѹ Крѹшевцꙋ. И въ то лѣто прїими ц҃рь Ме(х)ме(д) Ново Брьдо и Сытницꙋ съ окрьстными градовы.

Въ лѣ(т) ҂ѕ҃цꙁд ѹхвати Силагѥвикь деспота Гюргꙗ ѹ Кѹпникꙋ де(к) .ꙁ҃і. И въ то лѣто въкралисе краль Владиславь, с҃нь кралꙗ Албертѣ. И Ꙗнкѹль раꙁби ц҃рь Мехмедь бега по(д) бѣльградомь с крьстꙋши ію(л) .к҃в. и самь тож(д)е лѣто ѹмрѣть ѹ Бѣльгра(д)ѹ авгꙋ(с) .а҃і.

Въ лѣ(т) ҂ѕ҃цꙁе ѹбише ѹгри кнеѕа цильскаго Орлиха ѹ Бѣградꙋ и кралꙗ Владислава свеꙁаше. И тож(д)е лѣто прѣстависе деспотица Ирина ѹ Ꙁꙋднюкꙋ маїа .г҃. И въ тьи д҃нь побѣже Грьгѹрь и ц҃рца Мара сестра Лаꙁарѡва ц҃рю Ме(х)ме(д) бѣгꙋ на портꙋ.

Въ лѣ(т) ҂ѕ҃цꙁѕ ѹмрѣ краль Владиславь с҃нь кралꙗ Алберѳѣ. И въ то лѣто прѣстависе и деспоть Лаꙁарь ге(н) .к҃. въ пе(к) д҃немь .г҃. ча(с) нощи. И тож(д)е лѣ(т) прїими баша гра(д) Ресавꙋ маїа .і҃. ѹ срѣ(д) д҃немь .а. ѹтрѣ въꙁне(с)нїе г҃нѥ. потомже и Голѹбьць и ц҃рь Ме(х)ме(д) бегь Мѹрею при(м) и многые градовы тамо мъчю прѣдасть.

Въ лѣ(т) ҂ѕ҃цꙁꙁ бы(с) ку(р)пасха. И въ то лѣто прїеше тѹрци Сме(д)рево м(с)ца іюніа .ѕ҃і.

Въ лѣ(т) ҂ѕ҃цꙁѳ воинствова ц҃рь Ме(х)медь въ анаѳолїю и прїеть градь Синопь и тако иде на Юꙁꙋмь Хасана и въꙁвратисе на гра(д) Трапеꙁѡ(н) и въꙁеть его.

Въ лѣ(т) ҂ѕ҃цоа прими ц҃рь Ме(х)ме(д) бегь въсѹ Боснꙋ и доходи ѹ манастирь Сарандапорь на Кривои рѣцѣ и кралꙗ босньскога ѹхвати и ꙁакла. И въ то лѣто примише тѹрци гра(д) Ꙗице и прѣгнаше Мачвꙋ. Тож(д)е лѣто прѣстависе и Ѳѡма Катакѹꙁинь ию(н) .к҃е.

Въ лѣ(т) ҂ѕ҃цов пакы ходи ц҃рь Ме(х)ме(д) бегь на Боснꙋ и гра(д) Ꙗице невоꙁмѡгь ѹчети побѣже иꙁпо(д) нѥга и ѹгри ѕвѡникь ръваше и непрїеше его.

Въ лѣ(т) ҂ѕ҃цод воинствова ц҃рь Ме(х)ме(д) бѣгь на (а)рбанасѣ и плѣни и(х) и многаа множьства иꙁсѣче ѿ нихь и Скендера прогна и съꙁда тамо гра(д) рекѡмыи Конюхь.

Въ лѣ(т) ҂ѕ҃цое пакы ходи ц҃рь дрѹгыи пѹть на арбанасѣ и плѣни Томорницꙋ.

Въ лѣ(т) ҂ѕ҃цо҃ѕ ходи Ме(х)ме(д) бегь на Карамана и раꙁби градь Гавалꙋ и инїе многые градовы тамо.

Въ лѣ(т) ҂ѕ҃цои прїими ц҃рь Ме(х)ме(д) Негрипа.

Въ лѣ(т) ҂ѕ҃цоѳ бы(с) гладь и сѹша помѣсто(х), ꙗко мнѡгаа стрѹлѡ(м), м(с)ца ге(н) .к҃в. И въ то лѣто воинствова ц҃рь Ме(х)медь на юꙁꙋмь Хасана и тамо ꙁагыбе баша романїискыи Хас Мѹра(т) и инїи мноꙁїи съ нимь на рѣцѣ Ефратѣ авгꙋ(с) .д҃. въ срѣ(д) д҃немь.

Въ лѣ(т) ҂ѕ҃цпв ходи баша на Скь(д)рь и непрїега. И тож(д)е лѣто ѹби га воевода мовдѡлскыи на своеи ꙁемли.

Въ лѣ(т) ҂ѕ҃цпг примише тѹрци Кефꙋ.

Въ лѣ(т) ҂ѕ҃цпд ходи ц҃рь Ме(х)ме(д) бѣгь на Стефана воеводꙋ мовдолскога, и раꙁби га тамо и въꙁвращесе отѹдꙋ раꙁби витежкꙋ трьпеѕꙋ на Дѹнавꙋ.

Въ лѣ(т) ҂ѕ҃цпе прѣстависе деспоть Стефа(н), с҃нь деспота Гюргꙗ, ѡ(х) .ѳ҃.

Въ лѣⷮ ҂ѕ҃цпꙁ ходи ц҃рь Ме(х)ме(д) бегь на Скь(д)рь и мнѡгые къꙁни градоратные на нѥмь съдѣлавь и стѣни ниꙁложивь и воинство бесчислѣное погѹбивь невъꙁможе посилѣ его прѣети нь съмиривсе ꙁбнетци потѡ(м) иѹтькмивь пролѣтїю, прѣдають емꙋ сего крѡмѣ жиѳелѥи и потрѣбь сѹщїи(х) иѥже въ нѥмь.

Въ лѣ(т) ҂ѕ҃цпѳ ѹмрѣ ц҃рь Ме(х)ме(д) бегь прѣко Мора прѣшь(д) съ воинствѡ(м) м(с)ца маїа .г҃. въ че(к) д҃немь .в҃. ча(с) д҃не. Баꙗꙁить с҃нь его прими цр(с)тво м(с)ца тогож(д)е .ѳ҃і. въ сѹ(б) д҃немь и Чема братаси прогна.

Въ лѣ(т) ҂ѕ҃ц҃ò посла ц҃рь Баꙗꙁить Ахмать башꙋ на Чема и прогнага иꙁь Анатолїе и тож(д)е лѣто ѹдавлѥнь бы(с) Ахмать баша ѿ ц҃рь Др҃нополю де(к) .ѕ҃.

Въ лѣ(т) ҂ѕ҃ц҃òд раꙁбише мисиране Анатолїю. И тож(д)е лѣто скончасе Влькь деспоть наре(ч)нныи Грьгѹровикь на ѹгре(х) апри(л) .ѕ҃і.

Въ лѣ(т) ҂ѕ҃ц҃òе ꙁагѹбише тѹрци Дмитра Ꙗкшикꙗ на Сме(д)ревскыи(х) вратꙗ(х) .ѡ(к). .ѳ҃.

Въ лѣ(т) ҂ѕ҃ц҃òѕ ѹбише аравланѣ и мисиране ц҃ра Баꙗꙁита воискꙋ на своеи ꙁемли. Тож(д)е лѣто прѣстависе и бл҃гочьстиваа ц҃рца Мара дѣспота Гѥргꙗ дъщи ѹ Ежевꙋ м(с)ца се(п) въ пе(к) д҃не(м). И тож(д)е лѣто прѣстависе игѹмень сарандапорскыи ку(р) Арсенїе.

Въ лѣ(т) ҂ѕ҃цòꙁ м(с)ца генара Баꙗꙁить иꙁбѣже ис полаты своее и стоꙗти нѣколико д҃ни ѹ периволи докле прѣста трѹсь.

Въ лѣ(т) ҂ѕ҃цòи м(с)ца априлїа .е҃. ѹ пне(д)елникь великьи д҃немь ѹмрѣ краль великыи ѹкрьскыи Маѳеашь ѹ великем Бечю с҃нь Ꙗнкꙋлѡвь. И тож(д)е лѣто быше грѡмове велици по ꙁемлꙗ(х) и мноѕѣ(х) ч҃лвцѣ(х) ѹби грѡмь и Цр҃иградꙋ треснꙋ кюкю гро(м) ѹ не(д)лю д҃немь ѹ кое стоехꙋ билїалѹ бардна и много люди поби онаꙁи ц҃ркви до .е҃. тысѹщь людїи и веще.

Въ лѣ(т) ҂ѕ҃цòѳ иꙁыде ц҃рь Баꙗꙁить съ воинствѡ(м) до Македонїе и стоꙗ три м(с)ца въ градѣ Фїлиппꙋсѣ и пакы распѹстивь вое въꙁвратисе въ Цр҃игра(д).

Въ лѣ(т) ҂ꙁ҃ иꙁыде ц҃рь Баꙗꙁить пакы съ воинствѡ(м) и стоа кѡ(н) гра(д) Сардакїе глѥмїи Софїа .е҃. не(д)ль и ѿтѹ(д) пошь(д) плѣни арбанасе рекомїи кѹрелеши.

Въ лѣто ҂ꙁ҃е побѣже Гюргь Црьноевикь къ Дꙋждꙋ ц҃рю и бы(с)съ нимь лѣто едино и видѣвь тѣ(х) прѣлъсти и скврьнꙋю вѣрꙋ ихь и многою хытростїю пакы тѣ(х) иꙁбѣгь прїде къ ц҃рю Баꙗꙁитꙋ и прїмига съ радостїю и да(д) емѹ воевѡдство въ Анатолїи.

Въ лѣ(т) ҂ꙁ҃ѕ плѣнише тѹрци рѹшкꙋ ꙁемлю.

Въ лѣ(т) ҂ꙁ҃ꙁ поѕебоше т(ꙋ)рци на рѹшкои ꙁемлѥ ꙗко неꙁнатисе чи са(м)ѡ ѿѹ(с)мершїи(х) прѣко Дѹнава. Въ тож(д)е лѣто прими ц҃рь Баꙗꙁить Ене бакти.

Въ лѣ(т) ҂ꙁ҃и прїими ц҃рь градове Моѳꙋнь и Кѡрꙋнь.

Въ лѣ(т) ҂ꙁ҃ві бы(с) ꙁла ꙁима и дрьжа .еі҃. не(д)ль.

Въ лѣ(т) ҂ꙁ҃ѳі иꙁыде Ахма(т) соржїи и иꙁдавы множьство хѹсареи.

Въ лѣ(т) ҂ꙁ҃ꙁі бы(с) сѹша и гладь и тѹга. И въ то лѣто бы(с) трѹсь великь въ Цр҃иградѣ ꙗко и великыи(м) стѣнамь пастисе и храмомь и мноѕїи чл҃вци побїены быше ꙗко числѹ неꙁнаатике и самомѹ ц҃рю Баꙗꙁитꙋ иꙁбѣгнꙋти ѹ Дрѣнополѥ и съгнавь ꙁемлю съ великою нѹж(д)ею и съгради опеть градь.

Въ лѣ(т) ҂ꙁ҃иі быше прꙋси и гѹсѣнице бесчисла по мѣсто(х) моорскыи(х)