вь ть(ж) (д) ст͠хь м(ч)никь Назарїа, Гервасїа, Протасїа и Келсїа.
ве(ч) на г͠и вьзва(х). ѡ(с) с(х) ѕ͠ и пое(м) ст(х)ры гла(с) ѕ͠.
Живꙋщи по сьмрьти Параскевїе прѣблженнаа. посѣщаеши вьсѣ(х).
вѣрою притекающимь кь рацѣ твоеи. ѿ люти(х) покриваеши стр(с)ти вьсег(д)а.
ѿ бѣдьи избавлꙗющи. тишинꙋ житїа вѣрно сьставлꙗющи, подаеши молитвами си.
ѿ бѣсовьскаго нахож(д)енїа. сп(с)аеши чтꙋщее паме(т) твой благовѣрно с͠͠тꙋю.
и ѿ б͠͠͠а прощенїе подаеши сьгрѣшенїемь⁖~
Аг͠гль земльнїи на земли ꙗви се. житїе беспльтно вь земльнѣмь тѣлѣ ꙗвила се еси.
ѿца бо и м͠тере далѣче избѣшиїи. ричета се женихꙋ своемѹ. вь чрьтозѣ нб(с)нѣмъ б͠гоневѣстнаа.
живѹщи вь Каликрати, имаши селенїе крѣпко. идеже исцѣленїе подаеши,
прибѣгающии(м) вѣрно. чюдесемь блг(д)ть вьсѣмь истачаеши⁖~
Древле ѹбо истачаеши. їсрл͠тѣномь манꙋ, вь днь паче же имать ч(с)таа твое име, сѹгꙋбо
бываше пшеници раз(д)анїе. числомъ вьзимающимь (н͠нꙗ) нб(с)наго вь твоеи памети прїемь
Параскевїе славнаа. просеще бл͠г(д)ти. блгодаренїа чюдеса. по(д) кров ти ч(с)таа.
сладость д͠ши имамы, и сп(с)енїа ꙋлꙋченїа⁖~
ины ст(х)ры мꙋченикѡ(м) гла(с). д͠.
... сл(ав) и н͠нꙗ б(о) на ст(х)нѣ в ѡ(х).
Слава с͠тѣи гла(с). и͠.
Богатство ѡбрѣте неиж(д)ивѹщѥе цар(с)твѹющїи гра(д) н͠͠нꙗ многобогатное.
мирꙋ ковчегь неисчрьпаемь. воды исцѣленїа вьсѣмь истачающи.
и чюдесемь блг(д)ть нескѹднꙋю. тако прослави прпо(д)бнїе г͠ь.
тако земле тое блгодарнїе дасть. вь ѡбрѣтенїе еѥ :~
и н͠нꙗ б(о)
на у(т)рни б͠ь г͠ь тро(п) гла(с). и͠.
О тебѣ м͠ти извѣстно сп(с)е се еже ѡ по образꙋ. приѥмши бо кр(с)ть послѣдовала еси х(с)ѹ.
творещїи ꙋчаше еже прѣзирати пльть прѣходит' бо. попещи ж се ѡ д͠ши, вещи бесьмрьтнѣи.
тѣмже и сь аг͠гли веселит се д͠хь твои.
м(ч)никомь гла(с) д͠. М(ч)ници твои г͠и иже вь⁘
Канѡ(н) в ѡ(х) и с͠тѣи гла(с) и͠.
пѣ(с) а͠͠. їрмо(с) Водꙋ прошь(д) ꙗко⁘
Ликѹющи м͠ти на нб(с)ехь. и своемѹ женихꙋ прѣ(д)стоющи пр(с)но
сь аг͠глы пр(о)кы ап͠лы и сь женами прпо(д)бными м͠ли се :~
Пость вьзлюбивши ч(с)тотѹ и смѣренїе д͠во. и б͠а истиннаго вьзве(с)ли.
семꙋ за вь(с) мирь непрѣстаи молещи се ⁘
Радостныи ти гла(с) прїиде на землю. м͠лбꙋ м͠ти ч(с)таа.
и радости испльни се. сего пѣсньми за ни молещи⁘
(богородичен)
Чины те аг͠гльстїи земльны(х) безневѣстнаа д͠во хвалеть непрѣстанно.
зиж(д)ителꙗ б͠ои(х) ꙗко младенца, на рꙋкѹ своею понесла еси.
пѣ(с). г͠. їрмо(с) Ты еси ѹтврьж(д)енїе притека⁘
Испроси б͠гоневѣсто Параскевїе х͠ва славнаа.
грѣхѡ(м) прощенїе подати вѣрно хвалещим те :~
Бѣгающи ꙋдали се вь пѹстинꙗхь и в гора(х).
пр(с)но и вь врьтпа(х). м͠ти б͠ѹ ѹгож(д)енна бы(с) :~
Ѻбрѣте еже люблꙗше ѿ д͠ше прч(с)таа Параскевїи.
вь широтѣ пꙋстинные, скровище потаенное.
(богородичен)
Тебе вьси стежахомь прибѣжище и стѣнꙋ. нашꙋ хрїстїане.
и те славымь немльчно безневѣстнаа:
сѣ(д) гла(с) .а͠.
Непорочнаа агница и чьстна г͠вї сьчета се таино вь ч(с)тѣ житїи.
добротою б͠гомь даннꙋю ти. себе ꙋкрасивши. тѣмже прїеть исцѣленїю блг(д)ть.
ѹбрачꙋющи стр(с)ти. притекающим ти силою д͠ховною.
сѣ(д). гла(с) тьж(д)е
Тьщанїем си званїе сьтвори именован'но. и тьзоименитѹю славꙋ твою вьселенїе.
нар(ч)е се Параскевїи прѣпо(д)бнаа. тѣмже точиши исцѣленїа и м͠лиши се за д͠ше наше⁘
пѣ(с). д͠. їрмо(с) Ѹслишахь слꙋ(х)⁘
Нескврьно зрьцало с͠то. помысломь себе сьтворши.
ꙗко с͠тыло пр(с)но сьвтеще. посрѣ(д) постьникь прѣславнаа:~
Тѣлесное горѣнїе, сл͠нчное попаленїе пожеже.
любовїю жениха своего, мраза стѹднаго погрѣла еси:~
Вьсенощными мл͠твами. и крѣпкыми стоанїи.
прѣблаженнаа тимѣнїа пльти ѹведила еси, движенїа прѣб͠лженаа
б(о)
Б͠а егоже родила еси ч(с)таа. д͠выце сего м͠ли.
рабо(м) си даровати прѣгрѣшенїемь ѡставленїе⁘
пѣ(с). е͠. їрмо(с) Ѹтрьнꙋ⁘
Дни прѣдпрїетїю, свѣдещи.
желанїю не спо(д)би бранолюбца дем(о)на:~
Мне прѣделѣти, твоеи любве чистоти.
нь смѣхꙋ показа се. кьзньми прѣлꙋкавими:~
Погребоше ти тѣло ꙗкоже тлѣемо.
ты же ꙗко беспльтнаа. поживе б͠гоневѣстнаа:~
(богородичен)
Д͠вꙋю по рож(д)ьствѣ поем те б͠це.
ты бо б͠а слова пльтїю мирѹ родила еси⁘
пѣ(с). ѕ͠. їрмо(с) Ѻцѣсти ме сп(с)е:~
Мирьскые мльви и злые попрала еси. мира сьдѣтелю прѣ(д)стоеши.
вьзлете крилома златоѹкрашеныма ти. трѹдѡ(м) пощенїа м͠лтвами си б͠гобл͠женаа⁘
Б͠гоѹгож(д)енїа житїю. прч(с)таа ꙗко дара с͠щена. ѿчьствꙋ прѣдаеть,
твое до(с)славнаа. кь западꙋ пришь(д)шѹ. житеискые вьсеславнаа:~
Несказанно житие, из мла(д) вьзьж(д)елѣвшии. неви(д)мїе пльти вь земли по тленїїе
вьсхоте вьсеч(с)таа. нь ѹдивлена бы(с). б͠ꙋ ꙗвльшѹ се⁘
(богородичен)
Да избѹдемь ѿ литыи(х) прѣгрѣшенїи м͠лтва ти б͠це ч(с)таа.
и да ѹлꙋчимь прч(с)таа б͠жїе сїанїе. ис тебе неизре(ч)нно вьпльщенаа⁘
ко(д). гла(с) .г͠.
С͠тѹю вьси застꙋпницꙋ сѹщꙋю вь бѣда(х), бл͠гоч(с)тно вьспоимь:
Параскевїю с͠тѹю. та бо житїе ѡставльши нетлѣемо прїетова вь вѣкы.
сего ра(д) славѹ ѡбрѣте чюдесемь. б͠лг(д)ть б͠жїемь велѣнїемь:~
икѡ(с):~
Чюдесемь источникь ѿврьзе се. прїидете вь си почрьпе(м) н͠нꙗ
води точьщи исцѣленїю: ибо с͠таа точить цѣ(л)бы.
едина бо ꙗви се сїае чюдеси, прѣславно вьсѣмь.
б͠ь бо сїю спо(д)бы ꙗко при(с)нѹ рабѹ емѹ сѹщꙋю.
ѡбрѣте чюдесемь б͠лг(д)ть б͠жїемь велѣнїемь:~
м(с)а того .д͠ї. стр(с)ть с͠тыхь м(ч)никь ...
вь тьж(д)е д͠нь с͠того м(ч)ка Силвана презвитера⁘
вь тьж(д)е днь с͠тые и прпо(д)бные Параскевие⁘
пѣ(с) .з͠. їрмо(с) Дѣти евреискые⁘
Заиде ꙗко сл͠нце прпо(д)бнаа просвѣщааше чюдесемь
вѣрою топлою и любовїю поющи(м) бл(с)вен' б͠ь⁘
Испльнивь се страны твое б͠лгоꙋханїа. вь ѡбрѣтенїи мощем' ти.
вѣрно вьпити повелѣваеши прпо(д)бнаа. бл(с)вен' б͠ь⁘
Ѻбрѣте се м͠ти хромимь. исправленїе ногꙋ болѣвшꙋю
и скакае зовы и вьпїаше немлчно бл(с)вень б͠ь ѿ͠ць наши(х):~
(богородичен)
Се юже проре(ч) д͠вꙋ д͠хомь великыи Їсаїа. вь чрѣвѣ б͠а зачеть
и раж(д)аеть. бл(с)вень прч(с)таа пло(д) твоего чрѣва⁘
пѣ(с) .и͠. їрмо(с) Ц͠ра нб(с)наго егоже по:~
Ѹкрѣплена ѹмомь. беспльтныи(х) желанїемь.
тѣло божьстьвнаа вьдасть постꙋ и живеши вь все вѣкы:~
Прѣбогата вь жена(х) бл͠женаа ꙗви се,
поаше творцꙋ и те прѣвьзносимь⁘
Сѹщꙋ раслабленомѹ вь лѣта многа ч(с)таа,
исцѣленїе пода(с) вь недꙋзѣ те поаше прпо(д)бнаа вь вѣкы все⁘
(богородичен)
Сьшь(д)шаго сь нб(с)ь. и вь ложесна д͠вычь(с)каа вьселша се.
поите и прѣвьзносите⁘
пѣ(с) .ѳ͠. їрмо(с) Вь истинꙋ б͠цꙋ те⁘
Не прѣстаи м͠лещи се м͠ти прпо(д)бнаа. избавити ѿ бѣдь раби свое.
ѿ д͠ше поющи(х) те и величающи(х)⁘
Красота д͠вцамь ꙗви се и прпо(д)бныимь. ꙗко аг͠глскомꙋ житїю поревнова.
нь непрѣстаи м͠лещи се ѡ ѿчьствѣ своемь:~
Сьчета се сь беспльтныими ликованїи. и вл(д)цѣ прѣ(д)стоиши.
ра(д)ующи се сь мѹдрїими д͠вами. семꙋ н͠нꙗ молещи се⁘
б(о)
Радости и ве(с)лїа испльни, д͠вце, ꙗко прїемлши вынꙋ радо(с).
ты бо источи истовое всѣмь радованїе⁘
свѣтїлна:~
Сьбравшше(с) ѡ б͠зѣ х͠олюбци. ви(д)мь ѹкрасованнꙋю стр(с)тьми
днь(с) прпо(д)бнꙋю х(с)вꙋ Петкѹ. на нюже х͠с из мла(д) вѣн'ць положи.
и вѣнча мꙋдромь г͠и⁘
на хва(л) ст(х)ры с͠тѣи гла(с) .и͠.
Грѣдете вьси б͠гомѹдрїи, ѿ земле далечнїе. и к' рацѣ прикосновше се прпо(д)бные.
и пощенїа своꙗ ѿ д͠ше просещи. ѡ воз(д)равїа ѿ стр(с)ти различны(х).
дрꙋгїим же грѣхомь прощенїе. инь же кь б͠ѹ прїѡбрѣтенїе мл(с)ти.
и вссакои вещи на пользꙋ нашемꙋ испльненїю:~
инь гла(с) .в͠.
Пощенїа пѹть вьспрїем'ши. житеискїе любве избѣже Параскевїи славнаа.
ѡво бо сь мѹдрїими д͠вами. свѣтоноснаа вьниде вь дворь г͠а своего.
ѡво женихꙋ ѹневѣстивши се, истачаеши исцѣленїа. притекающи(х)
ѿ д͠шевныи(х) недѹгь избави. кь б͠ѹ м͠лтвами⁘
Многы грѣхы и стр(с)ти попра. стр(с)ти постра(д)вши вьсеславнаа Параскевїи.
мѹжски ꙋпо(д)би се. и демонскꙋю дрьжавꙋ ꙗко пра(х) растаала еси.
ѡбразомь кр(с)та противнїка побѣдила еси⁘
сла(в) и н͠нꙗ гла(с) .ѕ͠. самогл͠сно
Надеж(д)ею х(с)вою и вѣрою вьзмогши. стежанїа родителна избѣгши.
сь беспльтными ликѹеши прпо(д)бнаа. тѣмже исцѣленїа точиши по сьмрьти.
твое мощи показа сь вьсакомь б͠лгоꙋханїемь. вонꙗми испльни х(с)е.
тебе дарова егоже вьзлюби, и его вьж(д)елѣ. и тьи те ꙗви, тѣмже сьмиренїе
своемѹ мирꙋ испроси. и стадꙋ твоемꙋ. ѿ х͠а б͠а велїю м(лс)ть⁘
на лїтꙋргї слꙋ(ж) прпо(д)б сїи(м).
Служба за св. Петка Търновска в ръкопис Дечани № 6 от края на ХІV в.