Рѡ(д)словіе с҃ты(х) срьбскы(х) госпѡ(д) и хтиторь бывшінхь
Въ врѣмена же ѡна м(ч)телскаа, сьдрьжешіимь вьсꙋ вьсел.ннꙋю ꙁлочьствіимь и великынмъ царемь сверепіимь, въ Рымѣ ѹбо цр(с)твѻющꙋ Маѯиміанꙋ м(ч)телю, на въсточнои же странѣ цр(с)твꙋюшꙋ Галꙋ Маѯіміанꙋ. Посрѣ(д) же тѣ(х) цр(с)твꙋющꙋ Ликініанꙋ м(ч)телю и нечьстивомꙋ сѣверными и ꙁападніими сктранами.
Н что по сы(х) бываеть?
Въсꙗваеть блгочьстива вѣтвь, ѡ(т) корѣнѣ б҃лгочстиваго велми, просꙗвшꙋ вь блгочестіи великомꙋ вь хр(с)тꙗне(х) ц҃рꙋ Костантинꙋ, Сь же б҃лгочьстивіи ц҃рь Константинь присваꙗеть кь себѣ цара Ликініана, вьда(с) емꙋ сесктрꙋ свою Костантинію вь женꙋ емꙋ. Тогда же г҃ь госпо(д)ствꙋющін(м) и ц҃рь царствꙋющін(х) вьседрьжавною своею десницею вьрꙋчаеть скѵптро цр(с)твіа велисомꙋ ц҃рꙋ Костантинꙋ. Семꙋ же просꙗвшꙋ б҃лгочьстиꙗ лоꙁѣ ѡ(т) корѣне и племена рашкаго го(с)подтва и сьродства Авгꙋста кѥсара. При нѥ(м)же роди се г҃ь нашь к҃ х҃с.
Бы(с) же ѡ(т) рож(д)ьства Х(с)ва до б҃лгочьстиваго ц҃ра Костантина т҃м. [340] лѣ(т) и ц҃рь Нсклѣнинь, ѡ ни(х) же писаниꙗ скаꙁꙋють въ книга(х) цр(с)кы(х), кто ѡ(т) ни(х) каково жит. прѣшь(д), сконча се.
Сь же Костантинь бы(с) мꙋжь б҃лгонравнь и кротькь, пособѣ родꙋ хр(с)тианскомꙋ. Семꙋ же сꙋщꙋ и еще дѣтищꙋ, ег(д)а вьрꙋчено емꙋ бы(с)ть скѵптло цр(с)твіа, и абїе тогда ѹстрьми се на стрица своего ц҃ра Маѯентіа вь Римь. Нь и ть ѡпльчает се прѣмо емꙋ, надѣе се на бѣсы свое лꙋкав. и на тисꙋще воевь свои(х). И многіими корабми прѣхждѣ рѣкꙋ, г҃лѥмꙋю Тігрь. потом же бы(с) сьнитію ратномꙋ вь страна(х) Виѳінінскы(х).
Въспрѥмшꙋ же Костантинꙋ велико дръꙁновен. ѡ(т) ꙁнаменꙗ, ꙗвльшаго се емꙋ на н҃бси. Вь сиѣ видѣ обраꙁь ч(с)тнаго кр(с)та, прѣсвѣтліими ѕвѣꙁ(д)ами , крашень. И гла(с) сь н҃бсе бы(с), гл҃ѥ: „Црꙋ Костантине, сымь ꙁнаменіемь побѣдиши врагоы свое.” Тогда исчеꙁоше вьси бѣсове Маѯентіеви. Воини же Костантина исѣкоше многы тисꙋще вои Маѯентіеве(х). Нин же бѣгствꙋ вьдаше се и повинꙋше(с) ц҃рꙋ Костантинꙋ. Ꙍкааннын же ц҃рь Маѯентіи и сьи бѣгствꙋ себе вьда(с) и кь своемꙋ гра(д)у ѹстрьми се. При нѥ(м) же мостꙋ испровьгшꙋ се и томꙋ въ тои рѣцѣ погреꙁьшꙋ.
Сꙗ же видѣвь, иже тог(д)а на вьстоцѣ цр(с)твꙋен, Галъ Маѯіміань, подвигы великые по(д)виꙁаеть на ц҃рство Маѯентиево и на бл(с)гочьстиваго ц҃ра Костантина. Ꙋстрьми же се ц҃рь Костантинь сь вои своими, нмѣе сь собою ꙁета своего ц҃ра Ликініана воююща. И ѡпльчает се на цара Маѯіміана. И сь же, имѣе сь собою множьство многь тисꙋщь вои свои(х), и бы(с)ть сьнитію ратномꙋ вь страна(х) Виѳінінскы(х). Воини же ц҃ра Костантина исѣкоше мнѡгые тисꙋще вои Маѯентиевѣ(х). Цр҃ь же Маѯіміань на тои брани сьврьжень бы(с) с конꙗ своего и вь ѹжасѣ велицѣ бывь, сьнимаеть сь глави своеѹ цр(с)кыи вѣнца. И ѡставивь вьсе и ѡ(т) вьси вь вьсь бѣгае. Н въ нѣкое вьси прибѣгнꙋвь вь храминꙋ, посрѣ(д) храмини тое падаеть, лютѣ иꙁнемагаеть. Исхож(д)бо иꙁь ꙋсть его пламень огьнны, и многіимь чрьвемь кипещіимь по вьсѣ(х) конць ѹдѣ(х) его. И ѡчи его искочиста ѡ(т) мног. лютости. И тако вьспр(т) конць ѡкаанномꙋ своемꙋ житію. И тогда по вьсеи ꙁемли не ѡбрѣте се мꙋчителстно.
По семь великыи въ хр(с)тꙗне(х) ц҃рь Коснаттинь поставлꙗеть ꙁета своего Ликїніана цр(с)твовати вь Риме и вь всѣ(х) страна(х) ꙁападны(х). Самже цр(с)твꙋеть вь вьсточни(х) страна(х).
Ликініан же въ томь цр(с)твѣ мало прѣбы(с) вь бл҃говѣріи, прѣложи се на идолослꙋжен. и начеть мꙋчити рѡ(д) хр(с)тіансы.
Цр҃ꙋ же Костантинꙋ сьтворшꙋ шьств. на восточнꙋю странꙋ сь м҃терію своею еленою вь гра(д) Виꙁантію. Въ иже гра(д) ц҃ра Костантина б҃гомь дарованныи емꙋ вьсакыми б҃лгодарѣніи мꙋжескымь и б҃лгонравніими ꙁаконы цр(с)кыми ѹкрасивь и вьсѣми ꙁаконоположеними ѹтврьдивь, нарицаеть вь свое име ц҃ри градь Костантиновь.
Тогда ц͠рь костантинь посла вь Іерꙋсалимь м͠терь свою Еленꙋ на вьꙁыскан. ч(с)тнаго кр(с)та Х(с)ва. Ꙍна же шь(д)ши и обрѣте его и принесе его вь Цр͠иградь сь сьсѣми прѣславными х(с)вѣми ꙁнаменми.
Костантіа же, сестра Костантина ц҃ра, жена Ликініана ц҃ра, роди с҃на, емꙋже власы быше белы врь(х) глави. И нарекоше име емꙋ Бела Ꙋрѡшь. Роди же и дьщерь, именемь Филимінію, вь с҃тмже кр҃щеніи наре(ч)нꙋю Ирынꙋ. И тои ч(с)тнѣи д҃вици и добропобѣднои м(ч)ници быти ен, ꙗко ѡ(т) мт(с)елства иꙁве(д)неи ѡ(т) стльпа трапеꙁар. и ѡ҃цꙋ ее ц҃рꙋ Ликініанꙋ сію нꙋдещꙋ посагнꙋти кь лракꙋ. Ꙍна же не вьсхоте того сьтворити и вьꙁненавидѣ ѡ҃ца своего. И ѡ(т)врьже се ѡ(т) вьсѣ(х) боговь. Паче же иꙁволи ѹневѣстити се вьсеч(с)тномꙋ своемꙋ Хꙋ(с).
Ѡ(т)ц҃ь же ее Ликініань начеть мꙋчиті ю многыми раꙁличніими. Повелѣ иꙁвести ю кь ѡгньнои колѣсници и на вьсенарѡ(д)ное поꙁорище и прѣбиті ю вь ꙁнакь, ꙗко да тѣми попрана бꙋде(т) и ꙋмреть.
Тог(д)а стоещꙋ Ликініанꙋ на всенарѡ(д)но(м) поꙁорищи, единь конь ѡтрьже се ѡ(т) колесници и ꙋстрьми се на ц҃ра и ѡ(т)трьже емꙋ деснꙋ рꙋкꙋ и бы(с) ц҃рь ꙗко мрьтвь. Прѣ(д)стоещи же нарѡды ѡ(т)гвоꙁдышеи с҃тꙋю м(ч)ниц̄ Ирынꙋ ѡ(т) колѣснице и гл҃ахꙋ ен: „Ꙍ, д҃во, вьꙁри и виж(д)ь о҃ца снвоего ѹмрьша”. Ꙍна же, вьꙁьмшїи рꙋкꙋ ц҃ревꙋ ѡ(т)трьженꙋ и положі ю на мѣсто. Н пом҃ли се кь б҃ꙋ и сьтвори его ꙁ(д)рава.
Сіа же д҃ваа и добропобѣдна м(ч)нца х(с)ва многа чю(д)са и прѣславна ꙁнаменꙗ сьтвори вь градѣ Амасіисцѣмь и вь градѣ Магдаліинскѣмъ, ѡ(т) нѥго же Магдалины марꙗ мнѡжство нарѡда приведе вь вѣрꙋ Хв(с)ꙋ ꙗко р҃л. тьмь.
Ѥже Костантинь начеть посилати кь своемꙋ ꙁетꙋ Ликініанꙋ иꙁьбраниіе слꙋгы свое, ѡвогда и прѣте емꙋ, и книгы вьсписꙋе, ꙗко да прѣстанеть ѡ(т) мꙋчителства. Ликініа же не вьсхоте того сьтворити. Тог(д)а посла ц҃рь Костантинь вое свое прѣселити ꙁета своего Ликініана ѡ(т) Рима вь гра(д) Солꙋнь, некли м(ч)телство ꙋстрьмившꙋ се. И бывшꙋ емꙋ на рѣцѣ Дꙋнавсцѣн и тѹ мꙋчи великые вь м(ч)нице(х) Ермила и Стратоника, ихже вь синаѯари ѡбрѣщеши. Мꙋчи же и ини(х) множство, и(х)же имена вь книга(х) животны(х). Цр҃ь же Костантинь, видѣвь ꙁета своего непрѣборимое мꙋчителство на хр(с)тіанѣ(х), повелѣ же ц҃рь Костантинь ѡ(т)сѣщи главꙋ Ликініанꙋ мꙋчинтелю.
Сіа же видѣвь с҃нь его Бела Ꙋрошь и вь велицѣ страсѣ и ѹжасѣ бывь и себе бѣгствꙋ вьда(с). Бѣгльць бы(с). И пріидѣ кь тврьдѣи ꙁемли ꙁападнъи Ꙁахльмію. И бракꙋ себе сьчета женитвѣ и вьꙁеть дьщерь франчьскаго кралꙗ, именемь Анꙋ. И роди сь сꙋпрꙋжницею своею Анною в҃. с҃на, имже имена сѹть - прьвомꙋ Техомиль, в҃. мꙋ Іюдомиль. И сы сьтворише ц҃рковь вь дрѣвесе(х) вь име с҃тго прьвом(ч)ниа Стефана вь помощ[ь] себе. Тога велеречивіи людіꙁемли то. вь велѣхвалнои своеи грьдны и блѣдословіи, сіи рѣ(ч) вь поношеніе и ѹкориꙁнꙋ, симь нарекоше Іедомила еп(с)кпа, а Техомила попѡмь.
Техомилже родіи д҃. с҃ны, вьсачьскыми добродѣтелми ѹкрашеніи и храбрьствомь и мꙋжствомь, имже имена сꙋть сіа: Ꙁавида, Срацимирь, Прьвосльвь, Стефань Неманꙗ.
Вънѥгда быти емꙋ вь раꙁꙋмѣ мꙋжа сьвьршена и вь всѣмь добл.стьвнаа, ѡ(т)врьꙁота се емꙋ д҃шевн. очи видѣти и поꙁнати с҃тꙋю троицꙋ, ѡ҃ца и с҃на и с҃тго д҃ха славити вь единомь бж(с)твѣ. Також(д)е истинно пѣти и покланꙗти се прѣч(с)тфи б҃ци, сꙋщои м҃тери г҃а нашего Іѵ(с) Ха҃ и вьсѣ(м) с҃тымь о Хе҃ ѡправдавшіимсе а(с)плѡ(м) и пр(о)ркѡмъ и м(ч)нкѡ(м) и вьсѣмъ, иже вь православнъи вѣрѣ просꙗвшіимь, ихже с҃таа православннаа и сьборнаа и ап҃лскаа ц҃рковь повелѣваеть прославлꙗти и те(х) вь м҃лтвꙋ кь севѣ приводити. И ѡпльчив се, приходить прьвѣе вь ц҃рковь с҃ты(х) и васехвалны(х) ап(с)ль Петра и Павла, иже ѥ(с) посрѣ(д) Раса. И тѹ прѥмлѥть архѥп(с)кпа кь(р) Леѡнтꙗ, въꙁрастомь си л҃. лѣтнь. Таже начеть ꙁа(д)ти с҃тые и бж(с)сти. ц҃рквы.
а. Прьвꙋю сьꙁ(д)авь ц҃рковь с҃тго великом(ч)ника Геѡ(р)гꙗ вь Расе, ѡ(т) два стльпа на высоцѣ мѣстѣ.
в҃. Вторꙋю сьꙁда ц҃рковь с҃тго и скораго помощника ѥрарха Х(с)ва Николи в Топлици.
г҃. Третію ц҃рковь сьꙁ(д)а хра(м) прѣс҃тѣи б҃ци прѣма рѣцѣ Косанице.
д҃. Четврьтꙋ сьꙁ(д)а ц҃рковь с҃тго Николи ꙋ Ибрѣ.
Многыже и ины(х) с͠ты(х) мольбнѥ храми въꙁдвиже и ѡбнови вь своеи области.
По семже наче ѕыдати дивнꙋю и великꙋю ц҃рквь вь м҃лбꙋ и похвалꙋ и славꙋ прѣс҃т. б҃це вь име ꙋспенꙗ ее, вь мнѡго свѣтле(м) и доброꙁрачнѣмь мраморе при рѣцѣ, г҃лѥмеи Стꙋденици, мнѡгымь инокѡ(м) вь ꙋпокоени. и с͠ты(х) его мощи, идѣже почивають и до н҃нꙗ прѣбывають неврѣдим. и ч(с)тное и бл҃говонное мѵро истачають въсѣмь, вѣрою пристꙋпающїимь кь рацѣ мощеи его.
По си(х) же начинаеть бл҃готрꙋдно доврымь подвигѡ(м)подвиꙁати се, оставль цр(с)тво ꙁемльное и славꙋ его. И прѥти с҃тыи аг҃глскыи инѡчьскыи обраꙁь, вь Стꙋденици постриже се и идѣ вь Ст҃ꙋю горꙋ, кь с҃нꙋ си Савѣ, вь нѥиже вьꙁ(д)виже мнѡгосвѣтлꙋю ц҃рковь иꙁь основанꙗ, въ м҃лбꙋ и похвалꙋ прѣс҃тѣи б҃ци вьве(д)нꙗ, г҃лѥмыи Хиландарь. И иные с҃т. ц҃ркви вьꙁ(д)виже и ѡбнови вь Ст҃ѣи горѣ.
Сава же постриже се прѣж(д)е о҃ца вь Ст҃ѣи горѣ. По то(м)же(д) ѡблаꙁꙋ стареише братꙗ начеше ѕыдати с҃тые ц҃рквы вь помощь себѣ единообраꙁно. Ꙁавида сьꙁда ц҃рквь с҃ты(х) ап(с)ль Петра и Павла, ѡ(т) два стльпа при рѣцѣ Лимѣ. Прьвославь сьꙁда ц҃рквь с҃тго Геѡ(р)гꙗ ꙋ Бꙋдимли, ѡ(т) два стльпа. Страцимирь сьꙁ(д)а ц҃рквь прѣс҃тие б҃це Градьць, ѡ(т) два стльпа при рѣцѣ Моравѣ.
Стефан же Неманꙗ, аще и младеиши бы(с) вь братіи своеи, нь испльниш(с)е на нѥмь г҃лн пѣ(с)нопѣвца пр(о)рка Дв҃да и ц҃ра: „Бе҃, сѹ твои ц҃реви даж(д)ь и правдꙋ твою с҃нꙋ ц҃ревꙋ”. И пакы: „Младѣншіи бы(х) вь братіи моеи и вь домꙋ ѡ҃ца моего, и б҃ь б҃лговоли ѡ мнъ”.
Стефанже Неманꙗ бы(с) великыи жꙋпань и самодрьжьць вьсѣ(х) срьбскы(х) и поморскы(х) ꙁемль, Діѡклитіе и Далматїе, Травꙋн. и Ꙁахальмію.
Сь же Стефань Немань мꙋпань роды сь сꙋпрꙋжницею своею Анною г҃. с҃ны, имже имена сꙗ: Стефань, прьвовѣнчаныи краль, и Влькань, великыи кнеꙁь. Треты же с҃ть его Растко, ꙋпращает се ѡ(т) родитель свои(х), въ нѣкою странꙋ прѣ(д)ль свои(х) ловити ѕвѣры, въꙁрастомь си ꙁ҃і. лѣ(т), ходѣ сь власетли своими, и побѣже ꙋ Ст҃ꙋю горꙋ. И постигь монастинь, гл҃ѥмыи Ваѳопедь, вь нѥ(м)же остриже власы глави своее и вьдаде н(х) родителѥмь своимь. Сам же въспріемь с҃тыи аг҃галскыи обраꙁь и нар(ч)ень бы(с) Сава мона(х). И по семь поставлꙗет се ц҃рогра(д)скыимь ц҃ремь и патрꙗрхѡ(м) и протѡ(м) монастира Ст҃ые горы да ѥ(с) с҃тыи Сава великыи архѥп(с)кпь вьсѣ(х) срьбскы(х) ꙁемль и поморскы(х).
Пріидѣ же прп(д)бны кѵ(р) Сава вь ꙁемлю своего ѡ(т)ч҃ства и просвѣти свое ѡ(т)ч҃ство вьсакымь православіемь по праилѣ(х) с҃ты(х) ап(с)ль кралѥвствѡ(м) и арх.п(с)кпствѡмъ. И поставлꙗеть еп(с)кпы и попи и дꙗконы и под(д)ꙗконы, и вьсь слꙋжьбны чинь, иже с҃тыми ѡ҃ци на вьселѥнскы(х) сьборѣ(х) прѣдано бы(с).
Сьи же прѣ(д)ре(ч)ніи прѣѡсщ҃енныи прьвы архѥп(с)кпь Сава поставлꙗеть по вьсѣ(х) прѣ(д)лѣ(т) своего ѡ(т)ч҃ства вь бж(с)твиы(т) ц҃рква(х) иꙁьбранніе мꙋжіи. Сіи(х) поставлꙗеть пастирѣ ц҃рквамь свои(м) рꙋкоположенѥмь. По сін(х) же поставлꙗеть.
а҃. Прьваго еп(с)кпа вь Хльмскои ꙁемли ꙋ Стонѣ вь храмѣ прѣстые б҃це.
в҃. Втораго еп(с)кпа поставлꙗеть ꙋ Ꙁетѣ, діѡклатіискомь поморію, въ храмѣ архістратига Михаила.
г҃. Третꙗго еп(с)кпа поставлꙑеть вь Дьбрѣ(х), вь храмѣ с҃тго Николи.
д҃. Четврьтаго еп(с)кпа поставлꙗеть ꙋ Бꙋдимли, вь храмѣ с҃тго Геѡ(р)гꙗ.
е҃. Петаго еп(с)кпа поставлꙗеть в Расе, вь храмѣ с҃ты(х) ап(с)ль Петра и Павла.
ѕ҃. Шестаго еп(с)кпа поставлꙗеть ꙋ Фосиꙋ, вь храмѣ прѣс҃тѥ б҃це ꙋ Стꙋденици.
ꙁ҃. Седмаго еп(с)кпа поставлꙗеть ꙋ Приꙁрѣнꙋ, вь храмѣ прѣс҃тѥ б҃ци.
и҃. Осмаго поставлꙗеть еп(с)кпа въ храмѣ прѣс҃тѥ б҃ци ꙋ Грачанице.
ѳ҃. Деветаго еп(с)кпа поставлꙗеть ꙋ Топлици, вь храмѣ с҃тго Николи.
і҃. Де(с)таго еп(с)кпа поставлꙗеть ꙋ Браничевꙋ, въ храмѣ с҃тго Николи.
а҃і. Праваго на де(с)те еп(с)кпа поставлꙗеть ꙋ Бельградꙋ, въ храмѣ прѣс҃тѣи б҃ци.
в҃і. Втораго на де(с)те еп(с)кпа поставлꙗеть ꙋ Моравица(х), вь храмѣ с҃тго Ахилꙗ.
И вь всѣ(х) страна(х) тѣ(х) ꙁаповѣда прп(д)бны кѵ(р) Сава дрьжати тврьдо и непоколѣбимо православнꙋю и с҃тꙋю вѣрꙋ, с҃тыми ап(с)тлы проповѣданнꙋю и пакы с҃тыми ѡ҃ци и вьселѥнскыми ꙋчители сьборнѣ испрьн.ннꙋю и бж(с)твнымь ц҃рквамь прѣданнꙋю, тврьдо сьблюдати кр҃щенѥ и вѣнчанѥ, и ина творити по правилѣ(х) с͠ты(х) ѡ(т)ц҃ь и ꙁаконѡмъ.
По сіи(х) же архѥп(с)кпь Сава сьборꙋ повелѣ сьвькꙋпити се ѡ(т) вьсѣ(х) пр(д)ѣре(ч)ніи(х) прѣ(д)лѣ(х) свꙋеи области вь великꙋю архѥп(с)кпію Житчю Стефанꙋ прьповѣнчаномꙋ крабю и вьсемꙋ с҃щенничьскомꙋ чинꙋ, и вьсемꙋ синклитꙋ; маліимь и великіимь с҃ты ми мꙋжы венчаеть брата своего великаго жꙋпана чьстію и вѣнце(м) кралѥвства. Також(д)е и по се(м) ѹстраꙗеть вьсь синклитикь, коегож(д)о по степены своемь вь слꙋжбꙋ кралѥвствꙋ.
Стефан же, прьвовѣнчаныи краль, с҃нь великаго жꙋпана Неманѥ, сь своею сꙋпрꙋжницꙋ, дъщерію грьчьскаго кралꙗ кѵ(р) Алеѯіа, роди д҃. с҃ны, имже имена сѹ(т): Радославь, Владиславъ, Стефань, Прѣдиславь. Сь же Прѣдиславь послѣды иночьскыи и с҃щенничьскыи обраꙁь вьспрѥмь, и наре(ч) се вторы Сава, архѥп(с)кпь срьбскы.
Радослав же крал.вствова ѕ҃. лѣ(т) и прѣд(с)а д҃хь свои г҃вн и положень бы(с) вь домꙋ с҃тые б҃це вь мѣсто, рекомо Стꙋденица.
По нѥмꙋ же прѥть прѣстоль брать его Владиславь краль. И сьꙁда ц҃рковь Милешевꙋ, идеже прѣнесе мощи архѥреа Хв(с)а Савꙋ ѡ(т) славⸯнаго града Трьнова, идиже лежить и до сего д҃не. И кралѥствова Владиславь ꙁ҃. лѣ(т) и прѣд(с)а д҃хь свои г(с)ви. И положень бы(с) вь домꙋ с҃пса вь Милешевѣ.
Стефанꙋ же нарекоше име Бела Ꙋрошь въ име прѣдѣда своего. Сь бы(с) прьвы Ꙋрошъ, храпавы крапавы краль, и подрꙋжіе его франчьскаго кралꙗ дьщи, бл҃гочьстиваа кралица Елены, наре(ч)нна вь аг҃глскѡ(м) обраꙁѣ моахꙗ Елена. И роди в҃. с҃на: Драгꙋтина и Милꙋтина. И поемь дьщерь Драгꙋтинь ѹгрьскаго кралꙗ Владислава. И ег(д)а бывшꙋ, тог(д)а ꙋ веселосто храпавы краль ѡбрече кралѥвство с҃нꙋ Драгꙋтинꙋ ꙁа живота своего. И мнѡго ѡжидавшомꙋ Драгꙋтинꙋ наре(ч)нное ѡ(т) о(т)ца кралѥвство. И приш(д)ь кь ѡ҃цꙋ своемꙋ, г҃лѥ: „Даж(д)ь ми ѡбре(ч)нно кралѥвство”. И не да(с) ѡ(т)ц҃ь его кралѥвⸯство. И сьжаливⸯшꙋ се с҃нꙋ его Драгꙋтинꙋ и ш(д)ь кь тьстꙋ своемꙋ кралю Владиславꙋ и покаꙁа емꙋ вьса. И ꙋꙁьмь мнѡго вои ꙋ кралꙗ Владислава и ꙋ брата его ледꙗнскога кралꙗ вои, и ш(д)ь кь ѡ҃цꙋ своемꙋ. И па(д) прꙗ(д) нимь, гл҃ѥ: „Даждь ми, ѡ҃че, ѡбѣщнное кралѥвствои дам ти, иже ти ѥ(с) ѹгодно мѣсто прѣбывати вь животѣ своемъ.” И не да(с)ть емꙋ ѡ(т)ц҃ь кралѥвство. И ш(д), ꙋстрьми се сь вои своими на ѡ҃ца своего.
И бѣгство сьтвори ѡ(т)ц҃ь его вь ꙁемлю Хльмскꙋю, вь гра(д) Драчь. Тамо и д҃хь прѣдат(с)ь г(с)ви. И прѣнесень бы(с) вь рꙋкотвореномь емꙋ монастиры, вь домꙋ с҃тые троице, мѣсто рекомо Сопокꙗни. И тѹ лежить и до сего д҃не. Жена же его, бл҃гочьстива кралица Елена, вь свое(м) рꙋкотворено(м) монастирꙋ Гра(д)цꙋ прѣда(с) д҃хь г҃вн. Тꙋ и лежить.
А Драгꙋтинꙋ, с҃нꙋ храпаваго кралꙗ, бывшіи великыи краль, наре(ч)енныи Стефань краль, и ꙗꙁдѣщꙋ емꙋ по(д) градо(м) Елече(м) и сьтрьвшомꙋ се коню и па(д)шомꙋ се с конꙗ, и сломившомꙋ деснꙋ ногꙋ, и г҃лѥ(т): „Ги҃, прости ми, понѥже сьгрѣши(х) ѡ҃цꙋ моемꙋ, иже двигѡ(х) брань на нѥго”. И мнѡга покаанꙗ сьтвори и паче на любовь б҃жію и православ.мь распали се, до(с)то хвално сьблюдаеть ѡ(т)ч҃ьство си, ножить, инѡкы любѣ и старце почитꙋе, сиріи и нищіи милꙋе, вьсако же правосѹ(д)ство и истинꙋ испльнꙗе. И ш(д)ь вь ꙁемлю Срѣмскꙋю, вь монастирь Дьбрьць, и прѥ(м) иноч҃ство, наре(ч)ень бы(с) мона(х) Ѳеѡктисть. И начьнже творити пость и м҃лтвꙋ.
И приꙁва брата своего Милꙋтина и давь емꙋ кралѥвство и наре(ч) га в҃. го Ꙋгоша и самодрьжавнаго сь б҃мь вьсеи срьбскѥ и помор(с)кѥ ꙁемли г(с)нꙗ кралꙗ Стефана.
И сьꙁ(д)авше ц҃рковь Стефань краль Милꙋтинь при рѣцѣ Банске въ име с҃тго прьвом(ч)ника Стефана, вь нѥиже вьсе страны ꙁлатѡ(м) полꙗль бѣше. Се сьтвори вь ꙋпокоен. мощемь его. И по семь начьнь творити мнѡгѥ мл(с)тынѥ, ꙗкоже инь ни краль, ни ц҃рь, никтоже ни прьвіи, ни по сы(х).
Где бо не слышаше(с) нѥгова мл(с)тинꙗ и правда? В всѣ(х) еꙁыцѣ(х), г҃лю же, и вь Іер(с)лимъ, и на Синаисцѣи горѣ, и вь Еѵ(г)птѣ, и по вьсеи грьчьскои ꙁемли и словенскои, и ѡстрови же по морꙋ и ꙁаморскѥ, и по вьсѹ(д) милостинꙗми достиже, и ревностію и любовь, ꙗже ѡ(т) б҃ѕѣ ѡбьꙗвивь. И болнице сьчинише се, ꙗкоже тамо живꙋщіимь болнымь вь ꙋпокоенѥ. И ѡбѣщан. сьтвори кь б҃ꙋ: „Елико прѣ(д) бѹ(д) лѣть вь кралѥвствѣ, да (с)вьꙁдамь на вьсако лѣто вь ц҃рковь гв(с)и.” Понеже и б҃ь ѹмножи цр(с)тво его м҃в. лѣтѣ, толикож(д)е и ц҃рквы сьтвори гв(с)и.
И б҃лженіи краль Милꙋтинь Стехань роди два с҃наѣ(х) Костантина и Стефана кралꙗ третꙗго Ꙋроша, иже сьꙁда краснꙋю ц҃рковь вьꙁне(с)нꙗ г(с)нꙗ при рѣцѣ Бистрице ꙋ Дечани. Тѹ и дн(с)ь лежить ч(с)тнѥ мощи его цѣли, неврѣдим. и мтога чю(д)са и исцѣлѥнꙗ твореще и б҃лгоꙋхан. испꙋщае.
Сь же роди г҃. с҃ны и в҃. дьщери. Прьвы с҃нь его Дꙋшманъ, дрꙋгы Дꙋшана, третіи Сімеѡнь. Прьва дьщи его Елача, втора дьщи Ѳеѡ(д)ра.
Сь же Дꙋшман бы(с) краль и ис кралѥвства вѣнчань бы(с) на цр(с)тво, срьблѥмь и грькомь и дьлны(м) страна(м). И бы(с) Дꙋшмань Стефань ц҃рь прьв и таже постиже грьчьскѥ ꙁемли. И сію повинꙋвь, поставлыет се вь нѥи ц҃ремь.
Стефанже краль, брать Милꙋтинꙋ кралю, второмꙋ Ѹрошꙋ, сь своею сꙋпрꙋжницꙋ Каѳелиною, дьщерію кралꙗ ѹгрьскаго Владислава.
Кь прьвіимже да вьꙁвратим се.
Вышере(ч)ныи ц҃рь Дꙋшмань, с҃нь кралꙗ Милꙋтина Стефана, въ лѣ(т) ѕ҃ѡпд [= 1346] и велм исвое ѡ(т)ч҃ьство прославивь и почьть ꙁемлю срьбскꙋю и ѡ(т) вьсѹ(д) распространивь и раꙁширивь, и окр(с)тны. еꙁыкы повинꙋвь, браны вьꙁвиꙁае и побѣди творе и великꙋ тишинꙋ. И ꙋмысли сьꙁдати храмь великомꙋ архаг҃глꙋ Михаилꙋ и Гавріилꙋ ꙋ Приꙁрѣнꙋ, при рѣцѣ Бистрице. Тѹ лежить и дн(с)ь.
Въꙁвратим се вь прѣднꙗа.
Сн҃ь великаго жꙋпана Сѵмеѡна Неман. Влькань, брать прьвовѣнчаномꙋ кралю Стефанꙋ, сьи же Влькань, велики кнеѕь, роди с҃на Дмитра жꙋпана, вь иночьскомже обраꙁѣ наре(ч)нь бы(с) Дв҃дь. Ть же сьꙁ(д)а ц҃рковь с҃тго б҃гоꙗвлѥнꙗ при рѣцѣ Лимѣ, вь мѣсто Бродарева. Дмитрь же роди с҃ны и дьщеры. Прьвыи с҃нь его Вратко, великыи кнеѕъ. Вратко же роди с҃ны и дьщери. Прьва дьщи его Милица кнѥгинꙗ, вьдана бы(с) кнеѕꙋ Лаꙁарꙋ. Милица же роди с҃ны и дьщери.
Прьвыи с҃нь ее Стефань, деспоть срьблѥмь, и сь ѡбꙋдꙋ странꙋ Подꙋнавію. И сьꙁ(д)а ц҃рковь Ресавꙋ. Тꙋ и лежить.
И сеста его бѣ вьдата Влькꙋ Бранковикю. И на сьм҃рти Стефанꙋ бывшꙋ, нарꙋчи деспотство сестричикю Гюргю, Блька Бранковикꙗ с҃нꙋ.
Гюргь прѥмь деспотство и роди г҃. с҃ны: Лаꙁара, Грьгꙋра, Стефана, новаго м(ч)ника, и единꙋ дьщерь, Марꙋ, и дрꙋгꙋ Катакꙋꙁинꙋ. И быше ѡбрꙋчнице двоимь иновѣрнимь. Въдана бы(с) Мара царꙋ Мꙋратꙋ Тꙋрскомꙋ. Катакꙋꙁина же вьдата бы(с) Ꙍрлихꙋ, латинскомꙋ воеводѣ. И цар же Мꙋрать иꙁмами на вѣрѣ Гюргꙗ деспота в҃. с҃на, Грьрꙋра и Стефана, новаго м(ч)нка, и ѡслѣпіи и(х).
И ѡ(т)ц҃ь и(х) Гюргꙗ деспо(т) великы(м) подвиго(м) и мнѡгы(м) воинствомь, ихже молбою и великы(м) искꙋпленѥ(м) ѡ(т) ꙁападни(х) господа(х) сьпо(д)вигь и еда вьꙁмогь тѣ(х) пакы кь своимь недро(м) ѡслѣпл.ніи(х) вьꙁвратити.
И семꙋ же ѡ(т) житꙗ ѡ(т)шь(д)шꙋ, трети же с҃нь его, паче и юнѣиши, Лаꙁарь име емꙋ, сьи прѣемникь власти ѡ҃ца своего бы(с). И семꙋ малѣ госпо(д)ствꙋвавшꙋ, ѡтравою ѡ(т) свои(х) властель ꙋбѥнь бываеть.
И тако срьбское начелство коньчное раꙁ(д)рꙋшенѥ и ꙁапꙋстенѥ прѥмлѥть. И тꙋркомь наслѣд. по(д)рꙋкѡ(м) ꙋстрои се.
По сы(х) же братꙗ его, Стефань и Грьгꙋрь, длѣпіи сꙋше, Грьгꙋрь ꙋбо иночьское житѥ на се вьспрѥть и Германь мона(х) прѣименовань бы(с). И вь томь житіи б҃лженꙋю кончинꙋ прѥмь.
Стефанже, брать его, по раꙁ(д)рѹшиніи ѡ(т)ч҃ьства его, иде вь Арбанаскꙋю ꙁемлю. И тамо поемь себе женꙋ, именемь Ангелинꙋ, дьщи Аранита, тоеж(д)е арбанскѥ ꙁемлѥ воеводѣ и начелника. Ѡ(т) нѥеже роди с҃на два: Гюрга, Іѡанна, и дьщерь еднꙋ. И по рож(д)еніи тѣ(х) чедь и по вьскрьмлѥніи б҃лженнꙋю свою д҃шꙋ по мнѡгы(х) стра(д)ніи и ѡꙁлоблѥніи и ѡ(т) ѡ(т)чьства иꙁгнаніи вь рꙋцѣ г(с)ни прѣложи.
Сыи вь страна(х) тꙋждіи(х), вь ꙁемли латинскои ꙗкоже бисерь вь тимени поврьжено. Или ꙗкоже прѣкрасныи крѵ(н) посрѣ(д) трьнꙗ цьвтꙋщь. Нь иже вь чюдесе(х) б҃ь прославлꙗен с҃ты(х) свои(х), прослави и сего своего ꙋгодника чю(д)си и ꙁнаменми и раꙁличниви исцѣлѥнми, ꙗкоже тамошни(х) житель, аше и иновѣрніи, на видѣніе и поколѥнѥ и на исцѣлѥнѥ сьтицати се. По врѣмени же нѣкоемь, ег(д)а б҃лговоли б҃ь вьꙁвратити его кь своемꙋ ѡ(т)ч҃ьствꙋ прѣнесен. ч(с)тнымь его моще(м) и иꙁне(с)нѥ своими емꙋ чедами и подрꙋжѥмь его и рѹково(д)ство(м) ꙋгрьскаго кралꙗ Матеаша бы(с). И положено ч(с)тно вь ѡ(т)чьствіи его, вь ꙁемли Среме, вь граде Кꙋпиннѡ(м), на рѣцѣ, г҃лѥми Сава.
Сн҃ѡве же его, Гюрга, Іѡаннь, властелѥ и прѣемници своего ѡ҃ч҃ьства по б҃жію промышл.нію бывають. Обаче аше и не самодрьжавнѣ, ни по(д) рꙋкою кралꙗ ꙋгрьсѣго и ѡ(т)чести, нь наслѣдници и причестници своимь прѣ(д)ломь покаꙁꙋют се. Чт(с)нѥ же мощи его ꙁнаменими и чю(д)си вь величьство б҃ь простираеть, добры(х) его дѣль проꙗвлꙗе.
НБКМ 267, ХVІІ в.