Аще хощеть прѣ(д)статель. творымь агрипинию.
на малои ве(ч)рныи, стре(х). гла(с). а͠. по(д)бно. нб(с)ныимь чинѡмь:~
Иже ѡснованиꙗ вса землѥ подвизаѥ(и) б͠ь. сьтресаѥи единь морскоѥ ложе,
ꙗко сьз(д)атель всѣ(х). избави на(с) праведнааго гнѣва трѹснааго.
твоимь мл(с)рдыѥмь ч͠͠локолюбче. пр(с)но ѹмолꙗѥмь.
Ѳесалони ликѹѥть ѡ памети твоѥи. и сьзываеть все oкр(с)тныиѥ градыи.
Димитриѥ трьб͠лженнѥ. сьврьшити твоѥ свѣтоносноѥ трьжьство.
сь нимиже сьшь(д)ше се, пѣ(с)нно похвалꙗѥмь подвигы твоѥ⁘
При(д)те вѣрныи сьшь(д)ше се, похвалимь х(с)ва ѡрѹжныка.
и доблꙗго свѣтилника Димитриꙗ. иже все врагь насилыѥ поправшаа.
семѹ вьпиюще вѣрою, o на(с) х(с)ви м(ч)нче м͠͠ли се⁘
сла(в). гл(с). ѕ͠͠͠͠.⁘
Днь(с) вьселѥннаа вса. стр(с)трпчьскыими просвѣщаѥт се зарꙗми.
и х(с)ва ц͠͠ркви цвѣѣтци ѹкрашаѥмаа, Димитрїе вьпиѥт' ти.
ѹгодниче х(с)вь и прѣ(д)стателю теплїи. не oстави молити ѡ рабѣ(х) своихь⁘
н(н). б(о).
на сти(х)в'. гла(с). в͠͠. по(д). доме Ефраѳовь:~
Имамы те многыиa(х)дателꙗ дарованїи, ѹгод'ниче г(с)нь.
испльнꙗѥшии бо’ прошениꙗ, юже имаамь в'сег(д)а:~
Пѣниꙗ сла(д)каа стр(с)ты похвалениꙗ, бл͠гтемь вьз(д)аїа.
прѣложениѥ ближнѥѥ. приѥмыи Димитриѥ:~
Доброта стра(д)лцемь, бл͠͠голѣпиѥ м(ч)никѡ(м). ц͠ремь хранителю.
прїими н͠нꙗ похвалѹ. вѣрою хвалещи(х) те⁘
сл(в). н(н). б(о).
Дѣло бл͠голѣпноѥ д͠ваа по рѡжь(д)ствѣ. прижитиѥ
б͠ь слово чл͠че ѥ(с)ство имыи. и ꙗвлꙗѥ веществ'н'наа.
тро(п).
Велиꙗ ѡбрѣте вь бѣда(х) помощ'ныика тебѣ вьселѥна:~
На велицѢи в(Ч)ер'ны.
сты(х)ло(г). бла(жн) мѹ(ж). на г͠и вьзва(х). стры(х). гла(с). в͠. по(д). ег(д)а ѿ дрѣ(в)⁘
Свьтиши ѿчьствѹ си в'сег(д)а. славныи Димитрыѥ м(ч)нче.
ꙗко звѣз(д)а свѣтлѧꙗ. покрываѥши бо пр(с)но сиѥ пакосты врагьь.
иизбавлꙗѥши oзлоблѥ ииꙗ. и бѹре в'сачьскыиѥ. тѣмь радостно
приносить м(о)льб'нѹю паметь, бл͠͠жен'не сьврьшаѥ.
вѣрою же и любовию поѥ г͠а, те прославльшааго:~
М(ч)ниче стр(с)тотр'п(ч)е хв͠ь. чю(д)си свѣтиши мир(о)ви ꙗко(ж) сл͠нце.
с͠те Димитриѥ. тѣмь вь памети наслж(д)аѥм' се в'си твоихь чю(д)сьь бл͠жен'не.
изре(д)наа трьжьствюꙋще вѣрою. дрьз'новеннѥ ѹбо имыи,
м͠ли се кь г͠͠ꙋ, сп͠͠сти ѿ тлѥ и скрьбеи рабы своѥ⁘
Копиꙗми прободень вь ребра. пробод'шааго ра(д) с͠пса на кр(с)тѣ ребра.
то(г) бо ѹꙗзвлѥниꙗ любовию порев'новааль ѥси. Стр(с)трьп'че Димитриѥ.
ꙗвлꙗѥ всѣмь непобѣдимоѥ свѣ(д)тельства твоего. тѣмь и ѹꙗзвлѥнь
гонитель ниспаде. приѥмти искѹшениѥ исповѣданиꙗ стр(д)алче хв͠ь⁘
ины ст(х)ре. гла(с). и͠. по(д). О прѣслав⁘
О прѣславноѥ. чю(д), на нб(с)ы и на зем'ли. радо(с) днь(с) вь паметь
вьсиꙗ Димитриꙗ м(ч)нка. ѿ аг͠гльь хвалами вѣнчает' се. и ѿ чл͠ьвкьь
пѣниѥ приемлѥть ѡ како постра(д), како добрѣ подвизаа се.
имже врагь паде се лꙋкавыи, х(с)ѹ побѣж(д)ьшѹ и.
О прѣслав'номѹ чю(д)си. чю(д)сныими свѣтлостми, сл͠нца свѣтлѣише.
пр(с)но Димитриѥ свьтить кон'цемь. ѿ неве(ч)р'нꙗго свѣта ѡблистаемь.
и вь незаходимааго свѣта красѹѥ се. егоже сиꙗими ѡблаци ѿгнаныи
быше вар'вар'сцїи. недꙋзы прѣсташе. и бѣсове побъдише се:~
О прѣславноѥ чю(д), х͠а ра(д) прободень, трьбл͠женне Димитриѥ.
всег(д)а ꙗви се oрѹжиѥ oбоюдѹѡстро. пожинаѥ врагьь вишениꙗ.
и низлагаѥ бѣсов'скаа шетаниꙗ. ємѹже вьзѹпиѥмь, с͠тыи Димитрыѥ.
покрыи на(с) вѣр'но почитающеих те любовию всег(д)а:~
сла(в). гла(с). ѕ͠. самогла(с).
Днь(с) сьзывають на(с), стр͠трпца в'семир'ноѥ трьжьство.
при(д)те ѹбо праз(д)нолюб'ци, свѣтло праз(д)нѹимь паметь єго гл͠юще.
ра(д)уи се иже ризѹ неч(с)тыꙗ раз(д)равь вѣрою. мѹжьство же д͠хов'ноѥ себе налѡживь.
ра(д)уи се ѹпраз(д)нивыи в'са кьз'нодѣꙗниꙗ тѹж(д)ааго. силою данною ти ѿ єдиного б͠а.
ра(д)уи се иже прободенномь ти ѹдѡмь, бл͠женнѹю стр͠ть хв͠ѹ д͠ховнѣ намь живописавь.
єгоже м͠ли стр(д)алцемь ѹдобрениѥ Димитриѥ. избавити се намь видимы(х) и неви(д)мыи(х) врагь, сп͠сти се д͠шамь н͠шїимь⁘
и н(н). б(о).
Кто тебѣ не бл͠жить прч(с)таꙗ б͠це д͠во. кто ли не поѥть твоѥго ч(с)тго рож(д)ьства.
безлѣтныи ѿ o͠ца вьсиꙗвь с͠нь единород'ныи. тьж(д)е ѿ тебе ч(с)тыѥ проиде
неизре(ч)нно вьпльщь се ѥ(с)ствомь б͠ь сїи. и ѥ(с)ствомь бывь чл͠кь на(с) рады.
не вь двѣ лици раз(д)ѣлꙗѥмь. нь вь двоици ѥ(с)ствь несьмѣсно познаваѥмь.
того м͠ли ч(с)таꙗ и прѣбл͠женнаꙗ, пом͠ловати се д͠шамь н͠шїимь⁘
вьхѡ(д). про(к). дне(в). чте(н). ѿ пр(о)рчьства Исаинна чтение. а͠⁘ ...
пр(о)рчьства Исаинна чтение. ...
прѣмꙋдро(с) Сѡ(л)м(о) ...
на ли(т)ю стры(х). самогл(а)сне глась. а͠⁘
Весели се ѡ г͠и граде Сѡлѹне. ра(д)уи се и ликѹи вѣрою свѣтлою ѡдѣꙗв се.
Димитрїа всеслав'нааго стр(д)ал'ца и м(ч)ника истинѣ. вь нѣдрѡ(х) имѣѥ ꙗко скровище.
наслади се чю(д)сьь исцѣлѥниꙗ зре и виж(д)ь низлагающааго иноплеменныикьь множьство.
и бл͠годарно сп͠сѡви вьзѹпїимь, г͠и слава тебѣ:~
Пѣнїи красныи настоєщїи ѹꙗсныимь д͠нь. и вьзгласимь м(ч)нка подвигы.
прѣ(д)лежїить бо намь вь бл͠гохвалѥниѥ великыи Димитриѥ.
ибо бѣсовскаа нахож(д)ениꙗ. мѹжьскыи погѹбивь. кь сѹдилищѹ ѹсрьдно прїиде.
и побѣдител'наа славно принесь. сп͠сови м͠лите се д͠шамь на(ш)⁘
гла(с), в͠,
Вь прѣмир'наꙗ селениꙗ. д͠хь твои Димитриѥ м(ч)ниче мѹдре. х͠͠с б͠ь положїи непорѡчно.
тїи бо троици быль ѥ си побѡр'ныикь. и на сѹдищїи мѹжьскыи постра(д),
ꙗко адаманьть тврьдо.прободень же бывь вь ребра всеч(с)тне.
по(д)бе се иже на дрѣ (sic!) прободен'номѹ. на сп͠сениѥ в'семꙋ мирѹ. чю(д)семь приєль ѥ си дѣиство.
чл͠комь подае исцѣлѥнниꙗ независт'но. тѣм'же ти д͠нь ѹспениѥ праз(д)нѹимь.
по достоꙗнию славеще, те прослав'льшааго б͠а⁘
сл(а). гл(с). е͠.
Сьтьцѣм' се вѣрою и любовию. вьзѹпїимь праз(д)ньствьн'наа.
и вьсплещїимь рѹками в'си. вь настоєщеи трьжьство прьвоначел'ника нашего.
воинства нб(с)наа да веселет се. и прободшаго се за прободен'нааго копиѥмь ц͠ра г͠а.
и грьдиню Лиѥвѹ низложьшаа. дрьзостнѣ да чюдит се землꙗ же и море.
свѣтлааго свѣтил'ныика прѣславныимь знамениѥмь. по дльгѹ да вьсхвалеть,
юность ѡбѹз(д)ателꙗ. и иже вь старѡсти жьзль. иже вь бѣдахь прѣ(д)стателꙗ,
нищїи ѡб͠гатителꙗ. иже вь бл͠гошьствїи, строителꙗ. сь всѣми тврьдааго своєго побор'ника граде Сѡлѹньскыи.
м͠леще се сице р'це(м). прѣславне Димитрїе прѣ(д)вары.
и изми на(с) ѿ в'сакоѥ нѹж(д)е. и сп͠си рабы твоѥ м͠литваами си⁘
и н(н). б(о).
Вьстрѹбыимь трѹбою пѣснеи. прѣклонши бо свише в'сец͠рца м͠ты д͠ваа.
бл͠вен'ми вѣн'чаваеть вьспѣвающїихь ю. ц͠риѥ и кнезы да сьтекѹт се.
и ц͠рци да вьсплещѹѹь ц͠ра рож(д)ьшїи. иже сьмрьтию ѡдрьжимыихь прьвѣѥ.
разрѣшити чл͠колюбно бл͠гоизвол'шааго. пастириѥ и ѹчителѥ добрааго пастира
прч(с)тѹю м͠трь. сьш(д)ьше(с) вьс'хвалимь. свѣщныикь златозар'ныи. свѣтонос'ныи ѡблакь.
и нб(с)сьь шир'шѹю. д͠шев'ни же ковче(г) ѡгни зрачныи вл(д)чнь прѣстоль.
ман'ноприємнѹю златꙋю рѹчкѹ. наречен'нѹю слова д͠врь.
всѣмь хр(с)тиꙗнѡмь прибѣжище. пѣсными б͠гогл͠сныими похвалꙗюще.
сїице р'цемь полато слова. спо(д)бы смѣрен'ныихь на(с) нб(с)номѹ црт(с)вию.
ничто же бо невьз'мож'но ходатаиствѹ твоємѹ⁘
на сти(х)в' ст(х)ре. трѹ(с). гла(с). в͠. са(м)гл(с):~
...
гла(с). ѕ͠. ..., ...
сла(в). гла(с). и͠. самогла(с),
Имѣѥть ѹбо бж(с)твн'наа твоꙗ д͠ша, и непорѡчна слав'ныи Димитриѥ.
нб(с)ныи Йерл(с)мь жилище. иже вь стѣнахь прч(с)тыима рѹкама неви(д)мааго б͠а вьѡбразыи се.
имать же и в'сеч(с)тноѥ и многостра(д)л'ноѥ ти тѣло, прѣизред'ныи сїи храмь на земли.
скровище некрадомое чю(д)семъ. недѹгомь ѿгнанїѥ. вь н'же притекающе, исцѣлѥниꙗ почрьпающе.
съблюди в'сехвалне, тебе величающїи градь, ѿ сꙋпротив'ныихь прираженїи.
дрьзновениѥ ꙗко имыи кь х(с)ѹ. тебѣ прославльшомѹ⁘
н(н). б(о).
тро(п). гл(с). г͠͠.
Велиꙗ oбрѣте вь бѣда(х) тебѣ помощ'ныика вьселѥн'наа.
Стр(с)трпче поганиѥ побѣж(д)аѥ. ꙗко ѹбо Луєву низложїи грьдыию.
и на сѹдищїи ѹкрѣпи Нестора. тако с͠те х͠͠а б͠а м͠ли даровати намь велию мл(с)ть.
два(ш). б͠͠це д͠во ра(д)уи се. єдинѹщь. на б͠ь г͠ь, тро(п).
по. а͠. сти(х)ло(г). сѣ(д). гла(с). д͠. ꙗви се⁘
Димитрїа дн(с)ь стр(с)трпца праз(д)ныкь сьтварꙗємь б͠гомѹдрьно.
ꙗко х(с)ви непрѣстанно м͠лещаа се. всѣ(м) дати се мирь и мл(с)ть>
два(ш). сла(в). и н͠нꙗ. б(о),
Теплоѥ застꙋплѥниѥ сѹщїимь вь нѹж(д)ахь. нашѹ помощницѹ.
и кь б͠ѹ примѣнѥниѥ. ѥѥже ра(д)и тлѥ избавїихѡм' се. б͠цѹ вѣр'ныи ѹбл͠жаимь⁘
по, в(ш). сти(х)ло(г). сѣ(д). гла(с). д͠. по(д). скорѡ вары⁘
Паметь твоꙗ славне м(ч)нче Димитрїе. ѹꙗсны дн(с)ь ц͠рковь хв(с)ѹ и в'се сьбраа.
пѣ(с)н'ми по(д)стоꙗнїю вьсхвалити те б͠гомѹдре. ꙗко вь истинꙋ воина.
и врагомь потрѣбытелꙗ. тѣм'же м͠лбами твоими, избави на(с) ѿ искѹшеныи.
два(ш). сла(в). и н͠нꙗ. б(о)⁘
Поем те б͠гоневѣсто м͠ты х͠а б͠а. славеще рожь(д)ство ты непостижимое.
им'же избавихѡм' се ѿ льсти дїаволѥ. и в'сачьскыи(х) бѣдьь. вл(д)чце б͠це.
и вѣр'но вьзывае(м). пом͠лѹи стадо своѥ єдинаа всепѣтаа.
по полиєлеи. сѣ(д). гла(с). и͠. по(д). Прѣмѹдростыи:~
Сиꙗниꙗ чюдесьь, ꙗко лѹче ѡблистаеши. и все просвѣщаеши мирови конце,
ꙗко звѣз(д)а прѣсвѣтлаа. и красно б͠гоѹхаєши ꙗко же дрѹгыи раи д͠ше веселиши.
и ѹставлꙗѥши недѹгы. тѣм'же те всебл͠жен'не по дльгѹ поємь.
и любовию почитаємь чт(с)нꙋю паметь твою.
стр(с)трпче Димитриѥ м͠͠ли х͠͠͠а б͠а сьгрѣшениѥмь ѡставлѥниѥ подати⁘
сла(в). и н(н). б(о).
Ꙗко д͠͠вѹ и єди‘нѹ вь жена(х). те без сѣме рожь(д)шѹю б͠а пльтию.
в'си ѹб͠лжаемь роды чл͠чсцїи. oгнь бо вьсели се вь те бж(с)твн'ныи.
и ꙗко мл(д)нца доиши зыж(д)ителꙗ и г͠а. тѣм'же и аг͠гльскыи и чл͠чьскыи ро(д).
достои'но славыимь пр(с)тоє рожь(д)ство твоѥ. и сьгла(с)но вьпиѥм ти,
м͠ли х͠а б͠а прѣгрѣшениѥмь ѡставлѥниѥ даровати. вьспѣвающйїмь до(с)ино славѹ твою⁘
сте(п). а͠. ан'тифо(н). д͠. го гла(с).
про(к). еу(г). по. н͠, мь ѱал(о)мѣ.
стра(х). самогла(с). гла(с). ѕ͠.
Дн(с)ь сьзываєть на(с), стр(с)трца (sic!) всемирноѥ трьжьство.
пр(д)ите ѹбо праз(д)нолюбци, свѣтло праз(д)нѹємь, паметь єго г͠люще,
ра(д)уи се иже ризѹ неч(с)тыꙗ растрьгь вѣрою. мѹжьствомь же д͠ха себѣ ѻбложь.
ра(д)уи се ѹпраз(д)нывїи кьзны тѹж(д)ааго, крѣпостыю дан'ною ти ѿ єдиного б͠а.
ра(д)уи се иже прободен'номь ѹдомь х(с)вѣмь, б͠лжен'нѹю стр(с)ть д͠хов'но
намь изѻбразыль ѥси. єго же м͠ли стра(д)лцемь ѹдобрениѥ Димитриѥ.
избавити се намь видимыи(х) и невидымыa(х) врагь. и сп͠сти се д͠шамь н͠шимь.
канѡ(н). трѹ(с). на ѕ͠. гла(с). ѕ͠. ...
дрѹгы. ка(н) с͠томѹ. на д͠. гла(с). д͠.
пѣ(с). а͠. їрмо(с). Морꙗ чрь⁘
Бж(с)твн'ныимь м(ч)ниꙗ вѣн'цемь ѹвез се. ...
дрѹ(г) канѡ(н) с͠томѹ Димтрию великомѹ. творениѥ Геѡ(р)гїа” Скиц~
на. д͠. гла(с). и͠. пѣ(с). а͠. їрмѡ(с). Въoрꙋженнаа фарꙗ⁘
СЬ ДИВНЬ. КА(Н). МУРОВРѢНИЮ. С͠ТГО ДИМИТРИꙖ⁘~
Мура бл͠говонна и чт(с)наа Димитриѥ, ѿврьзенныи источныикь.
стр(с)теи моихь скврьнѹ ѡмыи. и добродѣтелѥи и дѣꙗниѥмь.
бл͠говониѥ ме показавь х(с)во. ѹмь мои oблг(д)ты,
блг(д)ти твоѥе бж(с)твн'ныѥ пѣти⁘~
Води живыи рѣкы истѣкати ѿ ср(д)цьь вѣр'ныи(х), слово б͠жиѥ г͠лѥть.
тѣм'же ти проливают се мура источьныици пр(с)нотекѹщїи.
ихже стрѹꙗ веселить б͠жи градь. славещь м(ч)нчьскоѥ дрьз'новениѥ твоѥ :~
Жьзль ѹбо дрѣвлѥ Мѡусеoвь, ѹдарь камень вь земли пѹстин'нѣи.
ѿврьзе стрѹѥ рѣкьь многоточ'ныихь. тѣло же твоѥ Димитриѥ пробод'
се копиѥмь, мира источныкь показа новыи Їисль прохлаж(д)аѥ.
Ꙗже ѹбо имааши вьз(д)ания Димитрїе м(ч)чьскыим ти ꙗзваамь.
ни око видѣ ни ѹхо слышаа. н͠нꙗ мира море, вьз(д)аниѥ чт(с)оты
проливаєши мирѡ кон'цемь. стр(с)ты д͠шамь ѡчищающ(с)ѥ ⁘~
(богородичен)
Прѣнескврьн'но приєтилище, всечт(с)аꙗ слово ѡбрѣт' те б͠жиѥ.
вь твоꙗ вьсели се ложеснаа. и єже ѿ тебе приѥтиѥ.
помазавь своимь бж(с)твомь, ѥдинь проиде ѿ д͠вою,
излиꙗ все муро нарече се. х͠с бо б͠ьжеи чл͠кь⁘
пѣ(с). г͠. инь їрмѡ(с).
Нб(с)номѹ крѹгѹ врьхотворче г͠и. цр͠кви зыж(д)ителю.
тыи ме ѹтврьды вь любви своеи, желаниѥм си
краи вѣр'ныимь ѹтврьж(д)енѥ . єдине чл͠колю(б)⁘
Рож(д)ь се с н͠бсе ѿ б͠а. бы(с) бж(с)твн'ныи(х) бл͠гьь наслѣд'ныкь.
с͠нь нарицаемь, сьнаслѣдныикь хст(с). црт(с)вꙋѥши же сь симь.
ибо муроѡбразь семѹ Димитрїе.
Вькорѣнив' се ꙗкоже дрѣво. Дв͠дьскыи славне.
прї исходи(щ)хь водьь. великь вьз(д)аль ѥси м(ч)ниꙗ плѡ(д).
и н͠нꙗ источ'ныикь показа се мира. бл͠гоѹхаѥ мирꙋ кон'це.
Почрьпь блг͠ть х(с)вѹ. ребра сь крьвию источившаа водѹ.
крьвь излиꙗль ѥ си за нь пробод' се. и н͠нꙗ ꙗко водѹ
проливаѥши срц(д)емь бл͠гоѹханно миро Димитриѥ.
(богородичен)
С͠щен'ныи твои сьсѹды д͠шев'ны прч(с)таꙗ. испльнь арѡмаьь,
и мура бж(с)твн'наго д͠ха сьш(д)шааго на те. и б͠а рож(д)ьшїи.
вѣр'ныиѥ измѣнила ѥси ѿ тины стр(с)теи.
сѣ(д). гла(с). д͠. по(д). Ѹдиви(с)⁘
Ꙗко доблꙗ стра(д)л'ца. и воина крѣп'каа, в'сецрююща(г) х͠а.
вьзываѥмь п(с)лмьскыи. ра(д)уи се м(ч)нкомь ѹкрашенїе и лѣпота.
ра(д)уи се свѣтлаа ц͠ркви звѣз(д)о. и стѣно и пристанище
прибѣгающїимь к тебѣ. Великом(ч)нче славне Димитриѥ.
те поющеѥ сп͠саи. ѿ в'сакого врѣда тѹж(д)ааго, и ѡзлоблѥниꙗ избави.
по в(щ),
сла(в). и н͠нꙗ. трꙋ(с). ...
пѣ(с). д͠. инь їрмо(с). Ты ми х(с)е.
Скврьнѹ в'сакѹ ѿврьгь рож(д)ениꙗ. банѥю по рож(д)ениꙗ.
чт(с)отѹ ꙗвиль ѥси си сьблюдаѥ даже до кон'чины.
тѣм'же х͠с тебѣ, Димитрїе, ѥ(с)ств'н'ныи вьзрасть
прѣтвараєть вь миро. ꙗкоже и водѹ вь вино прѣложїи⁘
Ꙗкоже ѡгнь ѥ(с)ствѹ в'семѹ подаѥт се. цѣлѹ сп͠сающь силѹ.
сице твоѥ миро стра(д)л'че, в'сѣми ѹбо почрьпаѥт се.
ѻбаче же прѣбываѥ(т) неискѹд'но. ємѹже н͠нꙗ б͠лгочьстивѹющеи.
покланꙗюще поємь б͠а. иже блг(д)тꙗ тебѣ подаль ѥ(с)⁘~
Кто слышан'ныи твоѥ хвалы сьтворить х͠е слове виде твои блг(д)ты.
юже стра(д)л'цемь своимь подаль ѥси. Димитриꙗ бо се миро м(ч)н͠ка.
ꙗко источникь истачаѥть. бл͠гоѹханиѥ же дыхаѥть. и разарꙗѥть зльь ѡмрачениѥ.
Напаꙗше ѹбо источ'никь ѿ землѥ вьсходещь. прьвѣѥ ѡдьж(д)ити в'се сеѥ лице.
тыи же ськрыв се м(ч)нче по(д) землѥю. и источ'ныкь ꙗвиль се ѥси
бл͠говониꙗ миро Димитриѥ. копиꙗ бо множь(с)тво ѿврьзоше жильь.
н͠нꙗ мирꙋ напаꙗѥши кон'це.
(богородичен)
Невѣстѹ б͠жию те и м͠трь вѣмы и б͠це. те бо ꙗко миро
д͠хов'нѣиши потокь ѡбрѣте. сло(в) б͠жиѥ. цвьтѹщь вь ѹдолїи
смѣрен'наго члч(с)ьства вьж(д)елѣ твоѥи добротѣ.
ис тебе пльтоносць приш(д)ь вѣр'ныиѥ oблаговониль ѥ(с)⁘
пѣ(с). е͠. инь їрм(с). Вьскѹю.
Бы(с) приѥтилище, иже сь н͠бсе сьш(д)ьшомѹ за мл(с)рдыѥ ꙗкоже дьж(д)ь
или каплꙗ каплюще кротко. ѹпои се таин'ныими дарѡванми.
и н͠нꙗ из гроба мира источникь истачаѥши Димитриѥ.
Стр(д)аныи ꙗкоже закѡнь. в'сакое мир'скыиѥ oбнажь се любве.
и пытѣ се м(ч)ниче масломь блг(д)ты д͠хов'ныи(х). побѣж(д)ь же т'мѣ начела,
почьсть приѥть. истачати муро сла(д)ковон'но Мимитриѥ (sic!)⁘
Шипкы ꙗви се процвьтїи, вьнѹтрь сада г(с)нꙗ Димитриѥ.
oбагрень крьвию м(ч)ни(м) и ранами. сѣчен'ныи болезньми стр(д)альчьскыими.
рож(д)иѥмь пещи. и н͠нꙗ муро истачаѥши при(с)нотекѹщеѥ⁘
Се пакыи зрит се бж(с)твн'ныи ковчегь храмь м(ч)нка. идѣже свѣщныкь вьнѹтрь.
гробное се муро и масло. єго же ѿ кр(с)ть вьзыгра ѥ мь д͠хов'но.
и ликѹюще вьсхвалимь великааго Димитриꙗ⁘~
Новыи ꙗкоже Илиꙗ, ревностию снѣдаѥмь х(с)ви любве. ц͠ра ѡбличаѥши.
и себѣ прѣдаваѥши на сьмрьть. ѻбаче живеши єще мира источныикь
показавь гробь, ꙗкоже скѹдѣл'никь масла неистьщаѥмыи⁘
б(о).
Написѹѥт' ти д͠во древлѥ таиньство. поѥ прѣѿцьь твои.
ц͠ревѣ дьщеры слава, в'са вьнѹтрьюдѹ. иже те прославль,
ꙗко бл͠жен'нѹю чл͠кѡмь. ра(д)уи се мира в'сего вьз'ваниѥ.
пѣ(с). ѕ͠. инь їрмо(с).
Ѻцѣсти ме сп͠се многаа бо безакониꙗ моꙗ сѹть. из гльбины злъ моихь
вьзведи ме м͠лю се. к тебѣ бо вьз'вахь, и ѹслышаа ме б͠е сп͠сениꙗ моѥго⁘~
Процвьль ѥси д͠хов'но ꙗко маслына пло(д)витаа.
и копиѥносныими рѹками, нѹжь(д)но изьгниѥте се.
вѣр'ныи(х) же ѹтишаѥши. муро н͠нꙗ истачаѥши,
бж(с)тв'ннымь гробом си Димитриѥ.
Пчелиныимь ѻбразѡмь, себѣ дѣлателꙗ в'сакои показаль ѥси
б͠готвор'нѣи добродѣтелы. д͠шꙋ бл͠жен'не непорѡч'нѹ,
ꙗко сьѡбразнѹ телесы сьблюдаѥ.
и муро н͠нꙗ истачаѥши, ѹслаж(д)ающеѥ д͠ше⁘
Възлюбиль ѥси ѿ д͠ше х͠а. и семꙋ послѣдоваль ѥси
кь мирꙋ бл͠гоѹханиꙗ. и сего причести се смѣшениѥмь лѹчьшїимь.
и н͠нꙗ мира стрꙋе истачѥши непрѣстан'но Димитриѥ⁘
Каплѥ стра(д)ниꙗ, на землю крьвыи твоихь каплюще.
б͠говониꙗ мура источ'ныикь сьдѣлааше. и н͠нꙗ сїи непрѣстан'но,
почрьпающїимь истакаѥть Димитриѥ⁘
Потомь твои(х) мѹдре крьвыи oкроплѥнь.
ꙗкоже инь новыи источныикь. трѣбѹющїимь богат'но подаваєши
вь исцѣлѥниѥ, своѥ муро бл͠же(н). ѹсрь(д)но приходещїимь⁘
(богородичен)
Зреще златовидныи свѣта свѣщныикь неѹгасимыи.
иже множьствомь грѣ(х) д͠ше ѡмрачихѡмь, пристꙋпимь
даваѥть бо просвѣщениѥ. и в'сако ѿганꙗѥть ѡмрачениѥ.
ко(д). гла(с). в͠. по(д).
Крьвїи твоихь стрꙋꙗми Димитриѥ. ц͠рковь б͠ь ѡбагриль ѥ(с).
давыи ти дрьжавѹ непобѣдимѹю. и сьхранꙗѥ гра(д) твои неврѣдимь.
томѹ бо ѥси ѹтврьж(д)енїе⁘
їко(с),
Сего великааго вьспоѥмь, сьш(д)ше се вѣрою, ꙗко ѡрѹжника х(с)ва и м(ч)ка Димитриꙗ.
вь пѣ(с)не(х) и пѣнїихь. сьвьзывающе, вл(д)цѣ и зыж(д)ителю вьселѥн'ныиѥ.
избави на(с) трѹса нѹж(д)е чл͠колюбче. молитвами б͠це, и всѣ(х) ст͠хь м(ч)нкьь твоихь.
на те бо в'си ѹповаємь. избавити се бѣдь и скрьбеи⁘ тому бо ти ѥси ѹтвр:~
пѣ(с). з͠. инь. їрмо(с). Дѣти єѹреискы⁘
Водѹ почрѣст Исаина, жеж(д)ѹщїимь Димитриѥ прѣ(д)повелеваѥмь.
аще бо би видѣль твои гробь, възꙋпиль би в'сако,
мира источникѹ приходите, и почрьпите сп͠сениѥ⁘
Земли ѹбо исчедыѥ бывь. вьселиль же се ѥси
вь земли кроткыи(х). идѣже вода пищи. ѥѥже и пити вь ситѡсть,
мура источ'ныикь пр(с)ныи, н͠нꙗ Димитриѥ поливаєши⁘
Вьзрасте ꙗкоже лоза вь виноградѣ. прѣбывае неѿсѣчень б͠ви сьвькѹплѥнь.
и сего испльные масти неизречен'ныиѥ, муро ꙗко стрьдь всѣмь,
н(н)ꙗ Димитриѥ истачаѥши⁘
Ѻ новим' ти боренїе(м), ѡ стран'ныимь м(ч)нч͠ьскыимь стра(д)ниѥмь.
твоѥ бо поти, иже за нь пролиꙗв'шеѥ се. бл͠жен'не х͠сь приѥмь,
источныикь мура те показѹєть⁘~
Стрѹю мира твоего проливаѥши, велию пѹчинѹ прострѣль ѥси чюдесь.
и д͠шамь и тѣлѡмь недѹгыи потаплꙗѥши. и напастеи Димитриѥ.
в'сакѹ бѹрѹ ѹспиваєши⁘
(богородичен)
Млѣкомь питѣла ѥси, пльтоносца б͠а бывшаа.
ꙗко да болѣзнь Адамовѹ сѹщѹю вь адѣ ѡбльг‘чить.
ѿ дрѣва снѣдшаа разѹмнааго. и заповѣди прѣслѹш'ныика⁘
пѣ(с). и͠. їнь їрмо(с).
Седмь на соб'ннѹю пещь, хал'дѣискыи м(ч)т͠ль.
б͠гочьст(с)ывыимь лютѣ ꙗко раж(д)же ю. силою лѹчьшею,
сп͠сныихь видѣвь. твор'цѹ и избавителю вьпиꙗше. дѣти бл(с)вите⁘
Да б͠ь ꙗвлен'наа сьтворит' те, сѹщїимь вь мирѣ Димитриѥ.
негасимѹю свѣщѹ д͠шевнѹю сьхран'шаа. масломь дѣтелѥ и напоѥн'нѹ в'сег(д)а.
и ꙗкоже чрьтожныиѥ тебѣ ѿврьзоше(с) дв͠ры. пр(с)нотекѹщь источ'ныикь мура
те бж(с)тв'н'наго показѹєть вьзьмьз(д)ыѥ ч(с)тоты, сию да(с) блг(д)ть.
Не ѿ крьвїи ꙗкоже ре(ч) ч(с)тноѥ їєу(г)лїе. ни ѿ волѥ пльти Димитриѥ.
ѿ б͠а же рож(д)ь се. вьпльщен'наго почитає б͠а. крьв' же ѹсрь(д)но того рады
свою излиꙗвь. вьсприєль ѥси свише, чюдеснѹю бл͠годѣть⁘
Тыи лѣствица ꙗви се ѡд͠шевлѥн'наа. на земли ѹбо ѹтврьж(д)ена стопами пльти
до нб(с)ь же досежѹщїи. б͠а бо ѡбогати се ѹтврьж(д)ен'нааго м(ч)нче вь тебѣ.
стльпь же ꙗви се помазань маслѡмь. подвигы м(ч)ниꙗ.
и н͠нꙗ истачаѥши вѣрою пристꙋпающїимь, источныикь бж(с)твннааго мура⁘
Те рѣкѹ прописа б͠жию наводнѥнѹ. поѥ Д͠вдь пр(о)рчьскыи Димитриѥ.
се бо неистьщаѥмо прихож(д)ениꙗ твоєго мира. тѣмь и множьство рѣкь наводнꙗюще се.
гласи своѥ вьз'висеть. рꙋками же вьсплещѹть. вь славѹ си(х) прославльшомꙋ те б͠ѹ⁘
Б͠ь єдинь трьст͠ыи. ты б͠е всесил'не. єгоже б͠гословѹєть стра(д)л'ць Димитриѥ.
вь тьм'ници затвараѥт се. и сь скорпиѥю чювьствьн'ною, змиꙗ ѹморивъ мисльнааго,
и грьдыню Луєвѹ низложь, Несторѡмь бж(с)твьн'ныим копиѥмь проб(д)аѥт' се.
и миро н͠нꙗ ѿ гроба истачаєть⁘
б(о)
По адѣ г͠ь, по Евѣ ти ꙗви се ч(с)тꙗя. Гаврїиль же по льстивнѣмь змїи.
кр(с)ть же за дрѣво. врьтогра(д) гроба вь мѣсто Едема.
ра(д)уи се вь мѣсто печалы копиѥ. вь мѣсто пламен'наго oрѹжиꙗ.
и багреница. вь мѣсто смоков'наго листвиꙗ.
те ѹбо поѥмь oтроквице, ꙗко сїимь виновнѹю⁘
пѣ(с). ͠. инь їрмо(с).
Ѹдивыи се ѹбо ѡ семь н͠бо и землꙗ ѹжасоше(с) кон'ци. ꙗко б͠ь чл͠комь
ꙗви се пльтию. чрѣво же твоѥ бы(с) простран'нѣишеѥ нб͠сь.
тѣм' те б͠це аг͠гльь и чл͠кьь чиноначелиꙗ величаѥмь⁘~
Приѥмь свою стьклѣницѹ д͠шевнѹю. добродѣтелеи бж(с)твьн'нааго мира
испльнѥн'нѹ. имѣ ѥже х͠а прѣклоншааго тебѣ м(ч)нче главѹ.
ꙗко ѹпокоив'шаа се житиꙗ свѣтлостию твоего ч(с)тою. тѣмь ѹбл͠жиль се ѥси.
и блг(д)ти испльни се. муроточити мир'скы(м) кон'це(м)⁘
Се чаюїищих' те вьз(д)анїи неизречен'ныи(х). свѣтлаа прѣѡбражениꙗ.
се источ'ныикь мира пр(с)нотекѹщаа ѡ стр(д)ал'че.
б͠ви ѹбо прѣ(д)стоѥ. сь дрьзновениѥмь м(ч)н'чьскыимь.
ц͠ремь испроси на вар'вары побѣдѹ. и цр(с)тва кон'ць неѿемлѥмь⁘
Ѻбразѡмь кр(с)та неѿѥмлѥмаа побѣдотвор'ца. побѣдиль ѥси г͠и
неѿѥмлѥмо Луєво сѹрѡвьство. и побѣдителꙗ Несторꙗ и сьстр(д)ал'ца поставьль.
н͠нꙗ в'сакь єзыкь вар'вар'скы, работнь показаль ѥси ц͠рꙋ. сьдѣтельствѹѥ,
сьвоиньствѹє. ѹкрѣплꙗѥ величаѥ, земльниѥ конце Димитриѥ ⁘
Тепломь ср(д)цемь любовию твоѥю, ч(с)тномѹ ков'чегѹ твоємѹ притекающеѥ.
м(ч)нче х(с)вь. мурѡмь пролѣвающїим' се рѣками. твоими м͠лбами избави,
дѣльь д͠ше тлѣн'ныихь потопа стр(с)теи же смрада, oбонꙗниꙗ же покажи
тѣхь г(с)ви бл͠говон'наа⁘
Дн(с)ь радосты д͠хов'ныѥ, сьврьшаѥмь Димитриѥ. видеще муро твоѥ,
в'сь напльнꙗюще источ'ныикь. ты иже стр(с)темь oмрачениѥ разараѥ.
ꙗко бж(с)твн'наа и†спльнѥнь свѣта. ꙗко вь д͠не даваи ходити б͠гоѡбраз'но.
б͠жїи же видѣти свѣть непристꙋп'ныи⁘
(богородичен)
Тыи всеч(с)таа, златаа голѹбица ѥси. ꙗже сѹчьць маслыин'ныи прозебши.
сло(в) б͠жиѥ. помазав'шеѥ тѣло своѥ масломь бж(с)тва. єгоже вь ср(д)ци ꙗко ков'чегь
приѥмь стра(д)льць. ѿ гроба мироточить, и ѹмащаѥть вѣр'ныихь лица⁘~
свѣ(т). по(д). Свѣть непристѹп'ныи⁘~
Кр(с)томь вьѻрѹжиль ѥси Нестора. тѣмь же Луєвѹ разорыи грьдиню.
Димитриѥ на сѹдищи. ꙗко же х͠с ѿврьзаѥши ребра своꙗ.
имы (sic!) иже стадо своѥ сьхранꙗи⁘
(богородичен за труса)
Г͠и призыираѥ на землю сь н͠бсь. и творе ю в'сѹ тре‘сти се. избави на(с) ѿ трѹса,
б͠це м͠литваами. юже дароваль ѥси хр(с)тиꙗнѡмь, прѣ(д)стател'ницу⁘~
на хва(л). стре(х). гла(с). д͠. по(д). Ꙗко доблꙗ кь м(ч)нцѣ(х)⁘
Прободень бывь, бор'ца своими копиꙗми ѹпраз(д)ниль ѥси.
и мрьтва сьтворыль ѥси и недѣиствьн'на. єгоже злобы Димитриѥ на(с) избави.
крѣпкыи на стр(с)ты мѹчещеѥ в'сег(д)а сьдѣваѥ. с͠щен'ныими си м͠литваами.
Рѣкѹ те испльнѥн'нѹ, водь д͠хов'ныихь вѣдѹще с͠те м͠лимь.
истаꙗв'шеѥ д͠ше н͠ше. стр(с)теи прѣстꙋплѥн'ми.
мл(с)тию си многою с͠щен'но oроси. и ѿ тьмыи сѹщѹю скврьнѹ
и прѣмногыихь избави скврьнь и бѣдь, и вѣч'наго м(ч)ниꙗ⁘
Ꙗко свѣтил'ныикь прѣсвѣтль, на земли показаль се ѥси.
чю(д)сь сиꙗнми по(д)сл͠нчнѹю, просвѣщаѥши, в'сег(д)а Димитриѥ славне.
мъгли ѡмрачениѥ ѿгоде (sic!) м͠льбами си д͠шамь н͠шимь, и недꙋгы исцѣлы.
иже любовию творещїимь паметь твою, красота м(ч)нкѡ(м) и похвала⁘
сла(в). гла(с). д͠. самогласно⁘~
Иже копиꙗми наслѣдовав'шаа, и сп͠сныи(х) ребрь блг(д)ть.
прободен'ныи(х) копиѥмь. из них'же намь истачаѥть сп͠сь.
жиз'ны неистлѣниꙗ воды. Димитриꙗ почьте(м), прѣмѹдрааго вь ѹченыи(х).
и вѣньч'ныика вь м(ч)ницѣ(х). иже крьвию скон'чавшааго стр(д)аниꙗ течениѥ.
и чю(д)си просиꙗв'шаа в'сѣи вьселѥн'нѣи. ревнителꙗ вл(д)чнꙗ и мл(с)тиваа нищелюб'ца.
иже вь многыи(х). и множицею бѣдахь лютыи(х). Солѹнꙗномь прѣ(д)стателꙗ.
єгоже и лѣт'нюю паметь почитающе, славымь х͠а б͠а.
дѣиствѹющаа ѥго ра(д) в'сѣмь исцѣлѥниꙗ⁘
и н(н). б(о).
славослѡвиѥ, великѡ. тро(п). и ѿпѹсть⁘~
Препис в сръбски празничен миней от края на XIV в. от манастира Печ № 53 (на лл. 65б–79а)