тро(п). гл(с). г͠.
Велиꙗ ѡбрѣте тебе вь бѣдах помощника. Солѹнь славныи стр(с)трьпче.
поганныѥ побѣж(д)ае. ꙗко и Лѹѥвѹ грьдиню раз(д)рѹши. и Неѡстора
на сѹдищи ѹкрѣпи. тако с͠тыи Димитриѥ. м͠ли х(с)а б͠а. даровати...
Приспѣ же паметь с чл͠вколюбиѥмь. нападшемѹ на ны. страшномѹ прѣщению трѹса. многыихь ра(д) н͠шихь грѣховь. вь е͠. м͠в. лѣ(т). и ѥже скрьбѣ. вь цр(с)тво законопрѣстѹпнаго Льва. и Савра. вѣ(д)ти по(д)бѥать. ꙗко вь д͠ни Василиꙗ и Костандина ҂ѕ͠. у͠. ҁ͠. и͠. лѣ(т) многы ра(д) грѣ(х) н͠шихь бы(с) трѹсь. вь тьи д͠нь. вь ча(с) .г͠. нощи ѥг(д)а славныи храмь. великые б͠жиѥ цр͠кве спаде се. и мнозыи храми и стѣны падоше⁘
Прѣславныи х(с)вь м(ч)н͠кь Димитриѥ. бѣше вь цр(с)тво Диѡклетиꙗна. ѿ Солѹнскааго гра(д). бл͠гоч(с)тив сын. и ѹчитель х(с)вы ра(д) вѣры. шь(д) же Максимꙗинь вь Солѹнь. и оувѣ(д)вь ѡ с͠тѣмь Димитри. ꙗко хр(с)тиꙗнинь ѥ(с). ѥсть ѥго м(ч)и и затвори имѣше бо Маѯимиꙗнь воина самоборца нѣкоѥго. именемь Лѹꙗ. и хвалꙗше се ѡ нѥмь г͠лѥ. ꙗко не ѡбрещет се кто побѣдити Лѹꙗ ѹвѣ(д)вь юноша нѣкто именем Неѡсторь. вьзревновавь. и шь(д) вь тмницѹ кь с͠тмѹ Димитрию. и вьзеть ѿ нѥго мл͠твѹ. и побѣдивь Лѹꙗ и ѹби и. печален же бывь Маѯимиꙗнь сьм͠рти ра(д) самоборца. по семь ѹвѣ(д)вь ꙗко повинень ѥ(с) сьм͠рти ѥго Димитриѥ. и бы(с) послань вь тьмницѹ. и ѹби и копеиныимь прободень ѥмь⁘
Станиславов (Лесновски) пролог от 1330 г. (л. 48а–48б)