Сара беше дв҃ца, имаше лѣпотоу велию и моудро(с) и хрьлость. и ре(ч) г҃и б҃е мои вьсьленеи, ѥда даль ѥ(си) мнѣ вса добраа. азь моужа непоим(оу) доидеже ти г҃и прѣпоустиши мнѣ. и хранаше дв҃ьство своѥ. агг҃ль гн҃ь поиде вь снѣ кь саррѣ и ре(ч) ѥи. на оутріꙗ, изиди сь скоуделнико(м). водоу почрьпи и стои тоу на поути доидиеже ѹзриши чл҃вка дрехла и грьда. и призови ѥго авраме и не оуплаши се ѥго ноу прими. тебе бо рч҃е г҃ь сь аврамо(м) вь цр(с)тво нб(с)но вьселиши се. на оутрїꙗ изиде сарра где рче еи агг҃ль. и видѣ члв҃ка гредоуща. веке свѣта грьда. и рч҃е сарро даждь ми водоу пити. ѡна поѥмши аврама вьсвоꙗси и прѣб(с)ьі тоу .и҃. мц(с)ь. и вьставше поидоше вь месопотамію и грѣдоущи кь неи рч҃е аврамь. нерци азь моужь твои ѥсьмь. понеже тебѣ ра(д) хощеть мене оубити. ноу рци брать мои ѥ(с) тако вьнидоше вь месопотамію. и сѣдоше бьскраи града по(д) стрѣхоу. и видѣ ѥдини пеидопоу(л) хетеꙗ цр҃а и повѣда ц҃рѹ рч҃е. ѥдинь члв҃кь придѣ сь сестрою ѥврѣинь. ѿ земле ханаѡ(н). прѣкр(с)на ѥ(с) сестра ѥго. пои(д)е цр҃ь оу проѥздоу и видѣ ю е ре(ч). оумиите ю вь бани, и ѥгда бьі(с) навчерь повѣлѣ привести ю. и ѥгда приведо(ш)(е) сарроу кь цр҃ѹ. тогда а(р)хагг҃ль михаиль ави се кь цр҃ѹ страшьнь, мьчь на(г) ꙗко ратни(к) дрьже. фонерь гла(с) рч҃е ѥмоу неприкосни се кь праведничи жене. злѣ тако и сь градо(м) твоимь погибьль ѥси. и вьса полата вьстрепета, цр҃ь кличе вьзвратите женѹ же бо погибаю. ѥгда вьзврати се сарра, прѣста трѣсти се полата. на оутріꙗ цр҃ь рч҃е призовѥте ми аврама сь сарр(о)ю. и вьпроси и рч҃е коѥга б҃а имаши аврамь рч҃е ѥдиного б҃а мл҃ю ѥже сьтвори нб҃о и землю. Цр҃ь рче вели(к) в҃ь твои ѥ(с) стра(х) вели(к)ме не ѡбдржит. аврамь ре(ч) гдѣ б҃а моѥго видѣль ѥси. цр҃ь рче кь мнѣ страш(н)ь ꙗко ратни(к) ꙗви се сор(о)феѡ приде вьса земла трепето(м) ѡ(д)рьжима бѣ. аврамь рче г҃ь мои и б҃ь мо(и) невиди(м) есть. а ѥже ѥси видѣль, то слоуга б҃а моѥго ѥ(с). цр҃ь рче вьистинѹ вели(к) б҃҃ь твои ѥ(с), приведи и мене кь бо҃у твоѥмоу и прѣда(с) ѥмѹ вьсь домь свои, и би(с) г(с)нь домоу цр҃евоу.⁘
Препис в ръкопис № 677 (Тиквешки) от втората половина на ХV в. НБКМ, София, л. 30а-31а