Хроника на Георги Амартол

Цр҃ь же Никифоръ, на нѧ съборы и еп(с)кпы събравъ, на ѡземствие и(х) посла. таче на Блъгары вовеватъ, побѣди а крѣпко, ꙗко е гл҃емаго двора кн҃зѧ и(х) Аптокроумлѧ пожещи. ѡномоу(ж) нарѣчие пославшоу с молебными словесы и рекошоу: „довлѣеть, ти, ѡ цр҃ю, доселѣ и побѣдити землю се бо бошию побѣдилъ еси и на(с)”. цр҃ь же не послоуша ѡтиноу(х) мирскы(х) гл҃ъ многыа ради нисытости. тѣмь съгроустивь си, варваръ въ страны своа входы и исходы, заградивь твердьми древными, пославъ затверди и, за два дн҃и събравъ воа многы и въ цр҃ви въ шатеръ вше(д), оубо его и всѧ велможа его и владоущемъ въиновъ и воинъ бесчислено. Никифорꙋ(ж) главоу оусѣкноувъ, на древѣ повѣсивъ нѣ за коликѡ дн҃і, потом же ѡбнаживъ лъба и ѡковавъ сребромъ извноу, и повелѣ пити из неа кн҃земъ Блъгарскымъ, хвалѧ сѧ ненасытовствовавшаго и мира не хотѣвшемꙋ. тѣ(м) исписание, оутверждаа прежде, гл҃ше: не пресыщаисѣ, ꙗко пренресыщаемъ мнози оумрошѧ. а иже внимаꙗ живота приложи(т). и многыа погоуби злато и ср҃цемь цр҃емь оуклони. колици бо болшемоу желающе ѿ всего испадошѧ, и избыткы събирающе погоубишѧ съставно и малы(х) и мало потребна, и законноствовавшимь законы и оуставы престоупивше и ѿ смѣрены(х) ѡбнаживше сѧ. тѣмь подобаеть съ оумомъ ѡставлѧти избытъчнаа, да добрѣ требованіемъ богатим сѧ. ибо не богатства не имѣти, но са не требовати богатства богатство е(с) велие. ѡбраз же цр҃ва оубіиства никто же ꙗви пришедши(х) исповѣда ѡба(ч) вѣщашѧ нѣціи истовии, ꙗко падшоу сѧ емоу с конѧ, хр(с)тиане его прободоша, ꙗко винова(т) бы(с) препогыбелі ихъ. сн҃ь же его Ставракіи ꙗзвен бы(с) ꙗзвою в десноую бедроу и едва изиде ис плъка, на носилица(х) в Костѧнтинь гра(д) приде.

Септемвриа м(с)ца и дн҃ь .в҃. Семенъ, кн҃зь Блъгарскыи, съ всѣми вои на Костѧнтинь гра(д) изиде и поплѣци Фракию и Македонию, понеже всѧ и потреби, сады исѣче. до Влахерны же пришедшоу емоу, проси же, да послеть емоу Николоу патриарха и нѣкои(х) велможь, ꙗко да с ни(м) бесѣдоу створить ѡ мирѣ. поаша(в) тали межи собою, изиде же прежде Никола патриархъ, послѣди же Михаилъ патрикіи, гл҃емые Стоуниѿ, Іѡаннъ саномъ Мьстикъ се же и премногыи. бѣ бо Іѡаннъ ректоръ наг҃лань к пр҃ви и впиоу створи(т), ꙗко не здравить, посла да сниде(т) с полаты и въ свои манастырь, искрь си Гаракринь, постриг сѧ. си же оубо съ Семено(м) ѡ мирѣ гл҃ахоу, Семеѡн же ѿпоусти а, самого цр҃ѧ Романа искаше видѣти. ѿ многь бо оурѣшиеное емоу бѣ ѡ смышленіи его и моужьствиа разоумъ. цр҃ь оубо ѡ се(м) зѣло възрадова сѧ, любѧ миръ, и да бы сѧ оуставило кровопролитие же по всѧ дн҃и бываемо. пославь оубо въ Козмидского брега, оустрои твердыи примость в мори, ꙗко цр҃комоу ѡлѧди, приплывъшоу к немоу, пристати. ѡгради же оубо всюдоу разъграженіе посрѣ(д) быти, повелѣ идеже междоу собою хотѧщема има быти и бесѣдовати. пославь оубо Семенъ цр҃квь ст҃ыа бц҃а пожже въ Пигіи, рекше источникъ, юже Иоустианъ цр҃ь създа, и ѡкр(с)тъ еꙗ всѧчьскаꙗ, тѣмь и ꙗвль сы не хотѧ мира, но надеждами высоками его прелщаа сѧ, прише(д) же въ Влахернѣхъ цр҃ь коупно с Николою патриархом, въ ст҃оую цр҃квы впиде, иде ст҃аа рака гл҃емаа, и роуцѣ распростре на мл҃твоу, таче ниць па(д). слезами землю ѡмочи, прч(с)тѣи бц҃и молѧ сѧ непрестанно и нелтивꙋ гръдаго Семена сл(д)це оумѧкчити и сътворити его, да бы сѧ на миръ сложилъ. и ст҃ыи оубо ковчегъ ѿвръзоша, идеже ч(с)тно сг҃ыа бц҃а риза скровена, се же цр҃ь ѿтоудоу вземь, ꙗко въ бронѧ нерастръзаны ѡблече сѧ, и вѣроу, юже имѣаше на непорочноую бц҃ю, ꙗко шлемь нѣкыи на главоу възложивъ, изыде изъ цр҃кве, ѡроужіи твердыми въѡроужив сѧ и оутвръдив сѧ, воемъ соущимъ с собою щиты и ѡроужиемь оукрасивъ, на наре(ч)ное мѣсто приде бесѣдовати съ Семено(м). четвертокъ бѣ дн҃ь, егда бы(с) се, .о҃. дн҃ь ноевриа м(с)ца .д҃. ча(с) дн҃е. приде Семенъ, мно(ж)ство много по собѣ водѧ, на многы полкы раздѣли, ѡвы за златыми щины и съ златыми копіи, иніи же различными копіи ѡроужіи оукрашени, всѣ(м) желѣзомъ оутверженомъ. си же посредѣ собе имѣахоу Семена, ꙗко пр҃ѧславѧще Гречьскымъ сано(м). вси же в болѧрскомъ съвѣтѣ соуще, на градѣ стоаще, срѧхоу творимаа бѣ оубо видѣти тогда дш҃ю цр(с)коую и велемоудреноу соущоу и дивовати оума его невердима и моуоьска предстоаниа, ꙗко толико пришествие соупостатны(х) видѧ, не оудиви сѧ и не оустраши сѧ ли ѿиде, но ꙗко плъкъ многы(х) дроугь сы, бес трепета вниде, спроста дш҃ю соуностотомъ за своа ѿдаа. прежде оубо паеже преджере(м)ныи прише(д) къ примостоу, Семена ѡжидаше. егда тали ѿ обою страноу поꙗти быша, и примостъ Бльгаромъ истово исплытавшемъ, еда где каа прельсть ли хитрость бываеть, сниде Семенъ с конѧ и к цр҃ви вниде. цѣловавже(с) дроугъ дроуга, ѡ мирѣ словеса повдигоста. ре(ч)но же бы(с), да гл҃ть цр҃ь к Семеоноу: „слыша(х) тебе бг҃очьстива чл҃ка и хр(с)тиана соуще истинна, вижю же дѣла никако к словесемъ сключающе сѧ. воиноу(ж) бл҃гоч(с)тивоу чл҃коу и хр(с)тианоу еже миръ любити и цѣловати, зане бо любы богъ бы же и гл҃ет сѧ, нечестивы(м) и нев҃рны(м) радовати сѧ ѡ оубіиствѣ и крови бес правды проливаемѣ аще оубо истинныи хр(с)тианинъ еси, ꙗко(ж) оурѣшнено ми бы(с), ѡстави сѧ неправедны(х) оубіиствены(х) и невиноваты(х) крове пролитии, створи с нами хр(с)тианы миръ, и самъ хр(с)тианъ сы именоуемъ, и не въсхощи ѡсквернити хр(с)тианъ ѡсквернити десница кровию единовѣрны(х) хр(с)тианъ. чл҃къ сы са(м), см҃рти чаꙗ и въскр(с)ние и соу(д) въздаанию дне(с) еси, а оутро въ пра(х) раздроушиши сѧ.