Въ .з҃. лѣто при(м)и гра(д) Римъ Костѧ(н)т(и)н бж҃їи оугодникъ. преж(д)е всего мощен ст҃ы(х) мч҃никъ. повелѣвъ събирающе съ ч(с)тью поклонѧт(с)и имъ. и з҃ дн҃и ни празникъ творѧще ра(до)вахоу сѧ. славѧще бг҃а и хвалѧще Костѧ(н)тина доб(г)лѧ. Въ .і҃. лѣто цр(с)тва Костѧ(н)тина. Максими(н) сн҃ъ Галерїевъ влѣзъ са(м) въ цр(с)тво злѣ оумре в Киликїи. слышав(ж)ъ Максимьа(н) Галерїевъ сего цр҃ь. ꙗко Максе(н)тїи сн҃ъ Еркоулїевъ в Римѣ ѿ Костѧ(н)тина погыбе. силою кр(с)тною оубояв сѧ ѡста сѧ не моуча хр(с)тїа(н). Въ .і҃. лѣто Костѧнти(н) Великы. съ Ликїемъ кесаре(м) ѡ бз҃ѣ зависть имы. иде с вои на Макси(м)ана Галерїа на востоцѣ власть имоуща. и сь же и зрѧ(д) въполчь сѧ с мнозѣми вои приде противоу на(м). и съвокоупи сѧ с ни(м) на сѣчю. поваꙗ волшьбами. кр(с)тоу же несомоу пре(д) великы(м) Костѧ(н)тинѡ(м). кде сѧ и сни(до)ста на сѣчю. тоу(ж) и побѣже мч҃тль тъ с вои своими сѣкѡ(м) зѣло. сверьже и ризоу цр(с)коую. ѡблече(с) оу ѡмина взе(м). прїазнивы(х) моу(ж) пои(м) мало. сквозѣ вси крыахоу сѧ оуиде и чародѣица и дольскыа и волхвы славныа акы лестьца исѣче. Иероусали(м)скы еп(с)пъ .к҃. лѣ(т). Антиѡхїискы еп(с)пъ Евсевїи лѣ(т) и҃і. Въ .м҃. лѣто доброч(с)тивомꙋ Костѧ(н)тиноу. хотѧщꙋ живаго ꙗти. Галерїа Макси(м)ана. варивъ бж҃їи гнѣвъ погꙋбї н. пламы бо изо оутробы и из мозгъ емꙋ изыде. и на земли нинь лежа. пламене(м) д҃ша его великꙋ болѣзнь имѣше ꙗко(ж) и ѡбѣ емꙋ ѡчи искочиста. и ѡслепе скверненїтъ тъ а плоть емоу гнѣющи ѿпаде. ти тако гнїа изверже дш҃оу соупоста(т) бж҃їи. Въ .ві҃. лѣ(т) Ликинїю помагавшꙋ бл҃гоч(с)тивомоу Костѧ(н)тиꙋ. странꙋ емꙋ ѡ(т(лоучивъ дасть ри(м)скы(х) людїи нарекы цр҃ѧ. повелѣв сѧ емꙋ ѡбѣщати. ꙗко(ж) не творити никоеаже пакости хр(с)тїано(м). да тоу ѡста мч҃тльство и гоненїе на нь бжїи(м) даро(м). мирьскы(х) лѣтъ. е҃.ѡ҃.і҃. бж(с)твеное въплощенїе лѣ(т) т҃.і҃. ри(м)скы цр҃ь Костѧ(н)ти(н). лѣ(т) .д҃і. вѵ(з). миръѳ .і҃. Въ се лѣто великы Коста(н)ти(н) въсеи земли ри(м)стѣи единодержатель бывъ. състроивъ все добрѣ. и пачель о имѣти нача. цр҃кви възграж(д)аа и ѕѣло а бг҃атѧ. Се прьбыи номѡ(с) рекше соу(д) въписа. да иде(ж) соуть идольстїи. храми да сѧ дають х(с)вы(м) часнико(м) на цр҃кви ѡбращати. номос(ж)ъ сы сн҃ ъ его Криспъ. полагаше с ни(м) вторыи да кр(с)тивьшеи сѧ точїю едини. въ санѣ(х) бꙋдꙋть страна(м)и вои владоуще. а и(х) не рачить кр(с)тити сѧ то главнꙋю казнь прїимоуть. Третїи великаго дн҃е ѡбѣ не(де)ли праз(д)новати. пре(д) воста(н)иымъ дн҃емь и по воста(н)иѣмъ. семꙋ всемꙋ сице соущꙋ милъ великїи и тихии бы(с) въ всѣ(х) люде(х). и вѣны(м) изрѧ(д)ное веселїе. видѧщи(м) текоущаго по всѧ дн҃и к вѣрѣ бж҃їи всѧ ꙗзыкы. и кр(с)тѧще(м) сѧ и(м). и идолы рекше капи събивающе. Ликинии(ж) доиде(ж) не бѣ сѧ зѣло възбѣсн(а). въ Антиѡхїю прише(д) Ѳеѡтекна во(л)хва. и с прочими много моучивъ погоуби. въ .е҃і. лѣто Коста(н)тине. Ликинїи нача кр(с)тїано(м) моукы творити. и пръвое иже въ полат(ѣ) бѧхоу хр(с)тїани ты(ж) ѿгна забывъ и(ж) бѣша пре(д) нимъ мч҃тли. чесо дои(до)ша. не(ж) се бѣ ѡброучи(л) Коста(н)тиноу. но в блоуды вънїде многы и бесправдїа. и оубиваше хр(с)тїаны и не престаше. семоу(ж) Коста(н)ти(н) книгы написавъ. повелѣ ѡстати сѧ зла дѣла. но не мо(ж) его ѡстати. се еп(с)па амеси(ч)скаго Василїа. ꙗко(ж) нѣцїи гл҃ють ст҃ыа мч҃никы .м҃. и ины многы моучѧ погꙋби. Въ .ѕ҃і. лѣ(т) Арїи проныривы. въ Алексан(д)рїи ере(с) свою въ цр҃кви показа. и раско(л) сътвори. помагающоу ем непрїазни. не мож(д)ааше видѣти цр҃ковны(х) оучитель. стронѣ живоущь. и бы(с) и троу(с) велїи въ Алексан(д)рїи. ꙗко(ж) мнози сѧ храми па(до)ша.и многы избиша. Въ з҃і. лѣто ꙗко(ж) гл҃ють Коста(н)ти(н) великы. съ скрипо(м) сн҃омь свои(м) в Римѣ кл(с)ти(с) ѿ Силвестра. ꙗко(ж) гл҃ють ри(м)лѧне рекоуше. погоубивъ мч҃тлѧ и тогда сѧ кр(с)ти. а и(ж) на въстоцѣ живꙋть. то ти гл҃ють в Никомидїи. ѿ Евсевїа кр(с)ти сѧ. оумрети хотѧ идѣ(ж) и оумре. мысль бо емꙋ бѧше кр(с)тити(с) въ Іерданѣ рѣцѣ. но азъ мню. ꙗко(ж) и Селвестро(м) есть кр҃ще(н). аще бо бы некр(с)тенъ. то како бы на соборѣ никеистѣ(м). съ ст҃ыми ѿц҃и сѣдѣлъ. колико бы камка(л). или до ко(н)ца на слоу(ж)бѣ с ними стоꙗ(л). мирьскы(х) лѣ(т) е҃.ѡ҃.еі҃. бж(с)твеное въплощенїе лѣ(т) .т҃. е҃҃і. римсьскы цр҃ь Саворъ лѣ(т) .о҃е. виз(н)тїискы еп(с)пъ .в҃. лѣ(т) .к҃д. Въ се лѣто .к҃. лѣ(т) Конста(н)тинꙋ авгоустꙋ ско(н)ча сѧ. и бы(с) съ ст҃ыми раве(н). и .а҃. соборъ .т҃. и .и҃і. ст҃ы(х) ѿц҃ь. ѿ ни(х)же ч(до)ю творци. и акы агг҃ли бѧхоу еп(с)пи. знаменїа хв҃а на своеи выи носѧще. ѿ прьвы(х) моукъ. в ни(х)же бѧше Паѳнотїи. и Спиридо(н). и Макарїи. и Инсивн(н). Иꙗковъ ч(до)ютворець. и мр҃твыа въ въскр(с)ше. и ина многа чю(д)са створише. да ст҃моу собороу въ Никеи. вѵфиньстѣи бывшоу. старѣишїи бѧхꙋ. Макарїи ер(с)лмыи. и Алексан(д)ръ алексан(д)рїискыи. а за ри(м)скаго еп(с)па пришла бѧшета битъ. и Викентїа а антиѡхиистѣи цр҃кви. то г(д)а не имоущи еп(с)па. събравшеи сѧ ѿц҃и преставиша Еоустаѳїа еп(с)па пересоурьскаго. а Алексанн(д)ръ вѵзантїискы не прииде на соборъ. имь(ж) старъ бѧше ѕѣло и боле(н). но прозвѵтери намѣстници емꙋ приидоша тꙋ. тог(д)а и Паѵлъ новокесарьскы тоу бѣ. и инїи ст҃їи моужи хитростью и житье(м) чюдны(м) сїающе. ѿ ни(х)же великы хвалы въ третїи(м) словеси е(ж) цр҃ю сътвори Евсевїи памѳиловъ въписавъ. всѣм(ж) изобилѧ. е(ж) требѣ бѧше. хр(с)тїѧныи и бг҃очьстивыа цр҃ь дааше. сеи(ж) сты великыи сне(м). помощїю ст҃ыа тр(о)ца. Арїа изверже и ины ж(д)евѣрныа. Евсевїа никоми(д)искаго . и четоу его. развѣ Евьсевїа памѳилѧ прїемшꙋ ѡмоусїе. въ малѣ рекше. единосоущье ти сїа съ предѣла ѿпоусти соборъ. и съ цр҃емь бл҃говѣриы(м). и(ж) ѡ все(м) бл҃гоч(с)тїи помагааше.
Препис в ръкопис № 1289, РГБ, ф. 310