Описание на Палестина от Константин Костенечки

ѿ порте великїе ꙗже на въстѡ(к) прѣма геѳⸯсиманїи до великы(х) вратъ  ꙁатворенⸯныи(х) .ф҃, стѹплѥнїи хож(д)енїемъ. ѿ голъгоѳы до двора пилатова .ѡ҃. пакы ѿ голⸯгоѳы до дома дв(д)ва .у҃. дѡмⸯ же дв(д)вь сїѡ(н) ѥ(с). || ѹспѣнїе б҃ци. въ самѣмъ сїѡнѣ. ѿ идѣже прене(с) солѡмонъ кувѡ(та) въ с҃таа с҃тыи(х), тѹ и гробъ дв(д)вь. тѹ дѡ(м) б҃ци. и таина ве(ч)ра. и горⸯничⸯно мѣсто. съшьствїе с҃тго д҃ха. тѹ ꙗви се ѹченикѡ(м) и ѳѡмѣ. тѹ грѡ(б) стефана пръвом(ч)нⸯка съ вьстока ц҃ркⸯви. тѹ стлъпїи сїѡнⸯстїи, и инаа многаа ꙁнамѣнїа. ѿ пирⸯга поꙁорⸯна(го) до ѹсеченїа рѹкы софонины(х) .ск҃в. и ѿ порⸯты великїе іер(с)лмꙋ въсточⸯнїе до стефанова побїенїа .т҃л. стѹплѥнїи. ѿтѹ(д) до срѣ(д) потока кѥдръска, идѣже помаꙁаше солѡмона на цр(с)тво .р҃. ѿтꙋ(д) до геѳⸯсїманїе .ѯ҃. ѿ тѹ(д) до пещеры идѣже х(с)а еше .м҃. ѿ пещеры до идеже ре(ч) оч҃е аще въꙁможⸯно ѥ(с) .с҃л. ѿ ерл(с)ма до вїѳанїе .҂е҃ф. въ віѳлѣеме же ѿ врътⸯпа рож(д)енїа, до крова б҃це .с҃к. ѿ иліны пещеры и до ерⸯмоны(м) горы малыи .҂а҃у. ѿ тѹ(д) до врь(х) идѣже въꙁн(с)е се илїа .с҃г. на погоръ .р҃к. и поравнꙋ до іѡрдана .т҃л. и пакы ѿ іер(с)лма до идѣже почитъ илїа бѣгае по(д) смрѣчїемъ .҂е҃ѡ. смрѣчїе по(с)бⸯно ѥ(с) вишны вѣщъше же. плѡ(д)мⸯ же др(ѣ)нїна(м). ѡб онъ по(л) іѡрдана полѥ елико ѿсꙋ(д). іѡрда(н) .н҃ стѹплѥнїе гдѣ ѥ(с) тѣскнеишее. ѿтꙋ(д) по сеи странѣ до продрома . ҂а҃. ѿтꙋ(д) кр҃щенїа .҂а҃. ѿ ерⸯмоны(м) до вѡ(д) іѡрдановы .ц҃к. ѿ продрома до еріхѡ(н) .҂ѕ҃ф. ѿтꙋ(д) до краи полꙗ .҂е҃х. || мало веки ѿ м҃це идѣже пости се х҃с, ѿ ц҃ркве с҃тго герасима къ со(д)мⸯскомѹ морꙋ, ҂в҃. іѻрданъ съ въстокь тѣчетъ. и по(д)битⸯ се мало стрѹмѣ. перинь гѻра на нѥи же прѣстави се мѻѵ̈сіи. петрьчь єрихѡнь. бѣласица горѣ с҃тѣи на нѥиже ієр(с)лмь. нъ нѣ(с) стрьмⸯнини ни сь единои страны. въсхо(д)тⸯ же нъ жестоко. ѿ іѡрдана съ въстока въсхо(д)тъ. ѿ гаꙁы съ юга. ѿ мора съ ꙁапады. ѿ самарїе съ сѣвера. того раⷣ г҃лютъ вса писанїа въсходе въ іер(с)лмъ, и(л) нисходе ѿ іер(с)лма. пакы(ж) ѿ порⸯтѣ севѣрⸯнїе, до ц҃ркве арⸯхїстратигове .с҃ѻ. ѿ гра(д) же до виногра(д) арⸯханⸯгелова .҂а҃ф. до дола же .у҃. а виногра(д), у҃л стѹплѥнїи. ѿ виногра(д) до ѹлице идѣже г҃лю(т) спати нѣкыи(х) въ многы(х) лѣте(х) .ф҃ѕ. ѿтꙋ(д) до ѹсеченїа кр(с)тꙋ г(с)ню .у҃о. ѿтꙋ(д) до горⸯнꙗа домꙋ ꙁахарїина . ҂ꙁт҃ле. ѿ ер(с)лма до елеѡ(н)а . ҂в҃м. и до галїлеѥ . ҂в҃м. толико ѥ(с). Едина ꙁемлꙗ галілеа. дрѹгаа канъ галїлеа. и се въ галілеи, нъ на концꙋ. третїа ѥ(с) на елѣѻнꙋ, дѣлъ ма(л), поре(д) въꙁне(с)нїа. ѿ елена(!) донⸯже(!) г҃лю(т) жрътва аврамова ꙁа горою .у҃. и се на єлеѡнѹ(с) ѿ въꙁне(с)нїа самого. идѣже стопа х(с)ва на камены въѻбраꙁи се, єг(д)а въꙁне(с) се. ибѻ елеѡ(н) глашает е(с) ѿ потока кѥдръска. и до віѳанїе и прочаа. ѿ гра(д) же до дола плачевⸯна .у҃н. и ѿтꙋ(д) до села скѹделⸯнича .р҃н. и ѿ с҃тлища до идеже х҃с исцѣли слѣпаго .с҃. ѿтꙋ(д) до силоама гѻрⸯни. т҃. и҃. г҃., бо сꙋ(т) галілее. || ц҃рква же въ домꙋ ꙁахарїинꙋ, ѹ длъжинꙋ, н҃. тѹ ѥ(с) рож(д)енїе іѡанⸯновь въ вітлѣеме же състѹ(п) млѣка въ пещерꙋ .к҃е. вра(т) же колико єдва проити. ц҃рквы б҃жїа гроба въ длъжинꙋ, р҃л. стꙋпь. ѿтꙋ(д) до ѡбрѣтенїа кр(с)тѡ(м). състѹпь дѣлꙗ .о҃в. пещері ширъ .е҃і. ѻкр(с)тъ гроба съ четыры странѣ до стлъповь, по .е҃і. ѡграда(ж) б҃жїа гроба, въ дль(ж), .і҃і. а въ ширъ, .и҃і҃. ѿ стлъповь до пѹпа ꙁемлѥ, .ꙁ҃і҃. ѿ пѹпа ꙁемли до вра(т) .и҃і҃. ѿ вра(т) до идеже раꙁдѣлише риꙁы х(с)вы .и҃і҃. ѿ гроба до сънетїа .н҃. ѿтꙋ(д) до голⸯгоѳы, к҃е. ѻкр(с)тъ же іер(с)лма. и віѳлѣема нѣ(с) горѣ по(д)бⸯно. нъ тако высокыми прѣ(д)лы ѹкрашенно и нѣкако дивⸯно, єлеонⸯ же вышⸯши всѣ(х) ѥ(с). х(с)вь же гробъ ѻбращенъ ѥ(с) на въстокъ. и въ геѳⸯсїманїи же б҃ци гробь на югь по тог(д)ашⸯнѥмꙋ ѻбычаю. ѿ въстока же дѻ с҃тые трапѣꙁы сте(п)не, г҃. ѿтꙋ(д) до гроба прѣс҃тїе б҃ци .ѳ҃і. єѥ же м(л)вами и все(х) сты(х). да спо(д)бытъ и на(с) ѻбрѣсти мл(с)тъ въ д҃нь сꙋ(д)ни, аминь.