Творьчьсть обраꙁи сѫть. кꙁ꙯. а инословиѥ. В прѣводъ. Г напотрѣбиѥ. Д приꙗтиѥ. Е прѣходьное. Г въꙁвратъ. ꙁ въприꙗтиѥ. И сънѧтиѥ. Ѳ именотвориѥ. І сътворениѥ. Аі въименомѣстьство. Ві отъимениѥ. ꙅі въспѧтословиѥ. Ді окроугословиѥ. Еі нестатъкъ. ꙅі иꙁдрѧдиѥ. ꙁі лихорѣчьѥ. Иі притъча. Ѳі прикладъ. К отъданиѥ. Ка лицетворьѥ. кг сълогъ. Кд пороуганиѥ. Е видъ. кꙅ посладословиѥ ⁘ ⁘ т꙯о(л) ⁘ а꙯. ї. Инословиѥ оубо ѥсть. Ино нѣчьто гл꙯ющи. А инъ раꙁоумъ оукаꙁаѭщи. ꙗкоже ѥ речено отъ ба къ ꙁмии проклѧта тꙑ отъ всѣхъ ꙁвѣрии. Слово бо акꙑ ꙁмии ѥсть. надиꙗвола же инорѣчьнѣ ꙁмьѥмь нарицаѥма раꙁоумѣваѥмь. .в꙯. прѣводъ же ѥсть слово отъ иного на ино прѣводимо. Имать же обраꙁꙑ четꙑри. Или бо отъ съдш꙯ьнꙑихъ на несъдоушьнаꙗ прѣводить сѧ. Или отъ несъдш꙯ьнꙑихъ на съд꙯шьнаꙗ. Отъ съдоушьнꙑихъ на съдоушьнаꙗ. ꙗкоже сѧ кто цр꙯ѧ пастоуха наричеть людьмъ. Пастоухъ бо истовоѥ овьчии ѥсть. Оба же ѥста съдоушьна и цѣсарь и овьчии пастоухъ отъ беꙁдоушьнꙑихъ же на беꙁдоушьнаꙗ. ꙗкожесе кто оугль съкрꙑвъ въ пепелѣ гл꙯е сѣмѧ огньноѥ сънабъдѣвъ сѧ. Или речеть многъ иꙁливаѥть сѧ иꙁ дрѣва пламꙑ. Ѥже бо лиꙗти сѧ мокриимъ сълоучѧѥть сѧ. Отъ съдоушьнꙑихъ на беꙁдоушьнаꙗ. Ѥгда кто высотоу горьнѫѭ врьхъ или главоу соущѫ. Нарицаѥ. Врьхъ бо и главоу о съдоушьнꙑихъ стовоѥ нарицаѥть. Отъ беꙁдоушьнꙑихъ же на съдоушьнаꙗ. ꙗкожесе речено ѥ море видѣ и бѣжа. Ѥже бо видѣти о съдш꙯ьнꙑихъ. Истовоѥ гл꙯еть сѧ. .г꙯. напотрѣбиѥ же ѥсть. Ѥгда нѣкого обꙑчаꙗ гл꙯еть сѧ нѣчьто не сꙑ то истовоѥ. ꙗкожесе мѣдѣноу дъщицѫ наричеть кто. Дъска бо истовоѥ ѥже отъ дрѣва наричеть сѧ. Или егда кото въ ѥꙁерѣ или въ рѣцѣ рибꙑ ловѧща ловьца нариче рекьше сланьника. Истовоѥ бо иже въ мори наричеть сѧ сланьникъ слано бо море. .д꙯. приꙗнтъѥ же бо ѥсть рѣчь приѥмлюшти подобоимѣниꙗ отъ сѫщааго истовоѥ. ꙗкожесе скоро риштѫштааго остра о течении гл꙯еть. И тъштивааго гнѣвъ. Остръ нариче на гнѣвъ. Остро бо истовоѥ. Наостреноѥ же желѣꙁо нарицаѥть сѧ. .е꙯. прѣстоупноѥ же ѥсть. Слово прѣстѫпаꙗ отъ прьвааго ѥже ѥ по немь ꙗкожесе ѥгда ѥ решти приꙁꙑваѭ га꙯ речеть къ го꙯у ꙁовомъ ѥсмь. ꙅ꙯. въꙁвратъ же ѥсть. Слово въꙁвращаꙗ сѧ отъ подълежащааго на прѣдълежащеѥ. Ни ѥдинои же части словесьнѣи посрѣдоу падаѭшти. Рекъше въ негоже ѥ мѣста решти до насъ приди речемъ къ намъ доже и приди .ꙁ꙯. съприꙗтиѥ же ѥсть слово раꙁдрѣлѧꙗ а дроугоѥ съ собѫ ꙗвлѧꙗ ꙗкоже мироу сѫщѫ въ негоже ѥ мѣста рещи нѣ рати. речемꙑ нѣсть ороужиꙗ ратьнааго. Или праꙁдьно ѥсть ороужиѥ нинѣ. и꙯ .сънѧтиѥ же ѥсть рѣчь. Ѥже о ѥдиномь нѣчесомь и дъвоѥмь или о мноꙁѣ обьштетворѧщи. ꙗкожесе ѥгда дъвѣма или трьмъ расноу оц꙯ѫ сѫщема. И тожде имѧ имоуштема коѥмоужьдо оц꙯ѫ. Дъва или три речемъ сꙑнъ ѥсть сего и сего. ѳ꙯. Имѧтворениѥ же ѥсть. Рѣчь по подражаниѭ и подобиѭ нѣкоѥмоу наꙁнаменаѥмоуоумоу бꙑвши. ꙗкожесе ѥгда къто несъгласнꙑа тъпътꙑ гласꙑ. Гласъ бо истовоѥ иꙁ оума иꙁходѧи нарицаѥть сѧ. Ѥльмаже ѥ и ст꙯оу оумоу готовослови сѧ гласъ. .і.꙯ сътвореноѥ же ѥсть слово глемо нѣ по че(со)моу. Отъ негоже гл꙯еть сѧ по подобиѭ. ꙗкожесе ѥгда кто съ гнѣвъмь и съ ꙗростиѭ на нꙑ въꙁираѥть гл꙯емъ ꙗкы львъ въꙁираѥ на мѧ оньсица .аі꙯. въименимѣстьстви ѥсть. Рѣчь съ прилогꙑ или съ ꙁнамении. Само то истоѥ обѣвлѧꙗ имѧ. Ѥгда дъва или мноꙁи намъ. Навѣдоми чл꙯ци и истовоѥ имѧ имоуште. Ти хоштемъ ѥдиного отъ нихъ помѧнꙋти. Тожде да наречемъ истааго имени. Нъ отъ сълоучивъшиихъ сѧ. Кръчиѭ рекъше или дрѣводѣлю наричѫште. Аще ли и тѣлесьнꙑꙗ имоуща врѣдꙑ. Хромьца рекъше или плѣшива наричѫще .ві꙯. отъименеѥ же ѥсть ѥгда отъ одрьжаштиихъ одрьжимаѧ отъ имене наричемъ. По реченоуоумоу накажете сѧ вси. Сѫдѧштеи ꙁемли. Рекъше сѫштиимъ въ ꙁеми. Или оъ живоущиихъ идеже живоуть. ꙗкожесе кто нечистотоу содомьскꙑи грѣхъ наречеть. Небонъ отъ живоущиихъ тъгда блоудьникъ содома оукоръ тъ приꙗ. .гі꙯. въспѧтьсловиѥ ѥсть. Слово сѫпротивьнꙑимъ сѫпротивьно наꙁнаменоуꙗ. ꙗкожесе ѥгда кто слѣпьца многовидѧща наречеть. ді꙯. Съвратословиѥ ѥсть. Слово ѥже многоѭ рѣчиѭ. Ѥдино нѣчьто наꙁнаменоуѥть. Рекъше въ негоже мѣста решти тако ми и ба꙯ речемꙑ тако ми и старшьнꙑꙗ силꙑ бж꙯иꙗ ничтоже бо боле не ꙁнаменахомъ нъ тъчьѭ б꙯а. еі꙯. Нестатъкъ же ѥсть. Слово иже неиꙁпълънь иꙁбесѣдоуѥть сѧ. подаꙗ же раꙁоумѣвати. И въслѣдьне. ꙗкожесе кто болѣвъ и иꙁцѣвъ. Или плача сѧ и рꙑдаꙗ въслꙗдьнеѥ оставивъ. Речеть болѣхъ и по прьсьмъ биꙗхъ сѧ-раꙁꙋмѣти же ѥ лѣпо оставивъшеѥ. Рекъше ꙗко исцѣлѣхъ и обѣма роукама. .ꙅ꙯і꙯. иꙁобилиѥ же ѥсть. Ѥгда иꙁбꙑва рѣчь отъ рѣчи ничесоже боле не наꙁнаменоуѭште ꙗкоже ѥсть противьникъ и сѫпротивьникъ. Поречениѥ же ѥсть. Слово подъѥмлѥмо подлъжениꙗ ради. ꙗкожесе ѥгда овѣдомѣѣмь намъ дѣлѣ вѣдѣниѥ иꙁвѣштаꙗ кто речеть. Вѣдѣ вѣдѣ дѣло то. дъвашьдꙑ вѣдѣ рекꙑ или грѣхоу продлъжаниѥ наꙁнаменоуꙗ речеть ꙁълъ грѣхъ ꙁълъ ѥсть. .ꙁі꙯. иꙁдрѧдиѥ же ѥсть. Слово съ обьштиимь наꙁнаменаниѥмь особьнѣ по старѣишниньствоу ѥмоуже ѥ лѣпо творимо. ꙗкоже ѥ реченоѥ отъ га꙯ повѣдите оученокомъ моимъ и петрови по иꙁдрѧдиѭ бо сьде имѧ петрово речено ѥсть. Ѥльмаже и ѥже рече гл꙯аголѣте оученикомъ моимъ тоуижде нареченъ бѣ. Ѥдинъ бо отъ оученикъ бѣ и тъ .иі꙯. лихновьноѥ же ѥсть рѣчь лишиши истинꙑ въꙁдраштениꙗ ради. ꙗкожесе кто скоро риштѫштааго рече. ꙗко риштеть акꙑ вѣтръ. .ѳі꙯. прикладъ же ѥсть. Слово тьмьнп съкровъ имꙑ въ себе раꙁоумъ. ꙗкоже се реченоѥ отъ самѱона иноплеменьник(о)мъ. Отъ ꙗдоуштааго иꙁиде брашьно наꙁнаменоуꙗаше бо льва ѥгоже оуби. И обрѣтеноѥ въ оустѣхъ ѥго бъчелинъ сътъ. И ꙗкожесе бꙑхомъ рекли жѧтелѧ водамъ ловьца. .К꙯꙯. притъча же ѥсть. Рѣчь подобьныими и вѣдомꙑими напрѣдь очи приводѧшти раꙁоумѣваѥмоѥ. ꙗкоже ѥ и гь꙯нѧ притъча о блоудьнѣѥмь сꙑноу. Въ неиже покаꙁаѥть многоуѭ бж꙯иѭ благꙑнѫ. Ти како приходить къ каѭштиимъ сѧ. .ка꙯. въꙁданиѥ же ѥсть оукаꙁаниѥ въ притчи лежѧштиихъ вештии. ꙗкожесе бꙑомъ рекли. ꙗко ѥѭже рѣчьѭ бесѣдова оц꙯ь блоудьнааго. Такоже и бъ꙯ чл꙯комъ прилагаѥть. Тъ да оукажемъ сълагаѭште вешти притъчьноѥ подобиѥ. .кв꙯. лицетворениѥ же ѥсть. Ѥгда кто къ беꙁдоушьнꙑимъ акꙑ къ телѣси дроугоици и словеса стрина прилагаѥть. ꙗкожесе неб꙯са исповѣдаѭть славѫ бж꙯꙯иѭ. .кг. прилогъ же ѥсть слово къ иномоу нѣчьсомоу съложенааго оукаꙁа ꙗвлениѥ. имꙑ по рѣченоуоумоу отъ соломона подражаи мравиѭ о лѣниве. промꙑсльноѥ бо ѥго рьвениѥ имѣи велить. А не ѥстьство. .кд. пороуганиѥ же ѥ слово лицемѣрьно отъ сѫпротивьнааго сѫпротивноѥ ꙗвлениѥ ꙗвлѧꙗ. Пороуганиѥ же обраꙁї .д꙯. пороуганиѥ, похꙋхнаниѥ, поиграние, оисмьꙗниѥ. И пороугани-ѥ-сть. Слово съ оукоръмь гл꙯емо. ꙗкожесѧ бꙑ кто бѣгоуни смѣꙗ сѧ речеть. Добли и храбъръ ѥсть. Похоухнаниѥ же ѥсть. Слово потѧжьбьно сꙑнꙑ имъ похоухнани. ꙗкожесе бꙑ ꙁълѣ оувѧꙁъша речемъ похоухнавъше носъмь. Добро дѣло иꙁдрѧдьно сътворилъ ѥси дроуже и добра моужѧ. .ке꙯. поиграниѥ же ѥсть. Слово акꙑ добрꙑ словесꙑ бечьстьѥ оукаꙁаꙗ. ꙗкожесе въ творимѣи чьсти кого сѫшта и въ ꙁъло въпадьша и тѣми оукарѧѥма смѣѭща сѧ речемъ. Въ великꙋ сѧ ѥси славѫ и чьсть въвелъ дроуже. кꙅ. посьмьꙗниѥ же ѥсть слово особь потѧжьбьнп ꙗкоже гроубоуоумоу речемъ. тꙑ дроуже словеьмъ ѥси слава. обраꙁъ же ѥсть селикъꙁмии отъ имꙑ. ꙗкоже решти. г꙯ь иѡ̈аннъ ѥгоже помилоуи добръ чл꙯къ ѥсть. .кꙁ. послѣдословиѥ же ѥсть. Слово послѣдьнеѥ прѣжде гл꙯емо. ꙗкожесе бꙑхомъ рекли. Добрѣ сѧ съврьши оньсица и добрѣ жи. Прьвоѥ бо прѣжде поживетъ къто. Ти тако оумираѥ ⁘
Симеонов сборник (Изборник от 1073 г.)