You are here

панарет

Словеса польѕна Соломѡнова ѿ кні́гы гл͠мые Панареть. ’Иіс͠а с͠на Сїрахѡва:

Г͠ь нашь І͠С  х͠с, ть ѥ(с) съставна прѣмоудрость, невидимаго ѻца и б͠а. тьи ѥ(с) оуеи л͠ка раꙁꙋмꙋ и въса елика аще хощеть ѿкрывае(т) намь боещим се его. прѣмоудрость истинна б͠ь ѥ(с). Бл͠жень л͠кь иже ѡбрѣте прѣмꙋдро(с) и съмрьтнь иже оувѣдѣ раꙁꙋмь. болше бѡ ѥ(с) л. 19а: сїю кꙋповати, нежели ꙁлата и сребра скровища. (с)тнѣиши же ѥ(с) каменїа мнѡгоцѣнна. въсако(ж) (с)тно недѡ(с)ино ѥи ѥ(с). и ѿ оусть ѥе  исходить правда. закон же и мл(с)ть на еꙁыцѣ носить. Егда аще имать роука твоа даж(д)ь. и да не ре()ши шь(д) и въꙁвратив се ꙁау(т)ра дамь. мощнꙋ ти сꙋщꙋ бл͠готворити не бо вѣси то родить находеи. Да не враждꙋеши (на) л͠ка въсꙋе да нѣто не съдѣѥ(т) на те ꙁло. да не стежиши ꙁлыхь людїи поношенїе, ни поревнꙋи꙼ поутемь ихь. неисть бо прѣ(д) г͠мь въсакь беꙁаконьнь съ праведними же не въдварает се. Клетва б͠жїа въ домохь неьстивы(х), дворы же праведны(х) бл(с)вет се. Г͠ь грьдымь противит се. смѣреным же даеть блг(д)ть.  Беꙁаконїа моужа оулавлꙗють, пленица(ми) бѡ своихь грѣховь къж(д)о стеꙁꙋет се. Сѣть оубѡ крѣпка моужоу, свое оустны и емлѥт се ѿ свои(х) оустьнь. Раꙁвращенно ср(д)це коветь ꙁлаа. на въсако врѣме. таковыи, съмоущенїа съставлꙗеть градꙋ и вънеꙁаапоу приходить погыбѣль его. Да те не побѣдить доброта похотѣнїа, ни ꙋловлѥнь боуди своима ꙫїма. С͠нь прѣмоудрь веселить ѻ͠ца своего. с͠нь же беꙁоумнь ѻскрьблꙗеть м͠терь свою. С͠нь прѣмоудрь накаꙁань боудеть. беꙁꙋмнагоⷤ слоугꙋ потрѣбꙋеть. Бл(с)венїе г͠нѥ на главѣ праведнаго. име же неьстивы(х) оугасаеть. л. 19б: мнѡгословїа не иꙁбѣгне(т) грѣхь, щедеи же ꙋстны раꙁоумьнь боудеть. д͠ша бл(с)вена въсака проста. моужь же ꙗрь, небл͠гоѡбраꙁнь. Дрьжеи пшеницꙋ, ѻставить сїю тꙋждымь. бл(с)венїе же на главѣ подающомꙋ сїю. Оуповаеи на богатьство, сь падеть. Ꙁастоупаеи же праведны(х), сь въсїает. Любеи накаꙁанїе, любить ювство. ненавидеи же ѻблиенїа, беꙁоумьнь.  Прѣбываеи съ прѣмоудрыми, и ть прѣмоудрь боудеть. а иже съ беꙁоумными, поꙁнань б(ꙋ)де(т). Съгрѣшающїи(х), поженоуть ꙁлаа. праведны(х) же постигнꙋть бл͠гаа. Въꙁыщеши прѣмоудро(с) въ ꙁлыхь, и не ѻбрещеши. ювство же вь раꙁꙋмныхь оудобно. Въ мнѡжьствѣ еꙁыкь, слава ц͠рю. въ ѻскоудѣни же людїи, съкроушенїе силномꙋ. Егда сѣдеть ц͠рь на прѣстолѣ, не съпротивит се прѣ(д) нимь въсако лꙋкаво. прогнѣваеи же его съгрѣшаеть въ свою д͠шꙋ. Мѣрила велика и мала, и мѣры двои мрьꙁска прѣ(д) г͠мь ѻбоа. мрьꙁость г͠ви, мѣрило льстиво и недобро. Въсакь моужь покаꙁꙋеть себе праведна. направлꙗет же ср(д)ца г͠ь. Творити праведна и истинствовати, оугодна соуть г͠ви пае нежели жрьтвы мнѡгы. Иже ꙁатикаеть оуши еже не послоушати ꙋбогаго и немощнаго, и ть приꙁоветь въ врѣме и не боудеть послоушаеи. Не боуди дроугь мꙋжꙋ [Текстът прекъсва.] л. 20а: ... да не въ ѻбыаиши оуста своа. моуж бо много клетовнь, испльнит се беꙁаконїа и ѿ домоу его не ѻскоудѣеть рана. Три сїа въꙁненавидѣ д͠ша моа и мрьꙁѣми ѕѣлѡ животь ихь. ꙋбога грьдѣлива и богата льжа. стара прѣлюбодѣꙗ, и лишаема раꙁꙋма. Ꙗко великь ѻбрѣтыи прѣмоудрѡсть. нь вещьши, боеи се г͠а. Въсака рана, а не рана ср(д)цоу. и въсако лꙋкавство, а не лоукавство Жены. болше ѥ(с) лоукавство моужско, нежели добродѣтел женскаа. Въсако ѿмьщенїе, а не ѿмьщенїе врагѡвь. и нѣсть глава, выше главы ѕьмїеви. и нѣсть ꙗрѡсти, пае ꙗрости врага. Съжителствовати съ лъвомь и ѕъмїемь иꙁволи въ мирѣ, а не съ женою лоукавою. лоукавство бѡ жены, иꙁмѣнꙗеть лице ѥе ꙗко же мекы. и мала въсака ꙁлоба противꙋ ꙁлобы женскые. Болша ѥ(с) съмрьть, пае живота горка. и покои вѣнь, пае стр(с)ти въсед͠невные. С͠ноу и женѣ. братꙋ и приꙗтелю, не даждь власти на(д) собою въ животѣ своемь. Не съвѣтоуи се съ нераꙁꙋмнымь ѻ прѣмꙋдрѡсти и съ страшливѣмь, ѻ брани. и съ ꙁавистливѡ(м), ѡ б͠лгодаренїю. и съ немл(с)тивымь. ѻ въсакомь дѣлѣ. и съ рабомь праꙁнымь, ѡ мнѡѕѣ дѣланїи. Въса сїа тврьдо съхрани. л. 20 б: Ст͠го лѣствиника. Любеи ближнꙗго, никогда же клевещоущи(х) стрьпить, ꙗко ѿ ѻгнꙗ же пае ѿбѣгнеть. Г͠лѥи г͠а любити, ина брата своего гнѣвае се. по(д)бьнь ѥ(с) въ сьнѣ текоущомꙋ. Ре() г͠ь. Егда твориши обѣдь или веерꙋ, да не пригласиши дроугы свое. ни съродникы свое. ни соусѣдь богатыихь. Еда како и ти въсприꙁовоут те. ап(с)ль бл͠готвореи, ѿ б͠а ѥ(с). а ꙁлотвореи, не видѣ б͠а. б͠гословь. Дондеже ꙁ(д)равствоуеши и богатѣеши, ꙁлостраждоущомꙋ помѡѕи. Се же творе, не пщоуи по(д)бити се б͠оу. плоутархь. Не бл͠годарноу давати и мрьтва кадити, равно лежить. Ѕъмїю питати и лоукавомꙋ (д)обротворити, тож(д)е ѥ(с). Димостень въпрошень бы(с) то л͠кь имать по(д)бно б͠оу, рее. Еже подавати и истинствовати. ап(с)ль. Повинѣте се въсакои л͠ьскои твари г͠а ради. аще ц͠рю, ꙗко прѣѻбладающꙋ, аще кнеѕемь, ꙗко ѿ того поставлѥномь. въ ѿмьщенїе ꙁлодѣѥмь, въ похвалꙋ же добротворцемь. Сиха(р) (!). Противоу соудїи людскомꙋ, Сице и слоугы его. противѹ кнеѕꙋ градскомоу, въси живꙋщеи въ нѥмь. дамаскынь. Прѣ(д)стателꙗ, да не прѣвъꙁымаеть сань, да не како ѿпадеть бл͠женства смѣреномоудрїа. димокрить. Любимь быти пае, нежели л. 21б: страшьнь въ житїи проиꙁволи. Его же бо въси боет се, въсѣхь боит се.  Аристотель. Прж(д)е да же не испытаеши, да не оукориши. раꙁꙋмѣи прѣж(д)е, и тогда ꙁапрѣщаи. б͠гословь. Ꙁлѣ слышати болше, нежели ꙁлѣ г͠лати. касает се не мнѡгымь, нь и иꙁреднымь порокь. маѯїмь. Въꙁражаи клевещоущаго въ оуши твое. да не соугꙋбь грѣхь съ нимь съгрѣшаеши. и себе гоубителною стрѣлаю въ ѻбыавае. и ѻного на ближнꙗго бледѣти не въꙁражае. исокра(т). Стыди се ѿ ѻбльганїи, аще и истинна соуть. мнѡѕи бѡ, истинꙋ бо нераꙁꙋмѣваю(т), кь славѣ же ꙁреть. тогож(д)е. Сь слышавь ѿ нѣкого, ꙗко ѻн сица къ мнѣ сїа на те ꙋкараше. аще не би ты рее сладко слышаль, не би оубо ѡнь ꙋкароваль. Сокра(т). Шьпьтника и ѻбльгателꙗ моужа, не прїемли. не бо бл͠гораꙁꙋмїа ради се творить. ꙗко же бо иныхь таины ѿкрыл ти ѥ(с). Сице и тобою г͠лѥмаа, инымь исповѣсть. Ѻ ласканїи. Горе егда добрѣ рекоуть вамь ͠лвци. Соломѡнь. Болше моужа ѻблиенїе. пае иного ласканїа. пиѳаго(р). Радовати се по(д)баеть ѻблиающимь. ѻви на(с) ѻскрьблꙗюще, въставлꙗють. ѻви же дарꙋюще, раꙁслаблꙗють и ꙁапинаю(т). исокра(т). Ненавиди ласкающи(х), ꙗко же прѣльщающихь ѻбои бѡ иꙁь вѣровани бывше, вѣровавши(х) ѻбыде(т). л. 21б: Димостень ре(). ласкателꙗ се раꙁликꙋеть ѿ врана. ꙗко ѻвь ꙋбѡ живы(х), ѻвь же мрьтвы(х) сънѣдаѥ(т). пиѳаго(р). ра(д)уи се ѻблиающимь пае, нежели ласкющимь и ꙗко ѿ врагѡвь горшїи(х) ѿ ражаи ласкающихь. Епкить (!). Вранѡве оубо оумирающихь ꙫи исклювають. ласкателїе же живымь д͠ше растлѣвають. ѻ мл͠твѣ. Молеще се, не лихо г͠лите ꙗко же еꙁыници. мнет бо, ꙗко въ мнѡгословїи своемь оуслышаны боудꙋть. да не оубѡ оупо(д)бите се имь. вѣст бо ѿ͠ць вашь иже трѣбꙋете прѣж(д)е прошенїа ваше(г). Сира(х). Да не малод͠шьствоуеши въ мл͠твѣ своеи. да не ꙁапнеши се въꙁдати мл͠твꙋ бл͠говрѣменнѣ. зла(т)усть. Добро ѥ(с) мл͠тв(г)о(о) вьсег(д)а б(е)сѣдовати б͠ви. аще бо бесѣда моужа добра ꙋдобраеть бесѣдꙋющаго. колико пае, иже въ д͠ни и въ нощи бесѣдѹющаго б͠ви. нилово. Да не богатьство въ мл͠твѣ въспросиши. ни ꙁ(д)равїе, ни славꙋ л͠ьскоу. нь тьїю съдѣвающаа къ с͠псенїю. Ꙗко же бѡ еже въꙁдыхати, ни когда же ѥ(с) беꙁврѣменно. Сице ниже еже просити ѿ г͠а прошенїа таинаа, даже до послѣднꙗго иꙁдыханїа. ѻ добродѣтели и ꙁлобѣ: Оускы поуть въводеи въ животь: ап(с)ль. Непобѣж(д)ень боуди ѿ ꙁлаго, нь побѣжа(д)и бл͠гы(м) ꙁлое. Соломѡ(н): Да не прѣльстет те моужїе неьстивыи. ниже пои꙼ди въ пꙋть съ ними. л. 22б: оуклони же ногꙋ свою ѿ стьѕь ихь. Сира(х). Не твори ꙁла, и не постигнꙋть тебе ꙁлаа. твореи ꙁлаа, въ та привлѣет се, и не поꙁнаеть ѿкоудꙋ прїидоуть емꙋ. климень(т):. Еже ѿ ꙁлыхь иꙁмѣнѥнїе, сп͠сенїю ѥ(с) наело. клитархь: Добродѣтель оубо имы, въсѣ(х) имаши. злобꙋ же, ниже себе. димокри(т): Б͠оу дѡ(с)ина те сътворить. Еже нито же недо(с)ино томꙋ дѣати: перїдово: По(д)баеть бл͠гомоу ꙋкаꙁовати въ словесе(х) оубо, ꙗже мꙋдрьствꙋѥ(т). въ дѣлѣх же, ꙗже творить: Ѻ мꙋдрости и сьвѣтѣ. Еѵ(г)лско. Боудѣте моудри, ꙗко ѕъмїе и цѣли, ꙗко голꙋби. ап(с)ль. Не дѣти бываите раꙁꙋмомь, нь ꙁлобою мл(д)нствꙋите. раꙁоумы же, съврьшени бꙋдѣте. Соломѡнь: Бл͠жень л͠кь иже ѻбрѣте прѣмоудрость и съмрьтнь, иже оувѣдѣ раꙁꙋмь. димонакь(т): Вь тꙋжди(х) покаꙁанїихь, накаꙁꙋи꙼ се и бестрастьнь ѿ ꙁлы(х) боудеши. дїѡдорь: Моудраго съвѣть, пае роукь мнѡгы(х) и болши прѣмꙋдрь силнаго. пиѳаго(р). Ниже конꙗ, кромѣ оуꙁды, ни богатьство, кромѣ раꙁꙋма ꙋдрьжати мощно. Съвѣтꙋи не сладкаа, нь иꙁреднаа: по(д)баеть конци вещемь прѣꙁрѣти намь. и тако сихь наинанїе творити: Ѻ истотѣ и цѣломꙋдрїꙋ. Еѵ(г)лско: Въꙁрѣвыи на женоу въ еже въжделѣти тоу, юже  л. 22б: прѣлюбодѣиль ю ѥ(с) въ ср(д)ци свое(м). Ап(с)льско. Не вѣсте ли ꙗко тѣлеса ваша оуды х͠ви соуть. оубо ли оуды х͠ви сътворꙋ любободѣице (!) оуды; да не бꙋдеть. не вѣсте ли, ꙗко прилѣплꙗеи се г͠ви, Единь дхь ѥ(с). василїе. Иже въ старости цѣломꙋдрїе. не цѣломоудрїе ѥ(с), нь блоуда иꙁнеможенїе. мрьтвьць не вѣнавает се. никто же праведнь ꙁа еже не мощи ꙁло сътворити. лѣствини(к): Иже своемꙋ рѣвꙋ оугаж(д)ае, и доухь блоудныи побѣдити хоте. по(д)бнь ѥ(с) иже съ масло(м) гасещомꙋ ꙁапалѥнїе: мосхїѡ(н): Цѣломоудрь ѥ(с), не иже въꙁбранꙗемы(х) не прикасае се, нь попоущаемы(х) ѿвращае се: Ѻгнь оубо, вѣтрь желанїе же, ѻбыаи въжигаеть: Ѻ моужьствѣ и крѣпости. Еѵ(г)лско. Иже хощеть помнѣити, да ѿврьжет се себе. и да въꙁметь кр(с)ть свои, и послѣдꙋет ми. ап(с)льско: Ѻблѣцѣте(с) въ вьсеѻрѹжїе б͠жїе. къ еже въꙁмощи вамь противꙋстати къꙁнемь дїаволскымь, ꙗко нѣ(с) ваша брань къ крьви и пльти. сира(х): Конь готовит се въ д͠нь брани. ѿ г͠а же помѡщь. Ст͠го василїа: Их же ради жити хощеши. Сихь ради и оумрѣти не лѣни се. алеѯандро(в): Виде алеѯандрь нѣкоего единоименна емꙋ страшлива соуща, ре(). юноше. или име иꙁмѣни, или нравь. Крѣпость съ раꙁꙋмѡ(м) полѕева. кромѣ же сего, л. 23а: мнѡжае имоущи(х) поврѣди: Ѻ правдѣ. Еѵ(г)лско: Бл͠жени алюще и жеждꙋще правдꙋ: соломѡнь: Ископаваеи ꙗмоу ближнѥмоу, въпадеть въ ню. валꙗеи же камень, на себе валꙗеть. мѣрила праведна и мѣры правы да боудꙋть вамь. того(ж)(д): Болше мала есть съ правдою, нежели многа жита съ неправдою: Кѵ̈рилово. Не г͠лѥмь ꙋбїице или крьвемь моужи, иже по бж(с)твны(х) ꙁаконѣ(х) оубивающе. дѡ(с)иныи(х) постра(д)ти. ꙗко же ни самоуила и илїю. менандрь: Да ѻбидит ме богать, а не нищь. оудобно бо ѥ(с) трьпѣти болши(х) моуителство. Сокра(т): Ꙗже стражоу(д)ще ѿ инѣ(х) гнѣваете се, сїа инѣмь не творите. Фїлимѡ(н): Моужь праведнь ѥ(с), не иже не ѻбидеи. нь иже могы ѻбидѣти, не хощеть. Агїсилае: Моужьствꙋ, никаа полѕа несоущи правдѣ. аще ли праведни въси боудꙋть. ниесоже мꙋжьствоу въстрѣбꙋють. Епикти(т): Тврьдо въсако мѣсто живоущомꙋ съ правдою: ѻ дрꙋго(х) и братолюбїи. Еѵ(г)лско: Ѻ семь раꙁꙋмѣють въси ꙗко мои ꙋеници есте, аще имате любовь межоу(д) собою: Соломѡнь. Достовѣрнѣише ꙗꙁвы дроужнѥ, нежели волнаа люблѥнїа врага: тогоже(д). Болше ѥ(с) ꙋрѣже(д)нїе съ ꙁелїемь въ любви и бл͠годѣти, нежели прѣ(д)ложенїе тельць съ враж(д)ою: Сирахь: Дроугь вѣрнь, покровь крѣпькь. ѻбрѣтыи же л. 23б: его. обрѣте скровище. тог(ж)о(д): Да не оставиши дроуга древнꙗго. новыи бо, нѣсть тььнь емꙋ. Ст͠го василїа: Пакостна ꙗже къ ꙁлымь съетанїа. понѥже ꙁаконь сь любве. по(д)бїа ради обые съетавающим се, прибывати. б͠госло(в): пр(с)но прѣ(д)поитаи добрыхь ѿ недобры(х). Съ ꙁлыми же бесѣдꙋе, и самь ꙁль въсако боудеши. тог(ж)о(д): Вражди прѣдѣли вѣж(д)ь. любве же, ни: злау(т)сть: Болше оубо намь ꙋгаснꙋти сл͠нцꙋ, нежели дроуговь лишити се. мнѡѕи бо сл͠нце ꙁреще, въ тьмѣ соуть. дроугов же иꙁьобилоующе, никакоже въ пеали боудемь. Фѡтїево. Еже бо любити ненавидещихь, добродѣтели ѥ(с) и бжт(с)вно. а еже любещи(х), л͠ьско и ѻбще. а еже ненавидѣти и любещи(х) ни ѕвѣрско мню. фї(л)мꙩново. Въ инѣ(х) оубо мѣра иꙁредна. въ любви же, иже мнѡжае имы, б͠голюбьꙁнѣиши ѥсть. плꙋтарь(х): Никогда же въсхощи стежати приꙗтелꙗ, немогꙋща ти ни д͠ши ни тѣлꙋ добро сътворити. исокра(т). Съсоуды оубо новїи, болши соуть. любов же, ветшаиша. тог(ж)о(д): Никогоже приꙗтелꙗ твори. прѣж(д)е даже испытаеши, каковь быль ѥ(с) къ прѣж(д)нымь своимь приꙗтелѥмь. надѣи бо се того, и къ тебѣ такова быти, ꙗковь и къ ѻ нѣмь бы(с). того(ж). Сладькь оубо боуди къ л. 24а: въсѣмь. прїемли же болши(х). Сице же оубо. овѣмь не мрьꙁькь боудеши. ѻвѣм же любим боудеши: димокри(т): Тьщливꙋ дроугꙋ, на веселїе оубо приꙁванꙋ бывшꙋ по(д)баеть прїити. Еврїпи(д). Вѣмь оубо и искоуси(х) ѕѣлѡ. ꙗко богатымь въси приꙗтелїе. Мосхїѡн: Болше ѥ(с) мнѡга имѣнїа погꙋбльшꙋ, единого дроуга стежати. нежели единого дроуга погоубльшꙋ, мнѡга имѣнїа стежати. Менандрь: Ꙁлато оубо вѣсть искоушати се ѻгнѥмь. а еже къ дроугомь любовь, врѣмено(м) соудит се. тогож(д)е. Беꙁꙋмны(х) не прїемли приꙗтель. понѥже нарееши се и ты беꙁꙋмнь. Приꙗтель истиньнь ѥ(с), приобщаеи се вь напасте(х) дроугѡ(м). Иже братїю оставльшеи, и иныхь приꙗтель искоущеи. по(д)бни соу(т), иже свою ꙁемлю оставльшеи, и тꙋжоу(д)ю дѣлающе: Сексть: Любима, потрѣби ради да не въꙁымаши. такова бо любовь, врѣменна ѥ(с) и нетврьда. Сирахѡво. то плаеши м͠лтвꙋ дѣѥ. сльꙁы нищаго твои(х) болше. не пом͠лова б͠ь како помилоуѥ(т). Ꙁатвориль еси оутробꙋ бл͠готворенїа. Ꙁатворꙋси н͠нꙗ и аꙁь ꙗдра отради, въ врѣме томлѥнїа: нѵ̈сскаго: Прѣꙁрѣ пеална прѣꙁрѣнь боудеши гыблѥ. бѣжа мл(с)ти, бѣжить ѿ тебе мл(с)ть. Въꙁгнꙋша се оубога. въꙁгнꙋшает се тебе, его же ра(дї) бывь нищь х͠с. Сирахѡво: Крило ѥ(с) мл͠твѣ, мл(с)тынꙗ. аще не сътвориши крило мл͠твѣ своеи, не въꙁыдеть на н͠бо. Егда же крило добоудеть мл͠тва твоа, въꙁлетаеть на н͠бо. Ꙗко же бо свѣтилникь аще не имать масла приливема, оугасаеть. Сице и мл͠тва аще не имать мл͠тынѥ, скоро погыбаеть: Творещеи мл(с)тыню, испльнет се живота. Съгрѣшающеи же, ратници соу(т) своеи их жиꙁни: Ст͠го василїа: Нищаго хлѣбь, его же ты дрьжиши. нагаго риза, еже ты храниши. трѣбоующаго сребро еже ты вь ꙁемли погребь имаши. ꙗко толицѣ(х) ѻбидиши, елицѣмь дати можаше. нилово: Горе беꙁаконникꙋ. къ соудїи бо напраснꙋ и праведнꙋ и ꙁаконоположителю, идеть. Горе лихоимцꙋ. богатьство бо его ѿбѣгнеть, и огнь прїиметь и(х). Горе лѣнивомꙋ. въꙁыщет бо врѣме еже ꙁлѣ иꙁноури: Горе грьдѣливомоу. Егда бо вънидеть въ гробь. которыи ѥ(с) Бл͠жень, иже своа дѣла оукрашае прѣж(д)е даже не възгорит се огнь, имже въса искоушают се. поꙁнають и(х): Горе блоудолюбцꙋ. врѣме нембо малымь, ꙗко тельць на ꙁаколѥнїе готовит се: Бл͠жень, тьщеи се къ жиꙁни боудꙋщои. Соуща бо смрьдеть тлѥю л. 25а: и къ сьмрьти привлает се: Бл͠жень растааеи ꙁлаа своа, ꙗже събра. и исть истомꙋ сꙋдїи прѣ(д)станеть:

Transcript: 

Гномологий Панарет по ркп. № III/111 ОГНБ (сборник Предели на Владислав Граматик от 1456 г.)

л. 18б-л. 25а

Manuscript Articles:
Transcription: 
Ирина Кузидова-Караджинова