Вие сте тук

Писмени документи

п

Г͠ь нашь І͠С  х͠с, ть ѥ(с) съставна прѣмоудрость, невидимаго ѻца и б͠а. тьи ѥ(с) оуеи л͠ка раꙁꙋмꙋ и въса елика аще хощеть ѿкрывае(т) намь боещим се его. прѣмоудрость истинна б͠ь ѥ(с). Бл͠жень л͠кь иже ѡбрѣте прѣмꙋдро(с) и съмрьтнь иже оувѣдѣ раꙁꙋмь. болше бѡ ѥ(с) л. 19а: сїю кꙋповати, нежели ꙁлата и сребра скровища. (с)тнѣиши же ѥ(с) каменїа мнѡгоцѣнна. въсако(ж) (с)тно недѡ(с)ино ѥи ѥ(с). и ѿ оусть ѥе  исходить правда. закон же и мл(с)ть на еꙁыцѣ носить. Егда аще имать роука твоа даж(д)ь. и да не ре()ши шь(д) и въꙁвратив се ꙁау(т)ра дамь.

Пишем азь. ереи Петрь. да се знае какво врѥме бѥше попь на село Мирково и бѥше попь Стоꙗнь наедно дрьжѥхе село Мирково при злочестиваго ц҃ра сꙋлътань Мехмеда да го бъ ꙋбие и да го порази че тои расипа хр(с)тѥнске вѥре и велики цр҃кви и велики градове бѥга честита земѥ Загоре та па се ꙗви баиракь ѡ(т) запать този лѥто изгине воиска тꙋрска и сбрахе ги латинска воиска та доде до срѥдъ земле ѡ(т) Беч ѡ(т) Бꙋдимь ѡ(т) ꙗнека дори ѡ(т) злате ꙗблъке. та се проврьвихе тꙋрци и прѥзморци.

П

[...]хь ѥго ме(до)мь и виномь и ѡдеꙗхь вь срѣбро и вь брачⸯно. и ѥг(д)а вьꙁрасте ннаѹчи(х) (!) кⸯныгамь и вⸯсекои прѣмѹдрости. ц҃рь ре(ч) мии тако. ѡ акире светьничьниче (!) мои прѣмѹдр[…] ѥг(д)а сьстаревь се ѹмрѣшыи. г(д)е ѡбрѣщѹ такова ѹмныка. а аꙁ же ѿвеща(х) кь ц҃рѹ ѥ(с) ѹ мене с҃нь по(д)бнь мⸯне вⸯсеи мꙋдро(с)ты и всакои кⸯныꙁе наꙋчень. ц҃рь ми ре(ч). приведи с҃н[…] своѥго виж(д)ѹ ѥго. аще можеть прѣ(д) мⸯною ѹгодиты. тог(д)а тебе ѡстав[…] и твою старость дⸯнѣи твои(х) вь покои поживешы. и поѥхь с҃на своѥго и приведохь кь ц҃рѹ. ꙗко виде ц҃рь и ре(ч) ми.

Прѣначѧлноомоу начѧлꙋ. и безначѧлноѡмоу бе͠ствоу. Рекѫ же прѣс͠тѣи тр͠циу Слава оц͠оу и сн͠͠оу и с͠томоу д͠хоу поспѣваѫщомоу въ начѧлѣ. И съвръшаѫщомоу въскорѣ полезнаа. развѣ бо того ни слово, ни дѣло съвръшаеть сѧ. Имьже того блг(д)тиѧ и помощиѧ. Почѧ сѧ и съвърши сѧ. Сие малое дѣло. Зовомое пѣснивець. Съ всѣкымь оуставомь. И съ ѿвѣты. Въ лѣ(т). ѕ͠. Ѡ͠. м͠͠е. Ендихто .е͠͠. повелѣниемь прѣвысокааго ц͠рѣ нашего. Б͠гомь избраннаго. И б͠гомь вѣнчѣанааго іѡа(н), алеѯан(д)ра.

Великыи въ кнѧꙁихъ кнѧꙁь ст꙯ославъ . въжделаниемь ꙁѣло въжделавъ . дьржаливых вд꙯ка (о)бавїти . покръвеныꙗ раꙁоумы въ глѫбинѣ . многостръпътьныхъ сихъ книгъ . прѣмѫдраго василїа въ разѫмѣхъ . повелѣ мнѣ немдроу вѣдию . прѣмѣноу сътвотити рѣюи инако . набъдѧща тожьство раꙁѫмъ его . ꙗже акы бъчела любодѣльна . съ всѧко(го) цвѣта ѱанию събьравъ акы въ единъ съть . в вельмысльное срц꙯е свое . проливаеть акы съть сладъкъ . иꙁъ оустъ своихъ прѣдъ болѧры . на въраꙁоумѣние тѣхъ мысльмъ . ꙗвлꙗꙗ сѧ имъ новыи птоломѣи . не вѣрою нъ желание паче . и събора дѣлꙗ многоюьстьныихъ .

Всѧ кьнигы ветхыа и новыа вьнѣшьныѧ и ѫтрьныа благовѣрныи цѣ(са)рь сѵмеѡнь божьствьнааго писаниа испытавь и вьсѣ(х) оучитель. Нравы и ѡбычаѧ и м(д)рость раꙁоумѣвь сего бл͠женааго иѡана ꙁлатооустааго почоудивь сѧ. Словеснѣи м(д)рости. И благодѣти ст͠го д͠ха. иꙁвыкь емꙋ чист[и] всѧ кьнигы. И иꙁбравь вьсѧ словеса. ѿ всѣ(х) его кьнигь. Вь сиѧ едины сьложи кьнигы. Ѧже проꙁь[ва] ꙁлатострꙋѧѧ. Аште бо иного по семꙋ имени ꙁлатостроуꙗаго проꙁвашѧ. То и мы нѣсмь Сѧ мьнѫ никакоже сьблаꙁнили. Сїа кьнигы ꙁлатострꙋѧѧ нарекьше. Ельмаже д͠ха с͠тааго ꙋчениꙗ.

Иꙁволѥниѥмь ѡ҃ца и сьврьшениѥмь сн҃а. и сьпоспѣшениѥмь ст҃го дх҃а.

Вь дни бл҃говѣрнагоо. и прѣвысокааго. и самодрьжавнаго ц҃ра нашего їѡанна срацимира бльгароо м и грькоо мь.

Потьща се бл҃говѣрнаа и ст҃оо роднаа цр҃ца анна. и сь повелѣниѥмь цр(с)тва си. написа сию книгю. рекомое сьборни(к) ст҃ымь прѣпо(д)бнѣмь и страстотрьпнимь женамь:—

Да сѹть г(с)нѹ ц҃рю и цр҃ци и чедоо мь и(х). вь ѹтврьж(д)енїе цр҃ьствѹ и(х). тѣлѹ вь ꙁ(д)равиѥ. а д҃ши вь сп҃сенїє. и написа се вь бдинѣ градѣ.

Сїа книги бл҃гочестныѧ, наричемыѧ Аѳанасїи. повелѣнїем кнѧза нашего болгарска. именемⸯ Сїмеона прѣложи и(х) епископ Констонтин, вⸯ словенскъ ꙗзык, ѿ гречьска. в лѣто ѿ начѧла мира, ѕ҃.у҃.і҃д. ин(д). і҃. ꙋч҃нк сы Меѳодовⸯ. Архїепїскопа Моравы. напса же и(х) Тѹдѡр черноризе(ц) Доѯовⸯ тѣмж(д)е кн҃зем повелѣлъ, на ꙋстїи Тычѧ. в лѣ(т), ѕ҃.у҃.і҃е. идеже с҃таа златаа ц҃рквы новаа. сътворена е(с) тѣмж(д)е кн҃змⸯ. вⸯ се ꙋбо лѣто ꙋспе раб б҃҃жїи сего кнѧзѧ ѡ҃цъ. в блазѣ вѣрѣ живыи, в добрѣ исповѣданїи г҃а нашего Іѵ҃ Ха҃. великїи и ч(с)тны и бл҃говѣрны госпо(д) нашъ кнѧз болгарскъ.

  1. Стихове за Успение на св. Иван Рилски от ръкопис (18.VІІІ) Рил. 1/26 от ХV в., л. 213а (= Рил 2/20, л. 392б-393а):

С(ти)х. Въ сльзах прьвѣе и трѹдѣх сѣавь долѹ.

Іѡанне пожинаи н(ы)нꙗ радостно вышьше.

в иі͠. авгѹста Іѡанна ѿ зде възѧшѧ:—

Тьь прѣпѣ(д)бныи ѿ͠ць н͠шь Гавриль бѣаше блгороднѹ и богатѹ родителю с͠нь. и вьдань бы(с) на ѹчению книжномѹ. и б͠иѥмь изволениѥмь. поспѣшень бы(с). пришедшѹ вьзрастѹ ѥго. и ѡбрѫчишѫ ѥмѹ невѣстѫ добра рода. ѡномѹ же не хотѧщѹ. и б͠иѥмь изволениѥмь ѹмрѣть подрѹжиѥ ѥго. ѡномѹ же не примѣшьшѹ сѧ ѥи. и шедь вь монастырь и бы(с) мнихь. и вьземь бгт(с)во много и ѡтиде и проꙗвлениѥмь великааго ар(х)истратига Михаила. вьше(д) в горѫ Лѣсновьскѫѩ. и сьз(д)а храмь вь имѧ ар(х)стратига. и игѹмена постави и мнихы сьбра. и тѹ ѡстави все иманиѥ своѥ.