Вие сте тук

Писмени документи

М

Въсѣхь ц҃ра и бг҃а, мати благаа.
Въсѣ(х) съдѣтелꙗ рож(д)шїи едїна.
Въсѣ(х) живот же, свѣ(т) и бл҃гостиню.
Въсѣ(х) желаемы и добры краи.

Ѿ коудꙋ начнꙋ плакати се, ѡ дв҃о?
Ѿ коудꙋ начнꙋ молити се, блг҃аа
Ѿ  кыхь гл҃ь наи вещанїи, ч(с)тнаа?
Ѿ какова срца, ѿ коего ѥзыка?

Въ скврьннь и нечисть есмь окаанїи.
Въ смраднь и въ грѣсѣ есмь, оувы мнѣ
Въ ѿрыновень, понѥже и хбезаконннь.
Въ въсегда грѣхꙋ хработавь и до нн҃ꙗ.

Съ исповѣданѥмь прихож(д)ꙋ нн҃ꙗ
съ срамомь и смѣреною съвѣстїю.

(293) Гѹ бѹ и спсѹ нашемѹ Іу Хѹ. по бжьстьвнѡⷨ и бгомѹжномь его къ члкѡⷨ ꙗвлѥнїю. и иже ѿ мртвыⷯ трїдневнѣмь въскрсени, и иже къ ѡцѹ съ славою възнеⷭни. на ѹченикы и апⷭли дха стго излиавшѹ, и разѹма тѣхь бжⷭтвна и силы исплънь съдѣлавшѹ. и ѿ исплънѥнїа ихь въса въсприеть землꙗ. и въси члци иже ѿ тѣⷯ истакаюⷮ приѡпщающеⷭ дарѹ, тьмы ѹбо безѹмїа прѣмѣнꙗхѹ се. истинномѹ же иже бгоразѹмїа присваꙗхѹ се свѣтꙋ. ꙗкоже бо мльнїе бжтⷭвны и свѣтлы аплⷭи конце ѡптекше, и инь инѹ въселѥные честь наслѣдовавше.

Борбата на св. Марина с демона в тъмницата (86v-89r)

I. Вьсходещоу павлоу вь иконию. по ꙍⷮгнанїи бывшемь ѥмоу ꙍⷮ антиꙍхиѥ. быста два соупоутника с нимь. димась и ѥрмогень ковачь лицемѣриꙗ испльнь соуща. cлоужеща павловьі, ꙗко любеща и. павль же вьꙁираѥ на ѥдиноу блⷣть хⷭвоу. ничесоже льстно творꙗше има нь люблꙗшеⷼ ꙁѣло, словеса гн҃ꙗ и поꙋчениꙗ скаꙁаше има. и величиꙗ хвⷭа. рожьⷣство и вьскр҃сенїѥ вьꙁлюблѥнно наслажⷣаꚟ и ю. и како ꙗви се хⷭ ѥмоу. по редоу вса повѣдаше има. ꙗко ꙍⷮ мариѥ ꙍⷮ сѣмене дв҃два роди се х҃с.

(л. 203а) Маѯимїаноу м(ч)телю ⸱ злочьстиво и по всеи ѿ ноу(д) вьселѥнѣи иꙁложшоу ꙁаповѣданїе ⸱ пославшꙋ же и иже по єгӱптоу кнеѕемь ⸱ ꙗко или вьсѣмь иже вь нѥмь хр(с)тїанѡ(м) скврьнныи(х) въкоушати жрьтьвь и своее ѿмѣтати се вѣри . или раꙁличними моуками и истеѕанми житїа прѣмѣнꙗти се . и мноѕѣмь о семь вѣрныимъ сьшь(д)шим се ⸱ и ѡ вѣмь оубо юже ѡ хѣ сьмрьтъ блгославнѣ приемлющимь ⸱ ѡ вѣм же въ тьмнице и ꙋꙁы ѿпоущенѡ(м), гладем же и жеж(д)ею дрꙋчимомь .

коже сл͠нце сиꙗеть видѧщимь є · такоже ѡ мѫченицѣхь · словеса слышѧщимь · ꙗкоже н͠бо оукрашаєть сѧ звѣз(д)амы · такоже и цр͠кви б͠жиꙗ имѫщи м(ч)кы · ꙗко ц ̾вѣти на полихь · такоже м(ч)ци вь цр͠квахь · памѫть мѫчеником ̾ · дльгомь ѿпоущениє · памѧть м(ч)комь бѣснымь свобода · пам(ѧ)ть м(ч)комь животь и здравиє · и мир ̾ подаваєть · великы(х) велика под ̾визаниꙗ · свѣтли вѣньци м(ч)комь · прѣ (да)въше мѫкамь тѣлеса своꙗ · и всѣ красна мира сего · положишѧ въ смети мѣсто · да х(с)а не ѿвръгѫт сѧ · и сего ради х(с)ь възда имь сь ан ̾г͠ли жити · мнѣвь бо стары